1.I-Tetaronike 4:4 - Te B'aib'ara

⁴ kam na atai aromi ngkami mm'aane n tatabemaningkami nako, ni maeka ma buumi n te aro ae itiaki ao n te aro ni karinerine,

1.I-Tetaronike 4:4 Iomraidhean Croise

M'akuri 9:15

Ma E taku te UEA nakoina, “Ko na nako, b'a I a tia n rinea teuarei b'a e na m'akuri i buku: b'a e na tataekina arau ni kaotiotai nakoia aomata aika tuai n onimakina te Atua, ao nakoia uea ma te botannaomata ae Iteraera.

I-Rom 1:24

Ma ngaia are, E katikuia te Atua n aroia n tangira te kammaira, ao a karaoi m'akuri ni kamamaa nakon rab'ataia, temanna nakon temanna.

I-Rom 12:1

Ma ngaia aei, taari, i bukin aron te Atua n nanoanga ae bati, ao I bubutingkami b'a kam na angan te Atua rab'atami b'a te karea ae maiu ae itiaki, ae E na kukurei iai; b'a aei aromi ae riai ae E kaantaningaia te Atua b'a kam na anganna.

I-Rom 6:19

I taetae n ai aroia aomata i bukini mamaran ami atatai; b'a aromi ngke kam anga b'ain rab'atami ngkoa b'a kaanga ana toro te kammaira ma te akiako n akea tuaami iai, ao ai aromi naba ngkai, b'a kam na anga b'ain rab'atami b'a tooro i bukini karaoan te eti, b'a kam aonga n riki b'a ana aomata ni koaua iai te Atua.

1.I-Korinto 6:15

Kam aki atai rab'atami b'a b'ain rab'atani Kristo? I a anai b'ain rab'atani Kristo ni karaoi b'a b'ain rab'atan te kabekaau? I bon aki kona!

1.I-Korinto 7:2

Ma i bukina ngkai e bati te wene ni bure, ao a na bane mm'aane ni karekeia buia, ao a na bane naba aine ni karekeia buia.

1.I-Korinto 7:9

Ma ngkana a babanga n taotaon nanoia, ao a na mareaki; b'a e raoiroi riki ae a mareaki nakon ae a tiku ma nanoia ae kiriwe i bukin tangiran te mm'aane ke te aine.

2.I-Korinto 4:7

Ma iai i roura ngaira aika ai aroia m'angko taano, te b'ai ae kakawaki aei, b'a e aonga n ataaki b'a te m'aka ae korakora boni m'aakan te Atua, ao tiaki m'akara.

I-Biribi 4:8

Te kabane ngkanne: taari, kam na ti iaiangoi baika koaua, aika eti ma n itiaki, aika tangiraki ngkai a raraoi, aika baika riai ni kamoamoaki, ngkana iai te raoiroi teutana iai, ao ngkana iai te b'ai ae e kamoamoaki te aba iai.

Ebera 13:4

E na karineaki te mare irouia aomata ni kabaneia, ao a na aki urua aroia ni maiu n taanga te mm'aane ma buuna; b'a te Atua E na motiki taekaia ni kabuakakaia taani wene ni bure ma ainenum'a ke mm'aanenum'a ao taani wene ni bure ma ake akea buia.

1.Betero 3:7

Ao i bukimi mm'aanenum'a: kam na maeka ma buumi ma te atatai b'a ngaiia ai aron te m'angko ae mamara riki, ngkai te aine. Kam na karineia, i bukina b'a a na uaia ni b'aib'ai ma ngkami n te b'ai n tituaraoi ae te maiu; b'a a aonga ni kaekaaki ami tataro.

1.Tamuera 21:5

Ao e taku Tawita, “A bon tuai ni karaoa anne. A bon kakaitiakiia au rorobuaka ni kaineti ma aron te taromauri, e ngae ngkana ti aki m'ananga i bukin te aro; ao ai kaakawakira riki m'anangara aei ngkai bon te m'ananga mairoun te uea!”