1.Rongorongo 19:7 - Te B'aib'ara

⁷ Tenibwi ma uoua te ngaa te taanga ni buaka, ao ai uana naba ma te uea are Maaka ma ana taanga ni buaka, ake a roko ni katei maeka i rarikin Meteb'a. Ao a kiitana naba aia kaawa ana taanga ni buaka Ammon man roko naba ni katauraoi nakon te buaka.

1.Rongorongo 19:7 Iomraidhean Croise

2.Tamuera 10:6

Ao a tib'a ataia kaain Ammon ae a rangi ni kauna Tawita, ma ngaia are, a manga kabooia riki tautia mairouia ianena. Uabwi ma uoua te ngaa mai buakoia aika taan nakonako man kaawan Aramean ake Beta Reoba ao Tob'a, teuana tengaa mairoun te uea are Maaka, ao tebwi ma uoua tengaa man te aono are Toba.

1.Rongorongo 18:4

A reke iroun Tawita teuana te ngaa te kaanibuaka, itiua te ngaa taani buaka i aon taiani kaanibuaka, ao uabwi te ngaa tautia. Ao e katoaraaia ni kabane ma e ti katikui tebubua taian aoti.

1.Rongorongo 19:8

Ao e ongo Tawita te b'ai ae e riki, ao e a kanakoa Ioaba ma ana taanga ni buaka.

2.Rongorongo 14:9

E kaira te taanga ni buaka Tera are kaain Itiobia ae m'aitina teuana te mirion tautiana ao tenibubua taiani kaanibuaka nakon te kaawa are Maretia i Iuta.

Te Otinako 14:9

A kakioaki Iteraera n aia taanga ni buaka kaain Aikubita ma aia aoti ni kabane, ma aia kanibuaka, ao taani kabuti taian kanibuaka, ao a kauiaia ngke a maeka i rarikin Taari are Uraura i rarikin Bi Airota, ao B'aara Tebon.

Itaia 15:2

A bane n tia ni waerake nakon te Tembora, ao te baangota kaain Ribon ni kabane, n tang ma ni katuu ranin mataia. A na bane n tang kaain Moaaba. A na bane ni koreaki taiani ira ma taiani buai i bukin te b'ai are e riki i Nebo ao Meteb'a.

Warekaia Iteraera 21:30

Ti kataenikaia raoi Moaba. Kaawa aika Etibon ma Ribon, ao Nob'a (Nob'a) ma Meteb'a kam a urubekebeke ma ni mauna nako.

Iotua 13:16

Tian abaia mai maiaki bon te kaawa are i nukan te m'arua are Arenon, ma te kaawa are Aroera, are i mataniwiin te m'arua anne mai meang, ni karokoa aaba ake a aoraoi ake i meang i rarikin Meteb'a.

Iotua 13:9

E roko tian abaia te baronga are Reuben i Aroera (i mataniwiin te m'arua are Aroera), ao te kaawa naba are i nukan te m'arua naba anne, ao ni kabane aaba ake a aoraoi mai Meteb'a nako Ribon.

Tani Motiki-taeka 4:3

Bon iai ana kaanibuaka Iabin aika taian biti aika m'aitiia 900, ao e karawawataai maiuaia Iteraera i nanon 20 te ririki, ni karokoa a bubutiia te UEA buokaia.

1.Tamuera 13:5

Ao a bootia aia taanga ni buaka kaain Biritia b'a a na buakaniia Iteraera. M'aitin aia kanibuaka bon 3,000 6,000 taani buaka i aoia aoti, ao a rangi ni m'aiti aia tautia ake a nakonako i aon waeia kaanga ai aron m'aitin tanon te bike. A nako Mikemati ao a katea aia kaemb'a i Beta Awen.