1.Rongorongo 12:17 - Te B'aib'ara

¹⁷ E kawariia Tawita i tinaniku ao e taku nako ia, “Ngkana kam roko ma te nano ni iraorao ma n tauraoi ni buokai ni buaka, ao kam na tiku i rarikira ao raoniira. Ma ngkana kam na kataia ni kab'akaai nako ia au kairiribai, ao E na katuaaingkami te Atua are E tataromauriaki irouia ara bakatibu, i bukina b'a bon akea te kaairua ae I a tia ni karaoia.”

1.Rongorongo 12:17 Iomraidhean Croise

Karikani B'aai 31:42

Ngke tao arona b'a E aki mena i rou Atuan tamau ake Aberaam ao Itaaka, ao ko na boni kanakoai ma te akea. Ma E bon noori au kangaanga te Atua ma au m'akuri ake I a tia ni karaoi, ao ngke e tairiki, ao E tuangko arom aika a kaairua.”

Karikani B'aai 31:53

E na motikitaeka i marenara Atuan Aberaam, ao Atuan Naora.” Ao i mwiina, e a kamatoa ana boraraoi Iakob'a ni berita n aran te Atua are e tataromauria tamana are Itaaka.

1.Uea 2:13

Ao e m'ananga Atoniia n te bong teuana ni kawara Nei B'atateb'a, are tinan Toromon, ao e taku Nei B'atateb'a nakoina, “Tera rokom aei, te iraorao?” Ao e taku, “Eng.

2.Uea 10:15

Ao e reitanako kawaina Ieu, ao e noora teuare Ieonataba are natin Rekaba ae e roko ni kawaria. E kamauria Ieu, ao e taku, “Ieonataba, I tei n am itera, ao ngkoe ko tei n au itera ke ko aki?” E kaeka Ieonataba ao e taku, “Eng, I tei naba n am itera. Ngkana ngaia anne, ao kaamai baim.” Ma ngaia are e buokaki Ieonataba iroun Ieu ni katokaa n ana kaanibuaka,

2.Uea 9:22

Ao e titiraki Ieu ao e taku, “Tera rokom aei?” Ao e taku Ieu, “E na kangaa n reke te raoi? Tinam are Nei Ietebera boni ngaia ae e kairiia aomata nakon taromaurian bouananti ao karaoan m'akuri n tabunea.”

1.Rongorongo 12:16

A m'ananga n te tai teuana koraki ni m'aane man te baronga are Beniamin ao Iuta nakon te nono are e mena iai Tawita.

1.Rongorongo 12:18

Ao Amatai are temanna mai buakoia m'aane akekei are e a manga riki b'a te tia kairiiri irouia Taani Buaka ake Teningaun, e kawara Tawita. E niniaki n Tamnein te Atua, ao e taku, “Ti na raoningkami, Tawita ae natin Iete! Ko na tetekeraoi ngkoe ma raom, b'a E buaka te UEA man ami itera.” Ma ngaia are, e kariaia Tawita b'a a na tiku i rarikiia, ao e anganiia tib'angaia b'a taan tararuaia tautia ake a na niniia aia kaawa irouia aia kairiribai.

Taian Areru 7:6

Te UEA, Ko na un; Karaoa te m'akuri teuana! Eekinakoia au kairiribai. Ao taraia b'a e na karaoaki te kaetitaeka ae eti.

Taian Areru 86:11

Te UEA, Ko na reireiai te bae Ko tangiria b'a N na karaoia, Ao N na ongeaba nakoim ma te kakaonimaki; Ko na reireiai b'a N na toro iroum ma te aki nano-tiotio.

Ieremia 32:39

N angan nanoia te kantaninga ae ti teuana n te maiu aei b'a: neboakiu n taai nako, are e na bon nako ia mwiina ae e raoiroi ma aia kariki.

Tekaria 3:2

Ma e taku te UEA, “Tatan, ko kaairua. Bon Au kaawa ae e tabu Ierutarem, ao te aomata aei e kamaiua kaanga te kai man te ai ae e ura.”

M'akuri 4:32

A b'aina te nano ae ti teuana taan onimaki ake a bati, ao akea temanna i rouia ae tauti n ana b'ai; ma a buokanib'ai n aia b'ai nako.

1.I-Korinto 1:10

I bubutingkami, taari, n aran ara UEA are Iesu Kristo, b'a kam na kaboraoi nanomi. A na akea te i kakaiwi i marenami, ma kam na reitaki n te nano ae ti te arona, ao n te kaantaninga ae ti te arona.

2.I-Korinto 13:11

Te kabanea, taari, kam na kakatonga, kam na kanako raoi aromi, kam na karau nanomi, kam na b'aina te nano ae ti te arona, kam na raoi; ao E na mena i roumi te Atua are e reke mai Rouna te tangira ma te raoi.

I-Biribi 1:27

Kam na ti kakaraoa ae boraoi ma nanon ana euangkerio Kristo; b'a ngkana I roko n noringkami, ke ngkana tao I mena n te tabo teuana, ao I kan ongo rongorongomi, b'a kam teimatoa n aromi ni maiu b'a kanga te tamnei ae ti teuana, ni kakorakoraingkami b'a kanga te aomata ae ti temanna, i bukin te onimaki are reke man te euangkerio;

1.Betero 2:23

Ngke E taetaebuakaki, ao E aki kabooa n te taetaebuaka naba; ngke E kamarakaki, ao E aki taetae b'a E na kareke kaiia ake a kamarakia; ma E kaaki taekana nakon Teuare motiki raoi taeka.

Iuta 1:9

Ao Mikaera are te mataniwi temanna irouia anera, ngke e un ma te riaboro ni kauntaeka i bukin rab'atani Mote, ao e maku n atonga kabuakakana n taetaebuakaia; ma e kangai, “E na boaiko te Uea.”

1.Tamuera 16:4

Ao Tamuera, e karaoa te b'ai are tuangnga te UEA ao e nako Betereem. Ao a nako taani kairiiri man te kaawa ni kaitibo ma ngaia, ma a rangi ni maaku ao a titiraki ni kaangai, “Tera rokom aei, te roko n raoi ke tiaki?”

1.Tamuera 18:1

Ni banen aia maroroo Tawita ma Tauro, ao n te tai ae aki maan ao a riki b'a raao aika rangi n i tangitangiri Tawita ma Ionatan. E rangi n tabeakina Tawita Ionatan n aron tabeakinana i bon i rouna.

1.Tamuera 18:3

Ao e rangi n tangira Tawita Ionatan n te aro are e berita b'a e na riki b'a raoraona n taai nako.