1.Rongorongo 19:13 - Te B'aib'ara

¹³ Kam na ninikoria ao kakorakoraingkami ni buaka i bukiia ara aomata ao ana kaawa te UEA ae te Atua. I tataro b'a e na karaoi b'aai nako akana e kukurei iai.

1.Rongorongo 19:13 Iomraidhean Croise

2.Tamuera 10:12

Ko na ninikoria ao kakorakorako ni kaawakiniia ara aomata ao ana kaawa te Atua. Bon au tataro b'a E na karaoi b'aai nako te UEA ae e kukurei iai.”

2.Tamuera 15:26

Ma ngkana arona b'a E taku b'a E a aki kukurei irou, ao ke E karaoa ane E taku b'a te kabanea n tamaroa.

1.Rongorongo 19:12

Ao Ioaba e tuanga tarina ni kaangai, “Ngkana I a aki konaa ni kaaitaraia kaain Turia b'a a rangi ni m'aiti nakoira ao ko a manga roko ni buokiira. Ao ngkana a manga rangi ni korakora riki kaain Ammon nakoimi, ao ti na manga roko ni buokingkami.

1.Rongorongo 19:14

Ao e buakaniia tautian Turia Ioaba, ao a birinako kaain Turia mairouia.

Etira 10:4

Etira, e a bon nakoim ane ko kani karaoia. Ti na bon boutokai b'aai nako akana ko karaoi. Ma ngaia are, ko na ninikoria.

Neemia 4:14

Ao i mwiina, I tarai b'aai ni kabane ao I tuangiia taani kairiiri, mataniwi, ao aomata ni kabaneia ni kaangai, “Kam na aki maakuia ami kairiribai! E korakora te UEA ao e aki konaa ni maaku. Ma ngaia ae, kam na iangoia ao buaka i bukiia ami koraki ao ami ataei, buumi ao mwengami!”

Iobi 1:22

E bon aki roko n te bure Iobi ni bukina te Atua ni b'aai ni kabane ake a tia n riki.

Taian Areru 27:14

Ko na kaantaninga te UEA, Ko na korakora ma n ninikoria; Ko na kaantaninga te UEA.

1.I-Korinto 16:13

Kam na tatauraoi, kam na teimatoa n te onimaki, kam na nano ni mm'aane, ao kam na korakora.

Iotua 1:7

Ko na korakora ma n ninikoria riki n toui mwiin tuua ni kabane ake e a tia n anganiko Au toro are Moote. Ngkana ko aki kaaki teuana mai i buakon tuua aikai ao e na bon iriiriko te tekeraoi n taabo nako ike ko nako iai.

Iotua 10:25

Ao e a manga taku Iotua nakoia ana aobitia, “Kam na tai maaku, ao tai koerikaaki. Kam na korakora ao kam na ninikoria, b'a bon aio te b'ai ae E na karaoia te UEAnakoia ami kairiribai ni kabane.”

Tani Motiki-taeka 10:15

Ao a taku Iteraera, Ti bon aki kakaonimaki, ma ngaia are, ngkana Ko na katuaaira, ao katuaaira, ma ti butiiko b'a Ko na kamaiura mai rouia kaain Ammon.

1.Tamuera 17:32

Ao e taku, “Te uea ae ko karineaki, e aki riai kaain Biritia aei n araniira b'a ti kibiubiu. N na nako ni bo ma ngaia n ti ngai!”

1.Tamuera 3:18

Ao e tuanga Eri b'aai ni kabane Tamuera. Ao i mwiina, e taku Eri, “Bon te UEA, ao E na bon karaoa te b'ai ae eti.”

1.Tamuera 4:9

Kaain Biritia, kam na ninikoria ao kakorakoraingkami ni buaka! Ngkana kam aki ao ae a na tautaekaniira kaain Ebera aikai, n arora ngke ti tautaekaniia ngkoa. Kam na buaka ao kam na aki maaku.