1.Rongorongo 16:34 - Te B'aib'ara

³⁴ Neboa te UEA b'a e raoiroi nakoira, ao e aki konaa ni matebuaka ana tangira.

1.Rongorongo 16:34 Iomraidhean Croise

1.Rongorongo 16:33

Ane a na bane arokan te buakonikai n anene ni kukurei nakon te UEA E a roko b'a e na motikitaekaia aomata ni kabane n te aonnaba.

1.Rongorongo 16:41

Ao taani buokiia bon Eman ao Ierutun, n reitaki naba ma m'aane ake te koraki ake a tia n rineaki b'a a na neboa te UEA i bukin ana tangira ae akea tokina.

2.Rongorongo 20:21

Ao i mwiina, e a kab'arab'ara ana babaaire ao e rineia m'aane aika a na m'aati mai moan te rain ao a na neboa te UEA n te anene i bukin m'aakana ae tabu: “Neboa te UEA! Akea tokin ana tangira.”

2.Rongorongo 5:13

Tebubua uangaun te ibonga aika a raoniia taani katangitang aikai, ao a katangi taian buu. A neboa te UEA ni katangi b'aini katangitang ma n anene: “E raoiroi te UEA, ao akea tokin ana tangira.” Ao e a karina naba ni kaonaki nanon te Tembora n te nang ngke a kiitana te tabo are moan te tabu ibonga.

2.Rongorongo 7:3

Ao ngke a noora te ai ma mimitongin te UEA te koraki n aomata arei, ao a katorobubua ao n taromauriia te UEA. A tataro ni kaangai: “E raoiroi te UEA, ao akea tokin ana tangira.”

Etira 3:11

A neboa te UEA, ao a anga aia kaaitau n aia anene tekorakina i mwiin tekorakina: E raoiroi te UEA, E teimatoa n aki toki Ana tangira nakon Iteraera. Ao a bane n takaarua aomata ni kabane ma n neboneboa te UEA i bukina ngkai e a moanaki te m'akuri i aon aan te Tembora.

Taian Areru 100:5

B'a e raoiroi te UEA, ao akea tokin ana ataataiaomata; Ao ai uana nako naba ana kakaonimaki nakon te rorona ma te rorona.

Taian Areru 105:1

Katituaraoa te UEA, ao taromauria; Tuangiia botannaomata baika E a tia ni karaoi.

Taian Areru 106:1

Kam na kamoamoa te UEA! Katituaraoa te UEA, b'a E raoiroi: akea tokin ana atataiaomata.

Taian Areru 107:1

Kam na katituaraoa te UEA, b'a E raoiroi; Akea tokin ana ataataiaomata.

Taian Areru 118:1

Kam na katituaraoa te UEA, b'a E raoiroi, ao akea tokin ana tangira.

Ieremia 33:11

b'anaan te kukurei ao karongoaan taiani bootaki ni kukurei ma taiani baka ni mare. Ao ngkana a rin n au Tembora b'a a na anga karea i bukin kakukureiau, ao ko na ongo ae e kaangai irouia: “Ti neboiko, te UEA ae Moan te M'aaka! Ko karaoa ae e raoiroi nakoira, ao e bon aki konaa ni matebuaka Am tangira.” E na manga okira arona te aba ni kariki uaa.