1.I-Korinto 2:3 - Te B'aib'ara

³ Ma ngaia are ngke I roko i roumi, ao I mamara ma n rurubenebene ni maaku.

1.I-Korinto 2:3 Iomraidhean Croise

Itaia 19:16

Ngkana e katuaaea Aikubita te UEA ae Moan te M'aaka ni baina ae e korakora, ao a na bon rangi ni mamaara kaain Aikubita ao a na ruru ni maaku.

M'akuri 17:1

A m'ananga B'auro ma Tiira n ri nukan Ambibori ma Aboronia, ao a roko i Tetaronike, are iai m'aneabaia I-Iutaia iai.

M'akuri 18:1

I mwini baikekei ao e kitana Atenai B'auro, ao e nako Korinto;

M'akuri 18:12

Ma ngke te tia tautaeka i Akaia Kario, ao a kabo nanoia I-Iutaia n eweka B'auro, ao a kairia nako matan te tabo ni motiki-taeka

M'akuri 18:6

Ma a ekianako ao a taetaebuakaia, ao ngaia e ioioa ana kunnikai, ao e taku nakoia, “Kam na boni bukintaeka n ami bure! Akea au bure iroumi! I mwini ngkai ao I a nakoia aomata aika tiaki I-Iutaia.”

2.I-Korinto 10:1

Ngai ae B'auro, I butingkami n nimamaneini Kristo ao n nanoraoina, ngai ae I atongaki b'a I nanorinano ngkana I mena i rarikimi, ma I ninikoria ngkana I raroa nako mai roumi.

2.I-Korinto 10:10

B'a iai ae kangai, “A rawawata ma ni matoatoa taekan ana reta B'auro, ma ngkana e mena rab'atana i rarikira ao e mamara n arona, ao a kakeaki bonganan ana taeka!”

2.I-Korinto 13:4

B'a E tauraki n te kaibangaki i bukini mamarana, ma E a manga uti ni m'aakan te Atua. B'a ti mamara n ai aroni Kristo, ma n reitakira ma ngkami ao ti na maiu ma Ngaia ni m'aakan te Atua.

2.I-Korinto 13:9

B'a ti kukurei ngkana ti mamara, ao ngkami kam korakora; ao bon ara tataro naba aei i bukimi b'a kam na nako raoi n aromi.

2.I-Korinto 4:1

Ma ngaia aei, ngkae e reke i roura te m'akuri aei n ana nanoanga te Atua, ao a aki b'ara nanora;

2.I-Korinto 4:16

Ma ngaia ae a aki b'ara nanora. B'a ngkana e tabe ni mamara aomatara ae i aora, ma e boni kakorakoraki aomatara ae i nanora n te bong ae koraki.

2.I-Korinto 6:4

Ma ti kaotira b'a ana taani m'akuri ni koaua te Atua ngaira n aaro nako. N te nanom'aka ae bati, n taian rawawata, n taiani kainano, n taiani maraki, n taai aika kanganga.

2.I-Korinto 7:15

E rikirake tangirami i rouna, ngkae e uringa aromi ni kabaneingkami n ongeaba nako ina, ma aromi ni m'aneia n akoia ma te rurubenebene ni maaku.

2.I-Korinto 7:5

B'a ngke ti roko i M'aketonia, ao a aki motirawa rab'atara, ma ti karawawataki n aaro nako, n taiani kauntaeka ma aomata, ao n taiani maaku i nanora.

I-Ebeto 6:5

Ao ngkami tooro, kam na ongotaeka irouia ami toka aika aomata, n ruru ni maku, ao karaoia ma te nano ni koaua, n ai aromi n ongotaeka irouni Kristo.