1.Rongorongo 14:11 - Te B'aib'ara

¹¹ Ao a m'ananga Tawita ma ana taanga ni buaka nako B'aara-Beratim, ike a buakaniia iai kaain Biritia. Ao e taku, “I konaiia au kairiribai i bukina b'a e uruia te Atua n ai aron te ieka ae e korakora.” Ma ngaia are, e arana te tabo arei b'a “E uruia te UEA.”

1.Rongorongo 14:11 Iomraidhean Croise

2.Tamuera 5:20

Ao e buakaniia kaain Biritia Tawita ao e konaiia. Ao e taku, I taratara te UEA ngke e urua aia taanga ni buaka kairiribai kaanga te ieka ae e korakora.” Ma ngaia are, e arana te tabo arei b'a “E uruaniia te UEA”

1.Rongorongo 14:10

Ao e titirakina te Atua Tawita ni kaangai, “E riai b'a n na buakania kaain Biritia ke n na aki? Ko na buokai b'a i aonga n tokanikai ke ko aki?” Ao e taku te UEA nakon Tawita, “Eng, buakaniia! N na anganiko te tokanikai.”

1.Rongorongo 14:12

Ao e anga ana taeka Tawita nako ia ana taanga ni buaka b'a a na kaurai taian bouananti ake a katikui kaain Biritia imwiia.

Iobi 30:14

A urua te nono are I mena iai, ao a biri n taobekaai ngke e a tib'a b'aka atiibun te nono.

Taian Areru 144:1

E na neboaki te UEA, ae te tia kamanoai! E kataneiaai i bukin te bo ni buaka ao ni katauraoai nakon te un.

Taian Areru 144:10

Ko anganiia uea aia tokanikai ao Ko kamaiua Tawita are am toro.

Taian Areru 44:3

E aki reke te aba irouia ara bakatibu n aia b'ai ni buaka; Ao e aki reke irouia n oini korakoraia; E reke ni m'aakam ao ni korakoram: mani kakoauaan memenam irouia ni kaotia b'a Ko tangiriia.

Te Otinako 14:28

Ao e okira arona taari, ao e rabun taiani kaa ni buaka ma taani kabuti kaa ni buaka, ao kaain ana taanga ni buaka Aikubita ni kabane ake a rimwiia Iteraera n ri nanon taari, ao bon akea nikiraia ni maiu.

Itaia 28:21

E na buakaniia te UEA n ae e rangi ni matoatoa n aron are e karaoia n te Maunga are Beratim ao n te M'arua are Kibeon. Ma n te tai aio te UEA E na karaoa te b'ai ae e kakubanako, ae kam aki kaantaningaia.

Mataio 7:27

ao e b'aka te karau, ao e roko te raanga, ao e kare te ang ae baibati n neakina te auti arei, ao e b'aka; ao e uruaki rab'atana ni kabanea.