1.Rongorongo 18:13 - Te B'aib'ara

¹³ Ao i mwiina, e katikuia ana taanga ni buaka i Etom, ao a kariaia kaain te tabo arei b'a e na uea Tawita i aoia. Ao te UEA, e angan Tawita te tootokanikai n te buaka n taabo nako ike e nako iai.

1.Rongorongo 18:13 Iomraidhean Croise

Karikani B'aai 25:23

Ao E taku te UEA nako ina, “Bon uoua te botannaomata ane i birotom; Ko na bungiia uoua te botannaomata aika a kairiribai. E na korakora riki temanna nakon are temanna, E na m'akuri teuare te karimoa iroun teuare te karimwi.”

Karikani B'aai 27:29

Ke a riki botannaomata nako b'a am toro, ao ke a bobaraaki aomata i matam. Ko na tautaeka i aoia am koraki ni kabane, ao ke a bobaraaki i matam kanoan tinam ni kabane. Ao ke a kamaraiaaki koraki ake a kamaraiako, ao koraki ake a kakab'aiako, a na kakab'aiaki.”

Karikani B'aai 27:37

Ao e taku Itaaka, “I a tia ni karikia b'a te toka i aom, ao I karikiia naba ana koraki ni kabane b'a ana toro. I anganna taian uaanikai aika uangingi, ao taian wain. Natiu, bon akea ae I kona ni karaoia i bukim.”

Karikani B'aai 27:40

Ko na maiu man am kabaang, Ao ko na riki b'a ana toro tarim. Ma ngkana ko kan inaomata mai rouna ao ko kona ni b'aranako mai aan ana kairiiri.”

2.Tamuera 23:14

ao e a tia n reke irouia Betereem. E mena Tawita i nanon ana nono,

1.Uea 11:15

N te tai teuana i m'aiin ngke e kataenikaia te botannaomata are i Etom Tawita, ao e m'ananga nako ikekei te kam'aanta are Ioaba b'a e na tauniia ake a mate n tai te buaka.

1.Rongorongo 18:12

Ao e kataenikaia aia taanga ni buaka kaain Etom Abitiai are natin Teruia n te M'arua are Taoro man tiringiia tebwi ma wanua tengaa man aia taanga ni buaka.

1.Rongorongo 18:14

Ao e tautaekana Iteraera ni kabutaa Tawita ma te eti ao te riai.

1.Rongorongo 18:6

Ao i mwiina, e katikuia tabeua ana taanga ni buaka i Tamateko, ao e riki Tawita b'a te tia tautaeka irouia kaain ikekei, ao a kab'ab'akaa te roo n rab'ata nakoina. N taabo nako ike e nako iai Tawita, ao e a bon buubuokaki naba iroun te UEA n anganna te tokanikai n te buaka.

Taian Areru 121:7

E na kakawakiniko te UEA man taiani kabuanib'ai nako; E na kakawakiniko raoi.

Taian Areru 144:10

Ko anganiia uea aia tokanikai ao Ko kamaiua Tawita are am toro.

Warekaia Iteraera 24:18

Ao a kataenikaia Etom Iteraera ao a taua abaia te botannaomata are aia kairiribai.

2.I-Korinto 11:32

I Tamateko, ao e kateia tem'angina te tia tautaeka are i aan te uea are Areta b'a a na tantani i rarikini mataroani kawai n rin n aia kawa I-Tamateko, b'a a na tauai;

1.Tamuera 10:5

Ao i mwiina, kam na manga nako Kibea, ike a kaemb'a iai aia taanga ni buaka kaain Biritia. Ao ngkana kam tabe ni m'ananga nakon te kaawa, ao ane kam na kaaitibo ma koraki n burabeti aika ruorikaaki man te tabo n taromauri. Ane a na nakonako man taetae ni burabeti ao tabeman ane a na nakonako i moaia ma ni katangtang n taian aabi aika uarereke, ma taian turam aika uarereke, ao taian kaib'ab'aa.

1.Tamuera 13:3

Ao Ionatan, e kaira buakanakin aia kaemb'a tautian Biritia i Keeb'a Ao e mauna nako aia kaemb'a kaain Biritia, ao a ongo kain Biritia ake te korakina rongorongon te b'ai are riki. Ma ngaia are, e tuangiia ana taan uarongorongo Tauro ni kaangai, “Naako kawari kaawa ni kabane i aon abara. Ao aanga te kanikina n te bu, ao ngkana a bane n roko aomata ao tuangiia b'aai ake a tia n riki.”

1.Tamuera 14:1

N te bong teuana ao e taetae Ionatan nakon te teinim'aane are uouota ana b'ai ni buaka, “Ti na nako n aia kaemb'a I-Biritia.” Ma e bon aki tuanga tamana Ionatan are Tauro,

1.Tamuera 18:14

Ao e buoka Tawita te UEA, ao e aki toki n totokanikai Tawita ma ana taanga ni buaka.