1.Rongorongo 21:26 - Te B'aib'ara

²⁶ E katea te baonikarea Tawita ao e anga karea i bukin kakukureian te UEA E tataro Tawita, ao e kaeka te UEA ni kanakoa te ai mai karawa nako aon te baonikarea.

1.Rongorongo 21:26 Iomraidhean Croise

1.Uea 18:24

A na tataro ana burabeti B'aara nakon antiia, ao ngai N na tataro nakon te UEA. Ao e na atongaki b'a te Atua ni koaua ane E kauraa te ai. Ao a taku aomata, “E raoiroi te iango anne.”

1.Uea 18:38

Ao e kanakoa te ai te UEA boni ngkekei naba, ao e kabuoka te karea ma taiani kai ao taian atiibu naba. Ao e kam'aia te tano are i rarikin te baonikarea ni katobibia ma ni kam'aua te ran ni kabane are i nanon te m'anono are e katobibia te baonikarea.

1.Rongorongo 21:27

Ao E tuanga te anera te UEA b'a e na kanakoa ana kabaang.

2.Rongorongo 3:1

A moana karaoan te Tembora are i Ierutarem ana taani m'akuri Toromon ni kauabongin te kauoua n nam'akaina, aua te ririki i m'aain rikin Toromon b'a te uea i aon Iteraera.

2.Rongorongo 7:1

Ao n te tai are e bane naba iai ana tataro Toromon, ao e b'aka te ai mai karawa ni kabuoka te karea. Ao e rina ni kaona te Tembora raneanean mimitongin te UEA,

Taian Areru 51:15

Buokai b'a N na taetae, Ao N na neboiko.

Taian Areru 91:15

Ngkana a weteai, ao N na kaekaia; ngkana a kai nanoia, ao N na mena irouia. N na kamaiuia ma ni kakab'aiaia.

Taian Areru 99:9

Kam na neboa te UEA ae Atuara, ao taromauriia n ana maunga are tabu! Moan te tabu te UEA ae Atuara!

Taeka n Rabakau 15:8

E aki kukurei te UEA n aia b'aintangira aomata aika a buakaka, ma e kakukureiaki ngkana a tataro ana aomata.

Itaia 65:24

Im'ain tokin aia tataro, ao N na kaekai aia tataro.

Ieremia 33:3

“Weteai ao N na kaekako; N na tuangko b'aai aika a kamimii aika a tamaroa aika ko tuai man atai.

Nakoaia Ibonga 9:24

Ao E kanakoa te ai te UEA n te tai ae e karina, ao e kamannangii karea ni kabuokaki ma m'akoron te man ake a nenea ake i aon te baonikarea. Ao ngke a noora arei aomata, a bane n takaarua ao a bobaraaki ni kabo mataia ma aontano.

Warekaia Iteraera 16:50

Ao e oki Aaron nakon te Um'antabunrianna n tei i rarikin Moote.

Tani Motiki-taeka 13:20

E ura te ai ni karokoa karawa, ao e waerake te anera arei n te ai nako karawa. Ao a bobaraaki Manoa ma buuna nako naano ngke a noori baikai.

Tani Motiki-taeka 6:21

Ao e taua te oko te anera i nanoni baina, ao e korea iai te iriko ao te kariki n tabon okona. Ao e kiba te ai man te b'a ao e kabuoka te iriko ma te kariki. Ao ngke e taratara nako Kiteon, ao e a akea te anera arei.