1.Rongorongo 16:14 - Te B'aib'ara

¹⁴ Bon te UEA Atuara, ao e uota te eti nako aon te aonnaba ni kabuta.

1.Rongorongo 16:14 Iomraidhean Croise

Karikani B'aai 17:7

“N na kakawakina au Berita ma ngkoe, ao nakoia naba kanoam n rooro aika na roko b'a te boraraoi ae akea tokina. N na riki b'a Atuami, ao Atuaia naba ami bakatibu.

1.Rongorongo 16:12

Uring ana kakai ao ana kamimii ao ana babaaire aika a nako raoi.

1.Rongorongo 16:13

Bon kaain ana utu Iteraera ngkoe, are ana toro; bon ana aomata ngkoe ae e rineaki, are ana kariki Iakob'a.

1.Rongorongo 16:15

Ti na bon aki m'am'aninga ana boraraoi ao ana berita, ni karokoa ngaa n ririki.

Taian Areru 100:3

Kam na ataa te UEA b'a bon te Atua Ngaia. Boni Ngaia ae karikira, ao ana b'ai ngaira; Bon ana Aomata ngaira, aika E kakawakinira b'a kanga ai aroia tiibu.

Taian Areru 118:28

Bon Atuau Ngkoe, ao N na katituaraoiko; N na kaotiota kakannatom.

Taian Areru 63:1

Te Atua, bon Atuau Ngkoe, I kakorakoraai n ukoukoriko; E kai nanou n tangiriko; kanga ai aron aontano ae m'auteretere ae e mate aona b'a akea te ran iai.

Taian Areru 95:7

Bon Atuara Ngaia; Ana aomata ngaira aika E tararuaira, kanga ai aron te tia kawakin-tiibu n tabeakiniia ana nanai n tiibu. N te bong aei, ao kam na ongora n te bae E na taekinna:

Te Otinako 15:2

Bon otangau ae matoatoa te UEA; boni Ngaia ae E a tia ni kamaiuai. Bon Atuau, ao N na neboia, Bon Tamau te Atua, ao N na anenea korakorana.

Itaia 26:9

E kakaaeko nanou inanou ngke e bong, i bukina ngke e kaotaia aomata nako n te aonnaba aei aron maiuia ae e eti.