Biblia Todo Logo
Bìoball air-loidhne

- Sanasan -




1.Rongorongo 2:55 - Te B'aib'ara

55 Tarema bon aia bakatibu naba te kaainga are e mena i Iabeta, are e kaawakin rongorongon taiani kabowi ao te tautaeka, ake boni kaain Tira, Timea, ao Tukata. Kaainga aikai, bon ana kariki Amata are kaain Ken, are aia bakatibu kaain Rekaba.

Faic an caibideil Dèan lethbhreac




1.Rongorongo 2:55
11 Iomraidhean Croise  

Ao e reitanako kawaina Ieu, ao e noora teuare Ieonataba are natin Rekaba ae e roko ni kawaria. E kamauria Ieu, ao e taku, “Ieonataba, I tei n am itera, ao ngkoe ko tei n au itera ke ko aki?” E kaeka Ieonataba ao e taku, “Eng, I tei naba n am itera. Ngkana ngaia anne, ao kaamai baim.” Ma ngaia are e buokaki Ieonataba iroun Ieu ni katokaa n ana kaanibuaka,


E tekateka Tarema n te kaawa are Betereem ao boni ngaia aia bakatibu kaain Netobata, kaain Aterobeta Ioaba, ao iteran te kaainga are Manate, ao kaain Tora.


E tautaeka te uea are Tawita mai Eberon i nanon itiua te ririki, ao onoua nam'akaina,


Bon te aomata ae e rangi atatai Etira n te tua n te aro are e a tia n anga te UEA ae Atuaia aomatan Iteraera nakon Moote, ao E kabobongaa nanon te uea n te aro b'a a na bane n reke baike e buubuti iai Etira.


ma ngaia are, I berita b'a a na riki ami kaainga b'a Au tia m'akuri ao a na bon aki mauna nako.


Kam taku, “Ti bon wanawana b'a iai taeka n reirei ao ana tua te UEA.” Ma I taku b'a a tia n rairi Au taeka ami tia reirei nakon taiani kewe!


Aomata ake kaain te kaainga are Ken boni ngaiia kanoan ai taman Moote. A uaia ni kiitana Ieriko ma kaain Iuta, ao a tiku ni maeka i rarikin Arata n Rereuan Maiaki n aki raroa ma kaain Amareka.


Ao n te tai aei, e maeka Ebera are kaain te kaainga are Ken i rarikin te kaawa are Oke i Taanannim, e aki rangi n raroa mai Keteti. A nako kaain te kaainga are Ken mairoun Obaba, taman buun Moote, ma e a tia ni m'aing nako Ebera ma ni katea ana kaemb'a ni kararoa ma te kaainga.


Ao a maeka kaain Kenaite i rarikin te tabo arei, ao e taku Tauro nakoia, “A bon rangi n akoi ami aomata nakoia Iteraera ngke a otinako ara botannaomata mai Aikubita, ao I aki tangiriko b'a ko na mate ngkana ti tiringiia kaain Amareka. Ma ngaia ae, kam na kiitana ikai ni kararoaingkami mairouia.” Ao a nako kaain Kenaite,


Lean sinn:

Sanasan


Sanasan