1.I-Korinto 5:3 - Te B'aib'ara

³ Ao I boni ngae n raroa nako mai roumi n rab'atau, ma I boni mena i roumi n tamneiu; ao ngke kanga I mena i roumi, ao I a kaman tia, n aran ara UEA are Iesu Kristo, ni motika taekan te aomata are karaoa te aro ni kammaira anne.

1.I-Korinto 5:3 Iomraidhean Croise

1.I-Korinto 5:12

B'a tera au b'ai ni bairei taekaia aomata aika tiaki kaain te ekaretia? Tiaki b'a ti kaain te ekaretia aika kam na bairei taekaia?

2.I-Korinto 10:1

Ngai ae B'auro, I butingkami n nimamaneini Kristo ao n nanoraoina, ngai ae I atongaki b'a I nanorinano ngkana I mena i rarikimi, ma I ninikoria ngkana I raroa nako mai roumi.

2.I-Korinto 10:11

Ke e ataia te aomata anne b'a te baere ti taekinna n te reta ngkai ti raroa, ao ti na boni karaoia ngkana ti mena i roumi.

2.I-Korinto 13:2

I a kaman tia n taetae nakoia te koraki ake a bure ngkoa ao I a manga taetae naba ngkai, ngkai I raroa mai roumi: ngkana I a manga roko riki i roumi, ao bon akea i rouia ae N na aki kaota arou ni matoatoa nako ina,

I-Korote 2:5

B'a I boni ngae n aki mena i roumi n te rab'ata, ma I boni mena naba i roumi n te tamnei; ao I kim'areirei n noran aromi aika riai ma aromi n teimatoa n onimakina Kristo.

1.I-Tetaronike 2:17

Ma ngaira, taari, ngkai ti raure ma ngkami n rab'atara, ma tiaki n nanora, n te tai ae aki maan, ao a rangi ni korakora nanora ma n ingainga ni kan nori matami, ngkai ti rangi n tangiringkami.