1.Rongorongo 22:2 - Te B'aib'ara

² Ao Tawita, e tuangiia iruwa ake a maeka i aon Iteraera b'a a na nako Ierutarem. Ao e anganiia tabeman tabeia b'a te korokoroi taian atiibu aika a buubura i bukin karaoan te Tembora.

1.Rongorongo 22:2 Iomraidhean Croise

2.Tamuera 5:11

E kanakoia ana mataniwi tabeman Uean Turo are Iram nakon Tawita. Ao a airi ma ngaiia taani kaabenta ma taani koroatiibu, ao a uoti kaai aika taian tiira b'a aonga ni konaa ni katea ana bareti Tawita.

1.Uea 6:7

E aki tangiria Toromon ni kan ongo rebwerebwen taian aama ma taian tanai n te tabo are e kateaki iai te Tembora. Ma ngaia are, e tuangiia taani koro atiibu b'a a na koroi aia atiibu n te tabo teuana are e ananaaki iai te atiibu.

2.Uea 12:12

ao taani koro atiibu, ao m'aane ake a karaoi taian o. A kamanenaaki m'aane tabeua i bukin boon taiani kai, ao atiibu, ao i bukin boon riki b'aai tabeua i bukin onob'aian te Tembora.

2.Uea 22:6

taani m'akuri, ao a na kabooi taiani kai ma atiibu i bukin te onob'ai n nikiran te m'aane.

1.Rongorongo 14:1

Ao e kanako ia tabeman ana mataniwi uean Turo are Iram nakon Tawita. A kairiia kabenta ma taani m'akuri n te atiibu, ao kaai aika tiira aika a tau m'aitiia i bukin katean ana bareti Tawita.

1.Rongorongo 29:1

E taku Tawita nako ia aomata: E rinea natiu te m'aane are Toromon te Atua b'a e na katea te Tembora, ma e uarereke Toromon ao e tuai rabakau ni kateitei. Tiaki te auti n aki akaaka te auti aei b'a bon ana Tembora te UEA ae te Atua!

2.Rongorongo 2:16

N na tuangiia b'a a nang waakina korean taiani kai i Reb'anon. A na koroi n aron m'aitin ane ko tangiria, ao a na booti ni kabaei b'a taian ebaeba, ao a na kabeti ri mataniwi nako Ioba. Ao a konaa n anai am taani m'akuri mai ikekei nako Ierutarem.

2.Rongorongo 2:17

Ao Toromon e wareki m'aitiia iruwa ake a maeka i Iteraera, n aron are e karaoia naba ngkoa tamana are Tawita ngke e uea, ao bootaia bon 153,600.

Etira 3:7

E a tia n taku ngkoa uean Botia are Tairati, b'a a konaa Iteraera n anai taian kai ake tiira mai Reb'anon ni karokoa Ioba ni katiki ri taari. Ma ngaia are, a kanakoi taiani uita, wain, ao b'aan te oriwa nakoni kaawa aika a buubura ake Turo ao Titon b'a boon kaai, ao a anga taiani m'ane nako ia taani m'akuri n te atiibu ao taani kabenta.

I-Ebeto 2:12

ao kam tuai n reitaki ma Kristo ngkekei, ngke kam ianena nakoia te botannaomata ae Iteraera, ao akea nnemi n taiani boraraoi ake kanoan te taeka n akoi, akea ami kaantaninga ao kam aki reitaki ma te Atua ni maiumi i aon te aba aei.