1.Rongorongo 22:10 - Te B'aib'ara

¹⁰ E na karaoa au Tembora Toromon. E na riki b'a kaanga te nati te m'aane irou, ao N na riki b'a kaanga te tama nakoina. Ni koauana, e na uea n taai nako temanna mai buakoia ana kariki i aon Iteraera.”

1.Rongorongo 22:10 Iomraidhean Croise

1.Uea 2:15

Ao e taku Atoniia, “Ko bon ataia b'a I uea ngkoa i nanon ti tabeua te tai, ao a bane Iteraera ni kariaia b'a N na uea, ma E tangira tariu te Atua b'a e na uea, ao ngkai a bane n tia ni bitaki b'aai ni kabane.

1.Uea 2:24

E kaueaai te UEA n onea mwiin tamau, ao E berita b'a a na uea i aon Iteraera aomata aika man ara utu. Eng, I tuea n aran te UEA b'a e na tiringaki Atoniia n te bong aei.”

1.Uea 5:5

E berita te UEA ae te Atua nakon tamau b'a ngkana e riki b'a te uea natina te m'aane, ao e na katea te Tembora i bukin taromaurian te UEA. Ma ngaia are, I a tia ni baaireia b'a N na karaoa anne.

1.Uea 8:15

Ao e taku: Neboa te UEA ae Atuan Iteraera. E kaotinakoia ana Aomata man te aba are Aikubita n taai ake ngkoa. Ao i mwiina riki, E kakoroa bukin ana Berita ni karika tamau are Tawita b'a uean Iteraera. Ao e taku naba te UEA b'a E tuai n rinea te kaawa are e na karaoaki iai te tembora.

1.Uea 9:5

ao N na kaawakina Au berita ma Tawita are e na uea n taai nako i aon Iteraera temanna man ami kariki.

1.Rongorongo 28:5

E a tia ni kakab'aiaai te UEA n anganai natiu m'aane aika a m'aiti, ma E rinea natiu te m'aane ae Toromon b'a e na manga uea imwiiu i aon Iteraera.

2.Rongorongo 6:15

Bon tamau Tawita are am toro, ao n te bong aei ko a tia ni kaawakina am berita are ko karaoia ngkoa i bukina.

Taian Areru 89:26

Ane e na kaangai nako iu, ‘Bon Tamau ao Atuau Ngkoe; te tia katanai ao te tia kamaiuai.’

Itaia 9:7

E na aki tootoki m'aakana; e na akea tokin te raoi. E na tautaeka n abanuean Tawita ao e na kakorakoraa. E na tautaeka n taai nako ma te raoiroi ao te eti. E na bon kakoaua raoi te UEA ae Moan te M'aaka b'a a na koro nanon baikai.

Ebera 1:5

B'a te anera ra ae E kangai te Atua nako ina ngkoa, “Bon Natiu Ngkoe n te bong aei ao bon tamam ngai.” Ke ni kangai, “N na riki b'a Tamana Ngai ao Ngaia E na riki b'a Natiu.”