1.Rongorongo 21:13 - Te B'aib'ara

¹³ E rawaawata nanon Tawita ao e taku, “Bon te b'ai ae e matoatoa irou rineana! E akoi te UEA, ao I kukurei riki ngkana I rineia b'a ngaia ae e na katuaaeai nakon ae n na rineia tabem'aang.”

1.Rongorongo 21:13 Iomraidhean Croise

2.Uea 6:15

Ngke e uti ana tia m'akuri Eritai n te ingabong are i mwiina, ao e nooria b'a a otab'aniniaki aia kaawa irouia tautian Turia, ao e taku, “Teuae ko karineaki, tera ngkai ae ti nang karaoia?”

2.Uea 7:4

Bon akea te am'arake ae e na reke i nanon te kaawa, ao ti na boni mate ni baki ngkana ti rin nako. Ae ti na boni mate naba ngkana ti tiku i tinaniku ikai. Ti a nako nakon aia kaemb'a aia taanga ni buaka kaain Turia, ma n anga ngaira nakoia. Ane a na tiringiira, ke a na aki.”

2.Rongorongo 28:9

E maeka Oteta i Tamaria ao temanna ngaia ana burabeti te UEA. E kaaitibo ma ana taanga ni buaka Iteraera ngke e oki rikaaki mai Iuta ao e taku nakoia: E katokanikaingkami te UEA i aoia kaain Iuta ti i bukina ngke e un irouia. Ma kam na aki karaoa ae e rangi ni buakaka nakoia!

Etita 4:11

Ngkana iai te m'aane ke te aine ae e rin ni m'aneaban ana bareti te uea, ao e aki weteaki iroun te uea, ao e na tiringaki te aomata anne. Bon anne te tua ae e bane n ataaki mairoun te uea ma ana taani iango, ao kaain aaba nako. Ma bon ti teuana te kawai are e kona ni karaoaki iai anne b'a ti ngkana e arora ana kai are te koora te uea nakon te aomata anne, ao e na aki tiringaki. Ao ai te nam'akaina tabun ngkai au tai n aki weweteaki iroun te uea mai mwiin moani weteau i rouna.

Etita 4:16

Naako botiia I-Iutaia ni kabane i Tutian, ao karaoa te aki mamatam, ao te tataro i buku. Kam na aki kana te b'ai teuana ma ni mooi teutana i nanon tenibong. Ao ti na karaoa naba ae ai aron anne ma au toro aine. Ao i mwiin anne, ao N na nako ni kawara te uea, e ngae ngkana e tabuaki n te tua. Ngkana arona b'a N na mate ni karaoan aei, ao N na boni mate.

Taian Areru 103:8

E nanoanga te UEA ao E tatangira; E iremwe n un ao E on n te Tangira ae Teimatoa.

Taian Areru 106:7

A tia ara bakatibu n aki atai nanon am M'akuri ake a kamimii i Aikubita. A aki uring m'aitin am Atataiaomata; ao a rawa nakon Teuare M'aaka i Tari are Uraura.

Taian Areru 119:156

Te UEA, e bati am Nanoanga; kamaiuai n am Moti aika eti.

Taian Areru 130:4

Ma Ko kab'ara ara bure, ma ngaia ae ti na taromauriko.

Taian Areru 130:7

Iteraera, kam na kaantaninga te UEA, b'a e teimatoa ana tangira ao E tauraoi n taai nako ni kakamaiu.

Taian Areru 5:7

Ma i bukin batin am Tangira, ao I a kona n roko n am Auti; ao n taromauri n am Tembora are Tabu ma ni boobaraaki ni karineko.

Taian Areru 69:13

Ma ngai, N na tataro nakoim, te UEA; Ko na kaekaai, te Atua, n am Tai are Ko taku. Ko na kaekaai ni m'aitin am Tangira, ngkai ko kawakina am berita ni koauan am Kamaiu.

Taian Areru 69:16

Te UEA, Ko na ongo irou, n raoiroin am Tangira ae teimatoa; Ko na tanimai nako iu ni m'aitin am Nanoanga!

Taian Areru 86:15

Ma Ngkoe, te UEA, bon te Atua n nanoanga ma n tangira; Ko aki kakai un, ao Ko b'ab'aina te te ataataiaomata ma te koaua.

Taian Areru 86:5

Te UEA, Ko raoiroi ao Ko kab'ab'arai buure; E bati am Tangira nakoia akana tataro nakoim ni kabaneia.

Taeka n Rabakau 12:10

A akoi aomata aika a raoiroi nakoia aia man, ma e iowawa te aomata ae e buakaka.

Itaia 46:7

A uouota te bouannanti i aon angaia, ao i mwiina a katokaa i aon te kaintei, ma e aki konaa ni kakam'akuri. A weewete nakon te bouannanti ngkana a reke n te kaangaanga ma e bon aki kaekaia, ao e bon aki konaa n anga a na i buobuoki.

Itaia 47:6

I un ngkoa irouia au aomata. Ma ngaia are, I kanakoko b'a ko na anaa abaia ma ni karokoa te kamaamaaeaki i aoia. Bon akea am Nanoanga nakoia, ma ai moaraara riki nakoia ake a kara.

Itaia 55:7

Kaaki kawaim nako aika b'aoua ao am iango aika a buakaka. Okira te UEA ae Atuara. E na nanoangaiko ao ane E na kab'arai am bure nako.

Itaia 63:15

Taiaoka te UEA, taratara rikaaki man am tabo ane e tabu ma ni mimitong ane mwengam ane n taiani karawa ao noora te b'ai ae e riki. Ko a aki tangiria? E ngaa m'aakam? Kaotia b'a ko bon tabeakiniira ao ko nanoangaira!

Itaia 63:7

N na taekin aron ana m'akuri te UEA aika E a tia ni karaoi. A bon riai n nebonebo! E a tia ni kaota ana akoi te UEA nakoia Iteraera; e a tia n akoi ao ni karaoa ae e raoiroi.

B'aeb'aeti 3:32

Tao E na bon karawawataira, ma E bon teimatoa ao e korakora naba tangirara i rouna.

Iona 3:9

Antai ae na ataia ao e a ti bita naba nanona te Atua, ao ma n toki unna, ao ti a aki mate!

Iona 4:2

Ao e tataro, “Te UEA, tiaki b'a bon aei te b'ai ae I kaman tuangko i m'aain kitanan mwengau b'a ko na bon karaoia? Ao bon anne bukina are I karaoa iai au kabanea n raoiroi ni biri nako Tibein! B'a I ataia b'a bon te Atua n Tangira ao n Akoi ngkoe. Ko aki kakaiun, Ko nanoanga, man tauraoi ni bita nanom, man aki karekekai.

Mika 7:18

Ara UEA bon akea riki n ai arom, te UEA; Ko kab'arai aia bure am aomata ake nikira ni maiu. Ko aki kakamaana unim, ma Ko kukurei riki ni kaota Am tangira ae e teimatoa nakoira.

Ab'akuka 3:2

Te UEA, I a tia n ongo baika Ko a tia ni karaoi, ao I onrake n te maaku. Ngkai ti maiu ao baike Ko a kaman kakaraoi. Ko na nanoanga, e ngae ngkana iai unin nanom.

Ioane 12:27

“E rawawata nanou ngkai; ao tera ae N na taekinna? Tao N na kaangai, Tamau, kamaiuai man te aoa aei? Ma aei bukin rokou, b'a N na rin i nanon te aoa aei.

I-Biribi 1:23

Ma e katikaki nanou ni baika uoua, b'a I kan nako ni mena irouni Kristo; b'a moan te raoiroi aei.

Ebera 10:31

Te b'ai ae kakamaaku te b'akara nanoni bain te Atua ae maiu.