1.Rongorongo 15:25 - Te B'aib'ara

²⁵ Ao a rangi ni kukurei Tawita ma ana taani kairiiri mai Iteraera, ao mataniwin te taanga ni buaka ngke a m'ananga nakon ana auti Obeta-Etom n anaa te Atiniberita.

1.Rongorongo 15:25 Iomraidhean Croise

1.Uea 8:1

E kaawakinaki ngkoa te Atiniberita i aon te Maunga are Tion are e ataaki naba n arana are Ana Kaawa Tawita. Ma e tangiria Toromon b'a e na kam'ainga te Atiniberita nakon te Tembora ngke a bane ni mena aomata i Ierutarem ni bukamarua te Toa ae M'anganikaai i nanon te nam'akaina are Etanim, te kaitiua n nam'akaina n te ririki. Ao e botiia taani kairiiri aika a kakannato i aon Ierutarem Toromon.

2.Rongorongo 1:4

N te bong teuana, ao e taku Toromon nakoia Iteraera, ma ana mataniwi n te taanga ni buaka, ao ana mataniwi, ao tani kairiiri n taian utu b'a a na nako ma ngaia nakon te tabo n taromauri i Kibeon,

2.Rongorongo 5:2

E a tia ni kaawakinaki te Atiniberita i aon te Maunga are Tion, are e ataaki naba n arana ae ana Kaawa Tawita.

Etira 6:16

Ao a bane ni kukurei Iteraera, taian ibonga, kanoan Rewi, ao aomata ni kabane ake a tia n oki man te kataenikaiaki, ao a bane ni bukamarua a katabuan ana Tembora te Atua.

Mika 5:2

E kangai te UEA nakon te kaawa ae Betereem Eberata, “Bon te kaawa naba ngkoe teuana ae ko uarereke i buakon kaawan Iuta, ma N na kaotinakoa te Tia Tautaekana Iteraera mai iroum, ae te aomata ae iai reitakina ma ake a kakannato ake ngkoa.”

Warekaia Iteraera 31:14

Ao e a un Moote irouia taiani kam'anta n te taanga ni buaka

Te Tua-Kaua 1:15

Ao i mwiina, I anaia m'aane akanne, ao I rineia b'a ami tia kairiiri. Tabeman mai buakoia a riki b'a mataniwi n tautia i bukiia teuana tengaa te tautia, tabeman, i bukiia tebubua te tautia, tabeman, i bukiia nimangaun te tautia, ao tabeman, i bukiia tengaun te tautia.

Te Tua-Kaua 12:18

ao a kona naba ni kang baikai aomata aika a kam'araa, ma a aki tau nakon te taromauri.

Te Tua-Kaua 12:7

Kam na aki manga anga te karea n taabo nako ike kam tangiria ni karaoia iai, ma E nang rinea te tabo teuana te UEA i aon Iteraera ike kam na taromauriia iai.

I-Biribi 3:3

B'a boni ngaira ma ngkami kaain te korotabonim'aneaki ni koaua, aika ti taromauria te Atua iroun Tamneina, ma ni kamoamoa irouni Kristo Iesu, ao ti aki onimakina te rab'ata,

I-Biribi 4:4

Kam na kim'areirei ngkai kam reitaki ma te UEA n taai nako; ao N na manga atonga riki ae kaangai, Kam na kim'areirei.

1.Tamuera 10:19

E a tia te Atua ni kamaiungkami man taiani kangaanga ma taiani kabuanib'ai. Ma kam a tia ni kamoamoaingkami nakon Atuami ma n bubuti karekean ami uea. Ma ngaia ae ngkai, kam na bane ni kaaningkami baronga ma kaainga n tatabeua nako nakon te tabo n taromauri b'a E aonga n rinea te uea te UEA.

1.Tamuera 22:7

ao e taku nakoina ana aobitia, “Kakauongo, ngkami aika rorobuakan Beniamin! Kam iangoia b'a e na kona n anganingkami taian tawaana ma te nnenaroka ni kureebe Tawita ao ni karikingkami ni kabane b'a ana aobitia n ana taanga ni buaka?

1.Tamuera 8:12

Ane a na riki tabeman b'a mataniwiia 1,000 te tautia, ao tabeman b'a mataniwiia 50 tautia. Ao tabeman naba a na unika aon aban te uea ma n taia uaana, ke ni karaoi taiani b'ainibuaka, ao b'ain nako te kanibuaka are katikitikaki irouia aoti.