1.Rongorongo 14:2 - Te B'aib'ara

² E ataia ngkai Tawita b'a e a tia te UEA ni karikia b'a te uea ae e korakora i aon Iteraera i bukin aia raoiroi ana aomata.

1.Rongorongo 14:2 Iomraidhean Croise

2.Tamuera 7:16

N na kakoauaa raoi b'a e na uea n taai nako temanna mai buakoia am kariki.

2.Tamuera 7:8

Tawita, aei au taeka Ngai ae te UEA ae Moan te M'aaka nakoim. I uotiko n nako mai man te tawaana are ko tararuaia am nanai n tiibu iai, ao I karikiko b'a te tia kairiiri irouia au aomata.

1.Uea 10:9

I neboa te UEA ae Atuam. E kakatonga iroum ao E a tia n rineiko b'a uean Iteraera. E tangira Iteraera te uea ma ngaia are, E a tia n anganiia aia uea ae na tautaekaniia n te eti ma te koaua.

1.Rongorongo 14:1

Ao e kanako ia tabeman ana mataniwi uean Turo are Iram nakon Tawita. A kairiia kabenta ma taani m'akuri n te atiibu, ao kaai aika tiira aika a tau m'aitiia i bukin katean ana bareti Tawita.

1.Rongorongo 14:3

I mwiin m'aingin Tawita nako Ierutarem, e mare ma aine riki tabeman ao a manga riki natina m'aane ma natina aine tabeman.

1.Rongorongo 17:17

ao ngkai ko a tia ni manga berita b'a ko na karaoi riki aika a m'aiti nako ia au kariki. Ko karaoai b'a kaanga te aomata ae moan te kakannato.

2.Rongorongo 2:10

N na kaboia am taani korokai 2,000 te uita, ae m'aitin naba te b'are, 400,000 te riita te wain, ao m'aitin naba anne b'aan te oriwa.

2.Rongorongo 2:11

Ao e kaoka ana kaeka Iram nakon Toromon: I ataia b'a E bon tangiriia ana aomata te UEA, b'a e a tia n rinea aia uea.

Etita 4:14

Ngkana ko aki kakarongoa n te aekaki n tai aei, ao ane e na roko te buoka mai karawa nakoia taian I-Iutaia, ao ane a na kamaiuaki, ma ane ko na mate ngkoe ma ana utu tamam, ma ni kamaunaaki. Antai ae e ataia, ao tao ko boni karikaki b'a te ueanaine i bukin te tai aei.

Taniera 2:30

Ao ngkae e a tia ni kaotaki nako iu te kaotioti anne, tiaki i bukina ngke I rabakau riki nakoia tabeman, ma i bukina b'a e aonga n reke nanona iroum ao n oota raoi naba iango akana a roko iai nakoim.

Warekaia Iteraera 24:7

A na rikirake ni maiu raoi kanoam kaanga aron taiani kai n am'arake i rarikin te karaanga n ran. E na tautaeka am uea ma te m'aaka ao e na riki b'a te uea ae korakora riki nakon Akaaka are kaain Amareka.

Te Tua-Kaua 28:1

I anganingkami ana Tua ma ana Reirei te UEA ae Atuami n te bong aei. Ongotaeka nako iai n taai nako, ao ane e na karika Iteraera te UEA b'a te botannaomata ae tanoata taekana, ma n riki b'a te botannaomata ae kakannato n te aonnaba, ao E na kakab'aiaingkami n aanga aika bati.