1.Rongorongo 21:22 - Te B'aib'ara

²² E taku Tawita nakoina, “Ko rawa ni kabooa am tabo ni kaaki kun ni uita aei nako iu, b'a I aonga ni konaa ni katea iai te baonikarea i bukin te UEA? B'a e aonga n toki tiringakiia aomata n te aoraki aei. N na kabooa nakoim n aron boona ane ko bon taku.”

1.Rongorongo 21:22 Iomraidhean Croise

Karikani B'aai 23:9

b'a e na kabooa nako iu ana B'anga ni matang are i Makebera, are e mena i mataniwiin ana tawaana. Taiaoka ni butiia b'a e na kabooa nako iu ni bon boona, b'a N na kab'aka i matami boona ni kabane, b'a e aonga n reke b'a au tabo n taunimate.”

Karikani B'aai 50:10

Ao ngke a roko n te tabo n oro uita n te tabo are Atata are i mainikun te Ioretan, ao a tang n takaarua n te tai ae maan, ao e a karaoa ana am'arake n taoatama Ioteb'a i nanon itiua te bong.

2.Tamuera 24:21

ao e taku, “Te uea ae ko karineaki! E aera ngkai ko nakomai ni kawarai?” Ao e kaeka Tawita ni kaangai, “I roko b'a N na kabooa am tabo ni kaaki kunniuita. N na riai ni karaoa te baonikarea ikai, b'a e aonga n toki mateia aomata n te aoraki aei.”

1.Uea 21:2

Ao n te bong teuana ao e a taku Aaba nakon Naabota, “Naabota. E rangi ni kaan am onaroka ni kureebe ma au bareti. I butiko b'a ko na anganai b'a N na karaoia b'a au onarokau i bukin kainam'arake aika a uarereke. N na manga anganiko te onaroka riki ae e raoiroi riki nakon anne, ke N na anganiko boona are ko bon tangiria b'a am b'ai.”

1.Rongorongo 21:21

Ao e rina n roko Tawita, ao ngke e nooria Arauna, ao e katoka ana m'akuri ao e bobaraaki nakoina.

1.Rongorongo 21:23

Ao e taku Arauna, “Anaia, teuae ko karineaki, ao karaoa ane ko bon taku nako iai. Ao ngai n na anganiko naba taiani kao b'a am karea ni kabuokaki, ao taian uita b'a am angab'ai are te uita. Ao ko konaa naba ni kabonganai taian baba ni kaaki kun ni uita i bukin am aia. Bon am b'ai ni kabane!”

Warekaia Iteraera 16:48

E katokaa te b'ai ni kaboiarara i aon te baan, ao i mwiina, e anga nakon te UEA ni butiia kab'araan aia bure aomata. Ao e rina n toki te aoraki arei, ao a akea riki ae manga mate iai.

Warekaia Iteraera 25:8

ao e taonrimwiia teuarei nakon te auti n rianna, ike e a ewara naba iai te mm'aane arei ma biroton neirei n te tai ae ti teuana. Ao E waekoa n toki unin te UEA n tiringaia aomata n te aoraki are kamamate arei,