1.Rongorongo 18:12 - Te B'aib'ara

¹² Ao e kataenikaia aia taanga ni buaka kaain Etom Abitiai are natin Teruia n te M'arua are Taoro man tiringiia tebwi ma wanua tengaa man aia taanga ni buaka.

1.Rongorongo 18:12 Iomraidhean Croise

2.Tamuera 10:10

E katea tarina are Abitiai b'a e na kam'anta i bukin te taanga ni buaka ni kabane ao e buakaniia kaain Ammon.

2.Tamuera 10:14

Ao ngke a nooria tautian Ammon b'a a biri nako kaain Aram, ao a manga biri nako mairouia ana taanga ni buaka Abitiai ao a nako n okira oin aia kaawa. E katoka te buakaniia kaain Ammon ao e okira Ierutarem.

2.Tamuera 20:6

Ao e taku Tawita nakon Amata, “E na bon rangi ni kamarakiira riki Tieba nakon Abetarom, Anaiia au tautia aika a bane aroia ao naako ri mwiina. Ti aki tangiria b'a e na tam'arakea oon te kaawa ma ni biri nako mairoura.”

2.Tamuera 21:17

Ma e roko Abitiai are ai natin Tawita, are tarin Ioaba ni buokia n tiringa kaain Biritia arei. Ma a tua ana tautia Tawita ni kangai, “Ti a aki kariaia b'a ko na manga ira te buaka! Ko na anga te oota nakon ara botannaomata, ao ti tangira te oota anne b'a e na teimatoa n ura.”

2.Tamuera 23:18

Bon te tia kairiiri irouia Taani Buaka ake Teningaun tarin Ioaba are Abitiai, ao n te buaka teuana e tiringiia tenibubua te m'aane n ana kainiwai. Bon te tia buaka ngaia ae tanoata taekana kaanga Taani Buaka ake Teniman

2.Tamuera 3:30

A tiringa Abenera teuare Ioaba ma tarina are Abitiai i bukina ngke e tiringa tariia are Ataera n te buaka i Kibeon.

2.Tamuera 7:13

ao bon akea temanna ae e na konaa n anaa abanueana mai rouna. Boni ngaia are e na katea te tembora ibuku.

1.Uea 11:15

N te tai teuana i m'aiin ngke e kataenikaia te botannaomata are i Etom Tawita, ao e m'ananga nako ikekei te kam'aanta are Ioaba b'a e na tauniia ake a mate n tai te buaka.

2.Uea 14:7

E tiringiia 10,000 tautian Etom te uea are Amatia i nanon te M'arua are Taari. E taua te kaawa are Tera, ao e a manga aranna b'a Ioketeera, are ai bon arana naba ni karokoa te bong aei.

1.Rongorongo 11:20

Te tia kairiiri irouia Taani Buaka ake Teningaun bon Ioaba are tarin Abitiai, ao n te bonibuaka teuana e tiringiia tenibubua m'aane n ana kainiwai. E bon kakannato naba n aroia Taani Buaka ake Teniman

1.Rongorongo 18:11

E angan te UEA b'aintangira aikai Tawita, n aron are e a tia naba ni karaoia nakon b'aai ake e taui n te buaka i Etom, Moaba, Ammon, Biritia, ao Amareka.

1.Rongorongo 18:13

Ao i mwiina, e katikuia ana taanga ni buaka i Etom, ao a kariaia kaain te tabo arei b'a e na uea Tawita i aoia. Ao te UEA, e angan Tawita te tootokanikai n te buaka n taabo nako ike e nako iai.

1.Rongorongo 19:11

Ao e rinea tarina are Abitiai b'a e na kairiia ake nikiraia kaain te taanga ni buaka ao e tuangiia b'a a na buakaniia kaain Ammon.

1.Rongorongo 2:16

Bon iai naba natin Iete uoman aine aika: Nei Teruia, ao Nei Abikaira. Teruia bon tinan Abitiai, Ioaba ao Ataera.

2.Rongorongo 25:11

Ao i mwiina ngke e a manga reke korakoran Amatia, ao e a kaira ana taanga ni buaka nakon te M'arua are Taari, ike e a tiringiia tebwina te ngaa tautian Etom i nanon tain te buaka.

Taian Areru 60:1

Te Atua, Ko a tia n ribaira, ao Ko uruira; Ko a tia n un iroura-ma an rairaki nakoira ngkai.

Taian Areru 60:2

Ko a tia ni kam'aeieia aon te aba, ao Ko a tia naba ni bwenauaia ni kaukia; katoka ikoakina ngkai, b'a ae e nang aki reke arona.

1.Tamuera 26:6

Ao e titirakina Aimereka are kaain Eta, ao Abitiai are tarin Ioaba (Tinaia bon Nei Teruia), ao e taku nakoia, “Antai mairoumi ae e na irai nakon ana kaemb'a Tauro?” Ao e kaeka Abitiai ni kaangai, “N na iriko.”

1.Tamuera 26:8

E taku Abitiai nakon Tawita, “E a tia te Atua ni katuka taekan am kairiribai i nanon baim n te tairiki aei, Kariaia b'a N na ewaria n oin ana kainiwai ni kanimm'a ma te tano n ti teuana ruon baiu; I aki manga ewaria riki te kauoua n tai.”