1.Rongorongo 10:7 - Te B'aib'ara

⁷ A ataia Iteraera ake a maeka n te M'arua are Ietireera b'a a tia ni birinako aia tautia ao e a tia naba ni mate Tauro ma natina m'aane ake teniman. Ma ngaia are, a manga birinako naba, ao a m'ananga kaain Biritia nakon aia kaawa nako Iteraera ake a tiku imwiia.

1.Rongorongo 10:7 Iomraidhean Croise

1.Rongorongo 10:6

Ao e mate Tauro ma natina m'aane ake teniman, ao ana koraki ni kabane ake m'aane.

1.Rongorongo 10:8

N te bong are i mwiina a manga okira te marae ni buaka kaain Biritia b'a a na anai aia b'ai ni buaka tautian Iteraera ake a mate. Ao ngke a noora rab'atan Tauro ma natina m'aane ake teniman i aon te Maunga are Kireboa,

Nakoaia Ibonga 26:31

N na kamaunai ami kaawa aika a uarereke ma ami auti nako n taromauri, ao N na aki manga kukurei ni boin nako ami karea.

Nakoaia Ibonga 26:36

Ane kam na ruru ni maaku ni m'akaikain baan te aroka, kaanga te kabaang i abaia ami kairiribai.

Te Tua-Kaua 28:33

Ane kam na m'akuri korakora n ami nne n aroka, ma b'aai ni kabane akana kam taii a na manga kanaki ni kabane irouia i anena, ake a na karaoa ae aki raoiroi ao n taekini taeka aika rangi ni buakaka.

Te Tua-Kaua 28:43

Ao a na rikirake ni kaub'ai ma ni korakora aomata aika iruwa i nanon ami kaawa nako, ao ngkami kam na rikirake ni kainano ma ni mamaara.

Tani Motiki-taeka 6:2

Ao a rangi ni buakaka aroia kaain Miiria nakoia Iteraera, ma ngaia are, a birinako Iteraera nakon te naani maunga ni karabaia n te naan nangananga ni b'a.

1.Tamuera 13:6

Ao tib'a ataia tautian Iteraera b'a a nang bane aia koraki, ao a nang konaaki. Ao a karabaia tabeman m'anen Iteraera n taian nangananga ni b'a ke i nanon taian buakonikai, ke i nanon taian karuarua aika nano aika m'auteretere.

1.Tamuera 31:7

Ao ngke a ongo Iteraera ake a mena n iteran te M'arua are Ietireera ao i mainikun te Karaanga are Ioretan b'a a tia ni biri nako ana taanga ni buaka Iteraera ao a tia ni mate Tauro ma natina m'aane, ao a manga kitana aia kaawa ma ni biri nako. Ao a roko kaain Bitiria ni kaainna.