1.Rongorongo 15:16 - Te B'aib'ara

¹⁶ Ao i mwiina, e tuangiia taani kairiiri Tawita b'a a na rineia kanoan Rewi tabeman b'a a na anene ma ni katangitang n taian aabi aika a uarereke, ao b'aai n katangitang riki tabeua, ao taian timbara.

1.Rongorongo 15:16 Iomraidhean Croise

1.Rongorongo 13:8

Ngke a kabane korakoraia ni m'am'aie man aneenene Tawita ma aomata ni kamoamoaa te UEA. A katangitang n tain aabi ake a uarereke ao b'aai ni katangitang ake taiani karai ao taian raea, taian timbere, ao taiani timbara.

1.Rongorongo 15:12

E taku nako ia, “Taani kairiiri ngkami man te kaainga are Rewi. Bon ngkami ma ami koraki aika kam na moana te bootaki, ma ngaia ae, kam na kaitiakingkami b'a kam aonga ni nakoraoi i matan te UEA. Ao i mwiina kam na uota te Atiniberita are ana b'ai te UEA ae Atuan Iteraera nakon te tabo ae I a tia ni katauraoia i bukina.

1.Rongorongo 16:42

Bon tabeia naba Eman ma Ierutun te katang taiani buu, ao katangakin taian timbara ao b'aai ni katangitang ake tabeua i nanon tain te taromauri n te Um'antabunrianna. Ao kanoan Rewi ake n te kaainga are Ierutun boni ngaiia ake taan tei i Kibeon.

1.Rongorongo 16:5

Aia tia kairiiri bon Ataba, ao ana tia buobuoki bon Tekaria. A rineaki Ieiera, Temiramota, Ieiera, Matitia, Eriaba, Benaia, Obeta-Etom, ao te m'aane temanna ae arana Ieiera b'a taan katangi aabi ake a uarereke ao b'aai ni katangitang ake taiani karai. E katang taian timbara Ataba,

1.Rongorongo 23:5

akana 4,000 a na riki b'a taan tei n te Tembora, ao 4,000 a na neboa te UEA ni katang taiani b'ai ni katangitang ake I a tia n anganiia.”

1.Rongorongo 6:16

Iai natin Rewi ake teniman: Kerition, Koata ao Merari

2.Rongorongo 20:19

Ao a teirake tabeman kanoan Rewi man te kaainga are Koata ao Kora ao a takaarua n neboa te UEA ae Atuan Iteraera.

2.Rongorongo 30:12

Ao te Atua e karaoia aomata ni kabane i Iuta b'a a na rangi ni kan karaoi b'aai ake a tuangaki irouia Etekia ma ana mataniwi.

2.Rongorongo 5:12

A kunnikainiia n te niiniira te rinen aika a tamaroa taani katangitang ake kanoan Rewi, n reitaki ma Ataba, Eman, Ierutun, ao natiia m'aane ao aia koraki. A tei i mainikun te baonikarea, ma ni katang taian timbara, aabi aika a uarereke, ao b'aai ni katangitang aika taiani karai.

2.Rongorongo 5:13

Tebubua uangaun te ibonga aika a raoniia taani katangitang aikai, ao a katangi taian buu. A neboa te UEA ni katangi b'aini katangitang ma n anene: “E raoiroi te UEA, ao akea tokin ana tangira.” Ao e a karina naba ni kaonaki nanon te Tembora n te nang ngke a kiitana te tabo are moan te tabu ibonga.

2.Rongorongo 7:6

Ao a bane n teirake aomata i nanon tain te botaki. Ao a bane ni mena taian ibonga n aia tabo ake a tia n anganaki, ni katangi taian buu. A kaaitaraaki irouia kanoan Rewi, ni katangi taian b'ai ni katangitang ake e a tia ni karaoi Tawita b'a a na kamanenaaki i bukin neboakin te UEA i bukin ana tangira ae akea tokina.

Neemia 12:27

Ao ngke e a katabuaki oon te kaawa, ao a kaoaki kanoan Rewi ni kabane man taabo nako i aon Iuta b'a a na ira te bukamaru n taian anene n nebo ao n taian katangitang n timbara, aabi aika a uarereke, ao taiani b'ai ni katangitang ake tabeua ake taiani karai.

Neemia 12:36

ngaia ma ana koraki aika Temaia, Atarera, Mirarai, Kirarai, Maai, Netanera, Iuta, ao Anani. A katangi taian b'ai ni katangitang aika taiani karai n ai aron ake a tia ni katangaki iroun Tawita are ana aomata te Atua. Ao a m'aati mai akuun Etira, are te tia reirei n te Tua.

Neemia 12:43

E a tia te Atua ni kakukureia taian aomata, ao ni karokoa naba te bong ni bootaki arei ai ngaia are a anga taian angab'ai ao taian karea aika moan te m'aiti. Ao a ira buakon te bukamaru aine ma ataei, ao a takaarua ni kukurei ao e rokoroko b'anaaia n taabo aika a raroa nako man te kaawa are Ierutarem.

Neemia 12:46

E a bon kaman wawaakinaki kairan te anene irouia taan kaira te anene ma taian anene n nebo ao taian taromauri mairoun Tawita ma Ataba.

Taian Areru 100:1

Ngkami aomata ni kabaneingkami, Kam na bane n takaakaa ni kakatonga nakon te UEA!

Taian Areru 149:3

Kam na kamoamoa arana n te b'ab'atere; katangi b'aai ni katangitang n neboia iai.

Taian Areru 150:5

Kam na kamoamoaa ni katangan taian timbara. Kam na kamoamoa n timbara aika tangi m'aaka.

Taian Areru 81:1

Kam na anene ni kim'areirei nakon te Atua ae otangara; Kam na anene ni kakatonga nakon Atuan Iakob'a.

Taian Areru 81:3

Katanga te bu i bukin te bootaki ae ab'ab'aki are te Toa ae Moan Otin Nam'akaina ao ngkana e a tanimainiku.

Taian Areru 87:7

A anene ni b'ab'atere ao ana kaangai, “A nako mai Tion kab'aiara ni bane.”

Taian Areru 95:1

Nako mai, ti na anene nakon te UEA! Ti na anene ni kim'areirei nakon te Atua, are kakawakinira man te kabuanib'ai!

Te Otinako 15:20

Ao e anaa ana timbere Nei Miriam are m'anen Aaron, ao a bane aine ni iria ni katangtang n te timbere ma ni m'am'aie.

Itaia 49:23

A na roko ni boobaraaki ueanim'aane ma ueanainen taiani botannaomata aikai ake a kaikawaia. A na kaawakiningkami kaanga te toro ae e kaawakina te ataei. Ao ane ko na ataia iai b'a bon am UEA Ngai. E na aki b'ara nanom ngkana ko onimakinai.”

Ieremia 33:11

b'anaan te kukurei ao karongoaan taiani bootaki ni kukurei ma taiani baka ni mare. Ao ngkana a rin n au Tembora b'a a na anga karea i bukin kakukureiau, ao ko na ongo ae e kaangai irouia: “Ti neboiko, te UEA ae Moan te M'aaka! Ko karaoa ae e raoiroi nakoira, ao e bon aki konaa ni matebuaka Am tangira.” E na manga okira arona te aba ni kariki uaa.

Amota 6:5

Kam otoi kuuna ma n anenei ma te aabi n ai aron teuare Tawita.

M'akuri 14:23

A rineia tem'angina n te ekaretia teuana b'a unimm'aanen te ekaretia anne, ao a karaoa aron aei i nanon ekaretia nako; ao ni katoa te tai are a tia ni karaoa iai aei, ao a aki mamatam, ao a tataro i bukiia b'a a na kawakinaki iroun te UEA, are a onimakinna.

2.Timoteo 2:2

ao baikana ko ongo i rou ake I taekin i mataia taani kakoaua aika bati, ko na mwiokoi nakoia aomata aika kakaonimaki, aika kona n reireiia naba tabem'aang.

Tito 1:5

I katikuko i Kirete i bukin aei, b'a ko na kaeti baike a tuai n tia, ao b'a ko na rineia naba unimm'aane n ekaretia ni kaawa nako, n ai aron are I tuangko ngkoa.