1.Rongorongo 17:21 - Te B'aib'ara

²¹ Ao bon akea riki te botannaomata n te aonnaba ae ai aron Iteraera, te botannaomata are ko kamaiua man te tautoronaki i Aikubita b'a am b'ai. Ko kakannato i bukin kamanenaan taiani kamimii ke kakai aika a korakora ni kakionako ia botannaomata ake tabeua ma antiia man abam, b'a a aonga ni konaa am aomata ni maeka ikai.

1.Rongorongo 17:21 Iomraidhean Croise

1.Rongorongo 17:20

Bon akea riki te Atua n ai arom, te UEA--bon ti ngkoe te Atua. A boni koaua taekam ake ti a tia n ongo.

1.Rongorongo 17:22

Ko a tia n rinea Iteraera b'a am aomata n aki toki, ao Ko a tia n riki b'a Atuaia.

Neemia 9:10

Ko ataia b'a a tia Uean Aikubita ao ana mataniwi ma ana botannaomata n kateibuaka nakoia am aomata. Ma ngaia are, Ko karaoi kakai aika a kakamaaku ni kaaitaraia kaain Aikubita ao Ko a manga karekea kinaakim are e bon teimatoa.

Taian Areru 107:2

Ke a atonga aei akana kamaiuaki iroun te UEA; Akana E kamaiuia mai nanoni baiia aiaia,

Taian Areru 111:9

E kainaomataia ana botannaomata, ao E karaoa ana boraraoi ma ngaiia ae teimatoa n aki toki. Moan te tabu Ngaia ao E korakora!

Taian Areru 147:20

Akea riki te botannaomata teuana ae E a tia ni karaoa aio nakoina; A aki atai ana tua. Kam na kamoamoa te UEA!

Taian Areru 65:5

Ko anganira te tokanikai b'a kaekakira iroum, Ao Ko karaoi baika kamimii b'a ti aonga ni kamaiuaki iai. A bane ni mwioko iroum aomata nako i aon te aba ma ake a maeka i kiraroa ni katokini marawa.

Taian Areru 77:15

Ko kamaiua am Botannaomata ni m'aakam, ake kanoan Iakob'a ma Ioteb'a.

Te Otinako 6:6

Bon aei au rongorongo i bukin Iteraera: “Bon te UEA Ngai! Ao I katuaaea Aikubita ni m'aakau ae e korakora ao I kainaomatai ngkami man te tautoronaki.

Itaia 48:9

Bon te UEA Ngai, ae I bon koaua i bon irou; N na neboaki tiaki i bukin katuaeakimi ke tiringakimi.

Itaia 63:12

E M'aati m'aakan te UEA i rarikin Moote. E na neboaki te UEA n aki toki i bukin bwenauaakin taari.

Itaia 63:9

E mwengabuaka te UEA ngkana e noori aia kaangaanga, ma a kamaiuaki iroun ana Anera. E nanoanga ni koaua te UEA, ai ngaia are, e kamaiuia ana Aomata. E m'aneia ni baina ao e uotia i nanon ririki aikai ni kabane.

Itaia 64:3

am m'akuri aika ko a tia ni karaoi bon baika a kamimii nakoira; a ruru naba taian maunga ngkana ko ruo rikaaki.

Ieremia 32:21

Ko kakamaakuia kaain Aikubita n am kakai, ao Ko arora baim ae e korakora ni kamaiuia Am aomata aika Iteraera mai Aikubita.

Te Tua-Kaua 15:15

I mwiokoingkami b'a kam na ongotaeka iroun te UEA b'a kauringakimi b'a bon tooro ngkoa ngkami i Aikubita i m'aain kainaomataakimi i rouna.

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.

Iotua 10:42

E buakan ma n taui kaawa aikai Iotua ni m'anangana ae ti teuana, kioina ngke E raonna te UEA ae Atuaia Iteraera ni buaka i bukiia.