1.Rongorongo 25:8 - Te B'aib'ara

⁸ E anganiia tabeia Tawita koraki aikai man titirakinan te UEA b'a tera ae e tangiria. A bane n reke tabeia ni b'aai ni kabane, e ngae ngkana e rangi n ataei ke e a kara, te tia reirei ke ataein te reirei.

1.Rongorongo 25:8 Iomraidhean Croise

1.Rongorongo 15:22

E rineaki Kenania b'a te tia kaira te katangitang, i bukina ngke bon te tia katangitang ngaia.

1.Rongorongo 24:31

A bon bane n anganaki tabeia n aron naba anganakiia aia koraki ake taian ibonga tabeia. Ao taani kakoaua bon Tawita, Tatoka, Abimereka, ao mataniwiin aia utu ibonga ao kanoan Rewi.

1.Rongorongo 24:5

I bukina ngke iai taian mataniwi n te Tembora ao ibonga n taian utu aika uoua aikai, ao e a titirakina te UEA Tawita te b'ai ae e na karaoia are e na tib'aaki raoi te m'akuri i marenaia.

1.Rongorongo 25:2

Natin Ataba m'aane ake aman aika, Takuura, Ioteb'a, Netania, ao Atiarera, ake a mena i aan ana kairiiri tamaia ao a katangi taiani b'ai ni katangtang ngkana e tuangiia te uea b'a a na karaoia.

1.Rongorongo 25:9

A bwenauaaki taani katangitang nakon uabwi ma aua te m'akoro ae kaka tengauni ma uoman m'aitiia,

1.Rongorongo 26:13

Ao a anganaki tabeia te mataroa b'a a na tantani iai, ao a kakaea nanon te Atua b'a tera ae e tangiria b'a a na karaoia.

1.Rongorongo 26:16

A rineaki Tubim ma Ota b'a taan tantani n te Mataroa are i Maeao ao te Mataroa are Tiareketa n te kawai are i eta. Aikai kaetietin te m'akuri i bukin te m'akuri n te bong koraki i bukin tabeia taan tantani ake a anganaki:

2.Rongorongo 23:13

Ao e a noora Ioati n tei i rarikin te boua i rarikin mataroa, are bon ana taatabo te uea. A tei i rarikina mataniwi n te taanga ni buaka ao taan katangibu, ao taani katang b'ainikatangitang ake a tabe ni kairiia aomata ngke a tabe ni bukamaru n anene ni kukurei mani katangi taiani bu. E raeuai kunnikaina Nei Ataria i bukin marakin nanona, ao e takaarua ni kaangai, “Kam kam'aneai, ngkami aika taani kam'aam'ane!”

Neemia 12:24

A tararuai kuaaea ake uoua, Atiabia, Terebia, Ietua are natin Katemiera te m'aane, n reitaki ma aia taani buokiia. Kuaaea aika uoua aikai ake a kaainaki irouia kanoan Rewi ake a anene n neboa te Atua, n aron are e a tia ni baaireia ngkoa ana aomata te Atua are te uea are Tawita.

Taeka n Rabakau 16:33

Ti konaa ni karaoi oin ara babaaire nako, ma bon ti te UEA n ti ngaia ae e baairei baika a riki.

Nakoaia Ibonga 16:8

Ao e na karaoa te kaiwa ikanne, n atiibu aika uoua, te atiibu teuana e m'aakenaki “i bukin te UEA,” ao are teuana i bukin “Ataera”.

M'akuri 1:26

Ao a kakaaea n te aro ni kaiwa b'a antai ae na rineaki i rouia, ao e reke b'a Matia; ao e warekaki b'a raoia taan tuatua ake tengauni ma temanna.