1.Rongorongo 16:3 - Te B'aib'ara

³ ao e anganiia aomata n tatabemaniia ni kabane akekei teutana te kariki, tabeua taiani iriko ni man, ao te abutana te kureebe ae e m'au.

1.Rongorongo 16:3 Iomraidhean Croise

1.Uea 3:15

Ao e uti Toromon, ao e uringa ae E taetae te Atua nakoina n te mii. E okirikaaki nako Ierutarem, ao e tei i matan te Atiniberita ike e anga iai ana karea n raoi ae kakukureian te UEA, ao te karea are i bukin bubutian te Atua ana kakab'aia. Ao i mwiina, e a karaoa ana baka n am'arake Toromon ma ana aobitia nako.

1.Rongorongo 16:2

I mwiin banen ana waaki Tawita, ao e kakab'aiaia aomata n aran te UEA

1.Rongorongo 16:4

Ao e rineia tabeman kanoan Rewi b'a a na m'akuri n te Atiniberita, ana katangitang ao a na anene ni kamoamoa nakon te UEA ae Atuaia Iteraera.

2.Rongorongo 30:24

Ma ngaia are, e anga Etekia teuana te ngaa te kao ao itiua te ngaa taian tiibu aika a na kareanaki ma ni kabonganaaki b'a te am'arake are e tabu. Ao ana mataniwi a anga teuana te ngaa taian kao ao tebwina te ngaa taian tiibu, ao a manga m'aiti riki ibonga ake a kukurei nanoia b'a a na ri nanon te bootaki i bukin kaitiakaia.

Neemia 8:10

Ao e taku Neemia nakoia aomata, “Kam na kukurei ni kang kanami ao n nim nimami aika a raraoi ao ni i buokanib'ai iai ma raomi aika akea uotaia. Kam na aki nanokawaki! Bon ana bong te UEA ae e kaokoro te bong aei, ao E na bon kakukureingkami ma ni korakoraingkami.”

Ana Anene Toromon 2:5

Karina angiu ao kakorakoraai n taian kam'au ni kureebe ao taian aboro. I b'arua te tangira!

Itaia 16:7

Tuangiia kaain Moaaba ni kabane b'a a na tang i bukin aia botannaomata. Tuangiia b'a a na tang ma ni katuu ranin mataia i bukin kureeben Kiri-Areteta aika a tamaroa.

Etekiera 45:17

Ma kam na katauraoi maan ake taiani karea ngkami aika taan kairiiri i bukin te Toa ae Moan Otin Nam'akaina, taian Bootaki i bukin te Taabati, ao bootakin te aro ake tabeua, ao ai uana naba ma te uita ma te wain. A na bane ni kabonganaaki baikai i bukin taiani karea i bukin bure, te karea te uita, te karea are kakukureiau, ao nakoia akana a buubutiai Au kakab'aia. N na bon kukurei ao N na kab'araa aia bure Au aomata.

Otea 3:1

Ao E a manga taetae riki te UEA nako iu. Ao e taku nako iu n te tai aei, “Otea, ko na tangira ma te aine ae e aki kakaonimaki ae iai ana tangira. Ko na karaoa aei ni kaotia b'a I tangiriia Iteraera, e ngae ngke a tia n taromauri taian bouananti ao a kukurei ni karean taiani keeke aika a karaoi man taiani uaa ni kai.”

1.Betero 4:9

Kam na i akoakoi n aki b'angantaeka.