1.Rongorongo 23:5 - Te B'aib'ara

⁵ akana 4,000 a na riki b'a taan tei n te Tembora, ao 4,000 a na neboa te UEA ni katang taiani b'ai ni katangitang ake I a tia n anganiia.”

1.Rongorongo 23:5 Iomraidhean Croise

1.Uea 10:12

ma e bon anganna naba b'aai ni kabane ake e tangiri.

2.Uea 7:10

Ao a okira Taamaria ao a takaarua ni waerake nakoia tautia ake a teiakina te mataroa, ao a taku, “Ti a tib'a oki man aia kaemb'a tautian Turia, ao a bane n tia n nako tautia. A akea kaain taian autinrianna, ao a boni bane n rooaki taian aoti ma taian aati. Ao bon akea naba temanna ae ti ongo b'anaana ke n nooria.”

1.Rongorongo 16:38

Ao taani buobuoki bon Obeta-Etom ma onongauni ma onoman aika ana koraki, ao Ota ao Obeta-Etom are natin Ierutun te m'aane bon taan tei.

1.Rongorongo 16:4

Ao e rineia tabeman kanoan Rewi b'a a na m'akuri n te Atiniberita, ana katangitang ao a na anene ni kamoamoa nakon te UEA ae Atuaia Iteraera.

1.Rongorongo 23:30

A na katoa ingabong ao tairiki kanoan Rewi n anganga aia kaaitau nakon te UEA ao n anene nebonebo nakoina.

1.Rongorongo 9:33

Taani kairiri man utuun nako kanoan Rewi ake taani katangitang a boni maeka naba n te Tembora. Bon akea riki tib'angaia teuana, i bukina ngke a tei n te bong ma te ngaina.

2.Rongorongo 20:28

A rangi ni kukurei i bukina ngke e a tia n anganiia te UEA te tokanikai i aoia aia kairiribai, ma ngaia are, ngke a roko n te kaawa are e buubura, ao a bon m'ananga naba ni kaineta naba te Tembora.

2.Rongorongo 34:13

bon ngaia ake a na tabeakina uotakin b'aai ao n tararuaia taani m'akuri. Ao kanoan Rewi ake tekorakina a rineaki b'a taan tei ni katobibia te Tembora.

2.Rongorongo 35:15

I nanon tain te bootaki ao iai tabeman kanoan Rewi ake a katauraoia maan i bukin te Toa are te Riao i bukiia taan katangitang ao taan tei, b'a a aonga n aki kitana aia tabo taani katangitang ake kanoan Rewi, ake a tia n anganaki tib'angaia ni kaineti ma ana kaetieti Tawita, Ataba, Eman, ao Ierutun are ana burabeti te uea. Ao a bon aki kiitani aia boua taan tei ake ni mataroan te Tembora.

2.Rongorongo 8:14

Ao e anganiia tib'angaia ibonga ao Kanoan Rewi Toromon n te Tembora, ao e ira te kaetieti are e a tia tamana are Tawita n anganna. Ao tabeman kanoan Rewi a na kaira te katangitang ma ni buokiia ibonga n aia m'akuri, ao tabeman a na teiakina mataroan nako oon te Tembora

Etira 7:7

Ao a raona Etira n nako Ierutarem Iutaia ake tekorakina, n ikotaki ma ibonga, kanoan Rewi, taani katangitang, taan teiakina te Tembora, ao taani m'akuri. E riki aei n ana kaitiua n ririki Atatokititi n uea.

Neemia 7:73

Ai ngaia are, n te kaitiua n nam'akaina, ao a maeka taiani ibonga, kanoan Rewi, taan tei n te tembora, taani katangitang, taani m'akuri ao ai bon aomata nako ni kaawan nako Iuta.

Taian Areru 87:7

A anene ni b'ab'atere ao ana kaangai, “A nako mai Tion kab'aiara ni bane.”

Itaia 64:10

A tia n riki b'a n rereua am kaawa nako, ma ai ti Ierutarem nikirana.

Amota 6:5

Kam otoi kuuna ma n anenei ma te aabi n ai aron teuare Tawita.