1.Rongorongo 24:3 - Te B'aib'ara

³ Ao Tawita e bwenauaia ana kariki Aaron nakon taiani m'akoro, ni kaineti ma tib'angaia. Ao a buoka Tawita Tatoka, are ana kariki Ereata temanna, ao Aimereka are ana kariki Itama temanna.

1.Rongorongo 24:3 Iomraidhean Croise

2.Tamuera 20:25

Tewa bon te tia koroboki. Taian ibonga bon Tatoka ao Abiata.

2.Tamuera 8:17

Tatoka are natin Aituba te m'aane, ao Abiata are natin Aimereka te m'aane, boni ngaiia taian ibonga. Ao Teraia bon te tia koroboki.

1.Uea 2:35

Ao Toromon, e katea Benaia n onea mwiin Ioaba b'a manga te kam'anta n te bootaki n tautia, ao e kateirakea Tatoka b'a te ibonga n onea mwiin Abiata.

1.Rongorongo 15:11

E kawaekoaia kanoan Rewi aika onoman aikai Tawita ao uoman ibonga, aika Tatoka ao Abiata.

1.Rongorongo 16:39

Ao Tawita e rinea naba Tatoka are te ibonga ma ana koraki b'a a na m'akuri i bukin te UEA n te Um'antabunrianna are i Kibeon.

1.Rongorongo 18:16

Ao taiani ibonga bon Tatoka are natin Aituba te m'aane ao Abimereka are natin Abiata. Ao te tia koroboki bon Tiawetia.

1.Rongorongo 24:31

A bon bane n anganaki tabeia n aron naba anganakiia aia koraki ake taian ibonga tabeia. Ao taani kakoaua bon Tawita, Tatoka, Abimereka, ao mataniwiin aia utu ibonga ao kanoan Rewi.

1.Rongorongo 24:4

A bwenauaaki ana kariki Ereata nakon tebwi ma onoua te m'akoro, ao Itama a bwenauaaki ana kariki nakon wanua te m'akoro, i bukina b'a a m'aiti riki ana taani kairiiri n te utu ana utu Ereata.

1.Rongorongo 24:6

Ao ngke a anganaki m'akoro nako tabeia, ao Temaia are natin Netanera te m'aane are kanoan Rewi e koroi araia taani kairiiri ake taan tararuaia taiani m'akoro akanne. Ao taani kakoaua bon Tawita ma ana mataniwi, ao ai uana naba ma Tatoka te ibonga, Aimereka are natin Abiata te m'aane, ao taani kairiiri man aia utu ao aia kaainga ibonga ao kanoan Rewi.

2.Rongorongo 8:14

Ao e anganiia tib'angaia ibonga ao Kanoan Rewi Toromon n te Tembora, ao e ira te kaetieti are e a tia tamana are Tawita n anganna. Ao tabeman kanoan Rewi a na kaira te katangitang ma ni buokiia ibonga n aia m'akuri, ao tabeman a na teiakina mataroan nako oon te Tembora

1.Tamuera 21:1

Ao e nako Tawita nakon Aimereka are te ibonga i Nob'a. Ao e otinako Aimereka ni kawara Tawita ma te ruru ni maaku ao e titiraki ni kaangai, “E aera ngkai ko nako mai ma ti rab'atam?”