1.Rongorongo 15:3 - Te B'aib'ara

³ I mwiina anne, e kaoiia aomata ni kabane Tawita b'a a na roko i Ierutarem ni mataku ni uotakin te Atiniberita nakon te tabo are e a tia ni karaoia b'a e na katukaki iai.

1.Rongorongo 15:3 Iomraidhean Croise

2.Tamuera 6:12

Ao iai ae e tuanga te uea are Tawita ni kaangai, “E karaoa aei te UEA i bukina ngkai e mena te Atiniberita ni mwengan Obeta Etom.” Ngaia are, e kawaekoaa Tawita ni kawara mwengan Obeta Etom n anaa te Atiniberita ni kaokia nakon ana kaawa Tawita. Ao a bane ni kukurei aomata ni kabane.

2.Tamuera 6:17

A katuka te Atiniberita i nanon ana autinrianna Tawita are e a tia ni kateia i bukina. Ao e taromauria te UEA teuare Tawita ni karean taiani man ma ni kabuoki i aon te baonikarea,

1.Uea 8:1

E kaawakinaki ngkoa te Atiniberita i aon te Maunga are Tion are e ataaki naba n arana are Ana Kaawa Tawita. Ma e tangiria Toromon b'a e na kam'ainga te Atiniberita nakon te Tembora ngke a bane ni mena aomata i Ierutarem ni bukamarua te Toa ae M'anganikaai i nanon te nam'akaina are Etanim, te kaitiua n nam'akaina n te ririki. Ao e botiia taani kairiiri aika a kakannato i aon Ierutarem Toromon.

1.Rongorongo 13:2

ao i mwiina, e katanoata nako ia Iteraera:

1.Rongorongo 13:5

Ao e bootia aomata nako Tawita ni moa man te Karaanga are Tiro i Aikubita nako Rebo-Amata i meang.

1.Rongorongo 15:1

E a manga karaoi riki kateitei tabeua Tawita i Ierutarem, ao e katea te autinrianna ike e na kaawakinaki iai te Atiniberita.

1.Rongorongo 15:12

E taku nako ia, “Taani kairiiri ngkami man te kaainga are Rewi. Bon ngkami ma ami koraki aika kam na moana te bootaki, ma ngaia ae, kam na kaitiakingkami b'a kam aonga ni nakoraoi i matan te UEA. Ao i mwiina kam na uota te Atiniberita are ana b'ai te UEA ae Atuan Iteraera nakon te tabo ae I a tia ni katauraoia i bukina.

1.Rongorongo 16:1

A katuka te Atiniberita i nanon te autinrianna are e a tia ni karaoia Tawita i bukina, ao i mwiina, a anga te karea are kakukureian te UEA ao taiani karea i bukin bubutiana ana kakab'aia.

2.Rongorongo 1:2

N te tai anne, ao e bon kaawakinaki naba i Kibeon te Um'antabunrianna are e a tia ni karaoia ana toro te UEA are Moote i nanon te rereua,

2.Rongorongo 1:4

N te bong teuana, ao e taku Toromon nakoia Iteraera, ma ana mataniwi n te taanga ni buaka, ao ana mataniwi, ao tani kairiiri n taian utu b'a a na nako ma ngaia nakon te tabo n taromauri i Kibeon,

2.Rongorongo 5:2

E a tia ni kaawakinaki te Atiniberita i aon te Maunga are Tion, are e ataaki naba n arana ae ana Kaawa Tawita.

Te Otinako 40:20

Ao i mwiina, a anai atiibu ake baaba ni koroboki ake uoua, ao e karin i nanon te Atiniberita. E karin taiani kai n amo n taiani m'am'a ake n te Ati, ao e katoka mataia i aona.

Nakoaia Ibonga 9:5

Ao a uoti nako matan te Um'antabunrianna b'aai ni kabane ake e tuangiia Moote, ao a bane n ikotaki Iteraera ni kabane ikekei b'a a na taromauria te UEA.