1.I-Tetaronike 5:4 - Te B'aib'ara

⁴ Ma ngkami, taari, kam aki mena i nanon te roo; ma ngaia ae e na aki kakubanakoingkami te bong arei n ai aron te tia ira;

1.I-Tetaronike 5:4 Iomraidhean Croise

Ieremia 42:16

Ane e na roko iroumi maakan te buaka, ao e na iriiringkami maakakin te mate ni baki, ao kam na mate i Aikubita.

Otea 10:9

Iteraera, kam tuai man katoka karaoan te bure man te tai arei i Kibea. Ao anne bukina ngkai ko na buakanaki i Kibea.

Tekaria 1:6

Ma a koro bukin au taeka nakoia ami bakatibu ake taekinaki irouia burabeti. Ma ngaia are, a okirai ao a taku, “Te UEA ae Moan te M'aaka, ko a tia ni katuaaira i bukin ara bure nako, n aron are Ko a tia ni baaireia.”

Mataio 10:15

E koaua ae I a tuangngkami b'a e bebete riki te rekenikai are na reke nakoia I-Totom ma I-Komora, n te bongi ni motikitaeka, nakon are na reke nako ia.

Ruka 21:34

Ma kam na kawakiningkami b'a a na aki kamamaraaki nanomi n taekan ti te kan am'am'arake ma te mamanging ma iango n raraoma i bukini b'ain te maiu aei, b'a e kawa ni karina rokon te bong arei n te tai are kam aki kaantaningaia iai ni kam'aneingkami,

M'akuri 26:18

b'a ko na kaure mataia, b'a a na rairaki man te roo nakon te oota, ao mani m'aakan Tatan nakon te Atua, b'a e aonga n reke i rouia kab'aran aia bure ao neia i buakoia aomata ake a kaitiakaki n onimakinau.

Te Tua-Kaua 19:6

Ko bon aki riai n tiringaki b'a bon tiaki nanom ni kaikoakia. Ma e a mate, ao ane a na bon un ana koraki man tangiria ni manga tiringko. Ane a na bae n rinea aia utu temanna ane te kabanea ni kaan nakon teuare mate, ao a na bae ni kanakoa b'a e na rimwiiko n tiringko. Ao ngkana a rangi n raroa nako Kaawa ni Kamauri aikai ao e na reke te tia tiritiri iroun are ri mwiina.

Te Tua-Kaua 28:15

Kaain Iteraera, I anganingkami n te bong aei ana Tua ao Ana reirei te UEA ae Atuami. Ao ngkana kam aki ongotaeka nako iai, ao E na karokoa te rekenikai ae korakora i aomi.

Te Tua-Kaua 28:45

Kaain Iteraera, ngkana kam aki ongotaeka nakon ana tua ma Ana reirei te UEA ae Atuami aika E anganingkami, ao E na karokoa taian katekebuaka aikai b'a a na kakioingkami, ma ni buakaningkami, ao n tiringkami.

I-Korote 1:13

E a tia ni kamaiura mani m'aakan te roo, ao E uotiira nako aan ana tautaeka Natina are tangiraki;

1.I-Tetaronike 5:2

B'a kam bon ata ana bong te Uea, b'a e na roko n ai aron rokon te tia iraa n te bong.

2.Betero 3:10

Ma ane e na roko ana bong te Uea n ai aron rokon te tia iraa; n te bong anne ao e na mauna iai karawa ma te rurunga ae korakora, ao a na bue b'aai ma ni mauna nako aroia; ao aonnaba ma kanoana a na kuneaki.

1.Ioane 2:8

Ma e boni ngae n anne, ao I a korea ngkai te tua ae boou nako imi, ae iai koauana ni maiun Iesu ao ni maiumi naba; b'a e tabe ni mauna te roo, ao te oota ni koaua e a tia n oota nako.

Te Kaotioti 16:15

“Noria, ae N na roko n ai aron te tia iraa! E a kab'aia ane kamarurungnga ni kawakini kunnikaina, b'a e kaawa n nakonako n akea karabaana ao e mamaa ngkana e noraki.”

Te Kaotioti 3:3

Ma ngaia ae ko na uringa aron are ko reireiaki iai ma are ko ongo; ao ko na taua, ao raira nanom. Ma ngaia aei, ngkana ko aki kamarurungko, ao ae N na nako im n ai aron te tia iraa, ao ane ko na bon aki ata te aoa ae N na roko iai i roum.