1.Rongorongo 17:22 - Te B'aib'ara

²² Ko a tia n rinea Iteraera b'a am aomata n aki toki, ao Ko a tia n riki b'a Atuaia.

1.Rongorongo 17:22 Iomraidhean Croise

Karikani B'aai 17:7

“N na kakawakina au Berita ma ngkoe, ao nakoia naba kanoam n rooro aika na roko b'a te boraraoi ae akea tokina. N na riki b'a Atuami, ao Atuaia naba ami bakatibu.

2.Tamuera 7:24

Ko a tia ni rinea Iteraera b'a Am aomata n aki toki, ao Ko a tia n riki b'a Atuaia.

1.Uea 10:9

I neboa te UEA ae Atuam. E kakatonga iroum ao E a tia n rineiko b'a uean Iteraera. E tangira Iteraera te uea ma ngaia are, E a tia n anganiia aia uea ae na tautaekaniia n te eti ma te koaua.

1.Rongorongo 17:21

Ao bon akea riki te botannaomata n te aonnaba ae ai aron Iteraera, te botannaomata are ko kamaiua man te tautoronaki i Aikubita b'a am b'ai. Ko kakannato i bukin kamanenaan taiani kamimii ke kakai aika a korakora ni kakionako ia botannaomata ake tabeua ma antiia man abam, b'a a aonga ni konaa am aomata ni maeka ikai.

1.Rongorongo 17:23

Te UEA ae te Atua, taiaoka karaoa ane Ko a tia ni berita iai nako iu ma au kariki.

Tekaria 13:9

Ao i mwiina, N na kaitiakia ma ni karaoia b'a a na kataaki, kaanga te koora ma te tirewa ngkana a kaitiakaki ma n tuoaki. Ane a na tataro n arau, ao N na kaekaia. N na kaangai, “Au aomata ngkami,” ao a na kaeka ni kaangai, “Bon te UEA Ngkoe ae Atuara!”

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

1.Tamuera 12:22

Ma E a tia n rineingkami te UEA b'a Ana aomata ni koaua. E na kakaawakiningkami n taai nako b'a kam aonga ni bane n ataa aroni korakorana.