1.Rongorongo 18:11 - Te B'aib'ara

¹¹ E angan te UEA b'aintangira aikai Tawita, n aron are e a tia naba ni karaoia nakon b'aai ake e taui n te buaka i Etom, Moaba, Ammon, Biritia, ao Amareka.

1.Rongorongo 18:11 Iomraidhean Croise

1.Uea 7:51

Ao ngke e a bane karaoan ana Tembora te UEA, ao e a kaaki i nanona b'aai ni kabane Toromon ake e a tia ni katabui tamana are Tawita i bukin te UEA, n ikotaki ma te koora ao te tirewa i nanon te ruunib'ai.

2.Uea 12:18

Ma ngaia are, e rikoi b'aai ni kabane Ioati ake a tia ni katabuaki i rouna ma ana bakatibu are Ieotiab'ata, Ieoram, ao Aatia, ni ikotaki naba ma koora ake n taian ruunib'ai ake n te Tembora ma te bareti. E kanakoi ni kabane nakon Ataera b'a te b'aintangira. Ao ngke a reke iroun Ataera, e a tuangiia naba ana taanga ni buaka b'a a na kiitana Ierutarem.

1.Rongorongo 18:10

ao e kanakoa natina te m'aane are Atoram ni kimarimariia ana tokanikai Tawita. Ao e uoti naba taiani b'aintangira Atoram aika a karaoaki man te koora, te tirewa, ao te buraonti.

1.Rongorongo 18:12

Ao e kataenikaia aia taanga ni buaka kaain Etom Abitiai are natin Teruia n te M'arua are Taoro man tiringiia tebwi ma wanua tengaa man aia taanga ni buaka.

1.Rongorongo 22:14

A bane n tia n reke irou b'aai ake ko na kainanoi ni karaoan te Tembora: Iai ngkai iroum e raka i aon 3,000 te tan te koora ao e raka i aon 34,000 te tan te tirewa. A rangi m'aiti naba taiani kai, atiibu ao taian buraonti aika a m'aiti ma taiani biti aika I aki konaa n taui rawawataia. Bubuti i bukin b'aai riki akana ko tangiri.

1.Rongorongo 26:20

A anganaki tabeia kanoan Rewi ake ana koraki kanoan Kora ma Merari tabeia b'a a na tantani ni kaub'ain te Tembora ao b'aintangira ake a tia ni katabuaki b'a a na b'ai te Atua.

1.Rongorongo 29:14

Ma e aera ngkai ti na kukurei ngkai ti a tia n anganiko b'aintangira aikai? Bon am b'ai baikai, ao ti a manga kaoki nakoim ngke bon am b'ai.

2.Rongorongo 5:1

Ao ngke e a bane karaoan ana Tembora te UEA, ao e a karin b'aai ni kabane Toromon ake e a tia ni katabui tamana are Tawita b'a a na b'ai te UEA i nanon te ruu ni b'ai, n reitaki ma te koora ao te tirewa, ao b'aai ake a kabonganaaki i bukin te taromauri.

Te Otinako 35:5

N na butim'aai taian angab'ai mairouia aomata nako akana a tangiria n anga te b'ai teuana. Kam konaa n uoti mai taiani koora, tirewa, ke te buraonti;

Mika 4:13

E kaangai te UEA, “Kam na nako n oreia ami kairiribai ngkami aika kaain Ierutarem! N na kakorakorako n ai aron te kaom'aane ae iai korona aika biiti, ao iai naba ana kau ni wae ae te buraonti. Ko na kamanatuaia botannaomata nako, ao ko na uotii mai nako iu Ngai ae UEAN te aonnaba ni kabane, kaub'ai ake a reke mairouia botannaomata ake a konaiia n te buaka.”

Iotua 6:19

A na kaokoroaki b'aai ni kabane akana a karaoaki man te tirewa, te koora, te buraonti, ao te biti, b'a ana b'ai te Atua. A na kaawakinaki ni nnen ana b'ai te UEA.”

Iotua 6:24

Ao a kauraa te kaawa ni kamannangnga, ma b'aai ni kabane ake iai, ma ti b'aai ake a karaoaki man te koora, te tirewa, te buraonti, ao te biti, ake a anai ni kaawakin ni nnen ana b'ai te UEA.

1.Tamuera 30:13

Ao e titirakinna Tawita ni kaangai, “Antai am toka, ao kaan ia ngkoe?” Ao e kaeka ni kaangai, “Bon kaain Aikubita ngai, te toro temanna mai Amareka. E kiitanai au toka i nanon tenua te bong aika a nako b'a I aoraki.

1.Tamuera 30:20

E kaoki naba nanai ni kao ma nanai n tiibu; ao ana rorobuaka a kairiia aia nanai ni man nako mataia ao a taku, “Aikai bon ana b'ai Tawita!”