1.Rongorongo 12:40 - Te B'aib'ara

⁴⁰ Kaain Iteraera ake tekorakina ake a roko man taabo aika a raroa nako man abaia kaain Itakara, Teburun, ao Nabetari a uoti aia nanai ni kao ao aia tiibu b'a a na tiringaki i bukin te am'arake. A bon uoti naba aia aati, miure, ao taiani kao m'aane aika on aoia n taiani buraawa, taiani biiku aika a m'au, taiani wain, ao b'aan te oriwa. Bon aio kaotan nanoia ae a rangi ni kukurei aomata ni kabane i aon Iteraera.

1.Rongorongo 12:40 Iomraidhean Croise

2.Tamuera 16:1

Ao e m'ananga Tawita nakon iteran te Maunga are Oriweta are te iterana, ngke a kaaitibo ma Tiba, are mataniwiia ana taani m'akuri Mebiboteta. Iai uoman ana aati Tiba aika a uoti uabubua taiani kariki, ao tebubua te abuta te kureebe are e a m'au, ao tebubua taiani biiku, ao tabeua taiani wain.

1.Uea 1:40

Ao a katangi taiani kaib'ab'aa, ao a kukurei ngke a riri mwiin Toromon n okira Ierutarem. E bon rangi ni korakora karongoaaia n te aro are e a ruru aontano.

2.Uea 11:20

A bane ni bootaki ni kukurei aomata i bukina ngke e a tia n tiringaki Nei Ataria, ao e a manga reke te rau i aon Ierutarem.

1.Rongorongo 12:39

A tiku tautia i Eberon i nanon tenua te bong, n am'arake ma ni momooi ni kanaia aia koraki ake a tia ni katauraoia i bukiia.

1.Rongorongo 13:1

I mwiin tabeua te tai, ao e maroroo Tawita ma mataniwiin ana taanga ni buaka,

1.Rongorongo 29:22

Ao a rangi ni kukurei aomata, ao a am'arake ma ni mooi ikekei i rarikin ana baonikarea te UEA. N te bong naba anne, ao e a katokaaki ana baunuea Toromon ni kaueaaki. Ao a bane ni kukurei aomata ao e kab'aroaki te b'a i aon atuun Toromon ni kaotia b'a e na manga uea. Ao e kab'aroaki naba te b'a i aon atuun Tatoka ni kaotia b'a ngaia ngkai aia ibonga.

Taeka n Rabakau 11:10

Ngkana e kakab'aiaki te aomata ae e raoiroi, ao e mauna nako te aomata ae e buakaka, ao e karaoa ana baka ni kukurei te kaawa ae e b'anin.

Taeka n Rabakau 29:2

Ngkana e tautaekana te botannaomata te eti, ao a na bane ni kukurei aomata; ao ngkana e tautaeka te kairua, ao a na bane ni kungkung aomata.

Otea 3:1

Ao E a manga taetae riki te UEA nako iu. Ao e taku nako iu n te tai aei, “Otea, ko na tangira ma te aine ae e aki kakaonimaki ae iai ana tangira. Ko na karaoa aei ni kaotia b'a I tangiriia Iteraera, e ngae ngke a tia n taromauri taian bouananti ao a kukurei ni karean taiani keeke aika a karaoi man taiani uaa ni kai.”

1.Tamuera 25:18

Ao e kawaekoaa Nei Abikaira ni karekei taiani kariki aika 200 m'aitina, uoua te baeki n ran aika kunin te man ae a onrake n te wain, niiman tiibu aika umunaki, 17 te kirokuraem te uita ae e tinimaki, 100 amwiin te kureebe ae a m'au, ao 200 te amwi ni biiku aika a m'au, ao e katokai i aon te aati.