1.Rongorongo 11:20 - Te B'aib'ara

²⁰ Te tia kairiiri irouia Taani Buaka ake Teningaun bon Ioaba are tarin Abitiai, ao n te bonibuaka teuana e tiringiia tenibubua m'aane n ana kainiwai. E bon kakannato naba n aroia Taani Buaka ake Teniman

1.Rongorongo 11:20 Iomraidhean Croise

2.Tamuera 18:2

E kanakoa teuana te katenim'akoro man ana taanga ni buaka i aan ana kairiiri Ioaba, ao te katenim'akoro i aan ana kairiri Abitiai are natin Teruia, ao nikiraia i aan ana kairiri Itai mai Kata. E tuangiia tautia ni kaangai, “N na buaka ma ngkami.”

2.Tamuera 2:18

A mena naba ikekei natin Teruia ake teniman ake: Ioaba, Abitiai, ao Ataera. E rangi ni biri m'aaka Ataera kaanga te ria i nanon te tawaana,

2.Tamuera 20:6

Ao e taku Tawita nakon Amata, “E na bon rangi ni kamarakiira riki Tieba nakon Abetarom, Anaiia au tautia aika a bane aroia ao naako ri mwiina. Ti aki tangiria b'a e na tam'arakea oon te kaawa ma ni biri nako mairoura.”

2.Tamuera 21:17

Ma e roko Abitiai are ai natin Tawita, are tarin Ioaba ni buokia n tiringa kaain Biritia arei. Ma a tua ana tautia Tawita ni kangai, “Ti a aki kariaia b'a ko na manga ira te buaka! Ko na anga te oota nakon ara botannaomata, ao ti tangira te oota anne b'a e na teimatoa n ura.”

2.Tamuera 3:30

A tiringa Abenera teuare Ioaba ma tarina are Abitiai i bukina ngke e tiringa tariia are Ataera n te buaka i Kibeon.

1.Rongorongo 11:19

ao e taku, “Nimakin te ran aei boni kaanga nimakin raraaia m'aane aika a tia n anga maiuia ibuku.” A karaoi m'akuri n ninikoria aikai Taani Buaka aika Teniman aikai.

1.Rongorongo 11:21

ao e rangi ni kakannato riki mai buakoia Taani Buaka ake Teningaun. Bon aia mataniwi n te taanga ni buaka ngaia, ma e aki roko n te iririia Taani Buaka ake Teniman.

1.Rongorongo 2:16

Bon iai naba natin Iete uoman aine aika: Nei Teruia, ao Nei Abikaira. Teruia bon tinan Abitiai, Ioaba ao Ataera.

1.Tamuera 26:6

Ao e titirakina Aimereka are kaain Eta, ao Abitiai are tarin Ioaba (Tinaia bon Nei Teruia), ao e taku nakoia, “Antai mairoumi ae e na irai nakon ana kaemb'a Tauro?” Ao e kaeka Abitiai ni kaangai, “N na iriko.”