1.Rongorongo 22:13 - Te B'aib'ara

¹³ Ngkana ko ira nanon Ana tua nako ma ana reirei ake E a tia te UEA n angan Moote, ao ko na bon tetekeraoi. Ko na korakora ao ko na ninikoria ao e na aki b'ab'ara nanom ke ni maaku ni b'aai nako.

1.Rongorongo 22:13 Iomraidhean Croise

1.Uea 2:2

Natiu i aoni kawaiu ni mate n aroia aomata nako ma I tangiriko b'a ko na korakora ma n ninikoria.

1.Uea 2:3

Karaoi b'aai ni kabane akana E tuangko te UEA, ao tou mwiin Ana reirei. Ongotaeka ni b'aai ni kabane akana a koreaki n Ana tua Moote. Ane ko na tetekeraoi e aoria ngkana tao tera ae ko karaoia, ke tao ko nakon te tabo teuana.

1.Rongorongo 28:10

E a tia n rineiko te UEA b'a te tia katea te Tembora i bukin taromauriana. Ko na korakora ni karaoa am m'akuri ae ko a tia n anganaki.

1.Rongorongo 28:20

Ma ko riai ni kakoaua b'a a na karaoaki b'aai ni kabane n aron taian tamnei aikai. Ko na korakora ao ko na aki maaku n te b'ai teuana ke ni b'arannano. E na buokiko te UEA ae Atuau ni b'aai ni kabane akana a tangiraki i bukin katiaan te Tembora, b'a e aonga ni konaa ni kamanenaaki i bukin taromauriana.

1.Rongorongo 28:7

Ngkana e teimatoa n iri nanon au tua ma au babaaire, ao e na teimatoa abanueana.”

2.Rongorongo 14:6

E kakab'aia Iuta te UEA n anga te rau ngke e uea Ata, ao n te tai anne, e nonoi kaawa aika a m'aiti Ata.

2.Rongorongo 20:20

N te moan ingabong are i mwiina, ngke a katauraoi aomata nako b'a a na nakon te rereua are i rarikin Tekoa, ao e teirake Ieotiab'ata ao e taku, “Kam na ongora raoraou nako, ngkana ti kakoauaa te UEA ae te Atua ma n onimakinna ni b'aai ni kabane aika a taekin taian burabeti aikai nakoira, ao E na buokira te UEA, ao ti na bon tokanikai.”

2.Rongorongo 26:5

Ana tia iango Utia bon Tekaria are e reireinna te ongotaeka iroun te Atua. Ai ngaia are, ngke e maiu Tekaria ao e kakaonimaki Utia nakon te Atua, ao e karaoia te Atua b'a e na tetekeraoi.

2.Rongorongo 32:7

Kam na ninikoria ao kam na korakora! Bon akea riaina b'a kam na maaka te uea are Tennakeriba ma ana taanga ni buaka ae e korakora,

Taian Areru 1:3

Ti te bo ma te kai are e tei i rarikin te tabo n ran: e maiureirei ao e kariki uaana n ana tai n uaa, ao e aki rai baana. A bane ni materaoi baike e karaoi.

Taian Areru 119:6

Iaiangoan am Tua irou bon tukau mani karaoan te b'ai ae N na kamaamaaeaki iai.

Taian Areru 72:1

Te Atua, Ko na reireina te uea am Motikitaeka ae Eti, Ao buokanib'ai ma ngaia n am Kaetitaeka ae e raoiroi,

Akai 2:4

Ma kam na kukurei! I bukina b'a N na mena ikai Ngai ae te UEA ae Moan te M'aaka ni buokingkami n te m'akuri,

Tekaria 8:9

Bon te UEA Ngai ae Moan te M'aaka! Ma ngaia are, kam na aki b'arannano. Kam na iangoi au rongorongo ake a taekin au burabeti ngke e moan kaweneaki aan te Tembora.

Mataio 3:15

Ao Iesu E kaeka ni kangai, “Kariaia ngkai: b'a te b'ai ae riai i roura b'a ti na karaoi b'aai ni kabane ake E tangiri te Atua.” Ao e kariaia Ioane.

M'akuri 13:22

Ao ngke E a tia ni kam'awa, ao E kateirakea Tawita b'a aia uea; ao aikai ana taeka te Atua i bukina: “E a reke irou Tawita are natin Iete; boni ngaia te aomata ae I tangiria, ae na karaoi b'aai ni kabane aika I tangiri.”

1.I-Korinto 16:13

Kam na tatauraoi, kam na teimatoa n te onimaki, kam na nano ni mm'aane, ao kam na korakora.

I-Karatia 6:2

Kam na i buobuoki n uotami nako, ao kam na toua mwin ana tua Kristo iai.

I-Ebeto 6:10

Te kabanea: kam na korakora i nanon te UEA, ao ni korakorani m'aakana.

2.Timoteo 2:1

Ma ngaia aei, natiu, ko na korakora, n te akoi are reke ngkai ti reitaki ma Kristo Iesu;

Iakobo 2:8

Ma kam karaoa ae e raoiroi ngkana kam toua mwin te tua are mairoun te Uea, are e koreaki ni kaangai, “Ko na tangira raom n ai aron tangiram i bon i roum.”

Iotua 1:18

Ane e aki karinea m'akam ma n rawa n ongo n am taeka ao e na tiringaki. Ko na korakora ao ko na ninikoria!”