1.Ioane 5:16 - Te B'aib'ara

¹⁶ Ngkana e nora tarina te aomata b'a e karaoa te bure ae e na aki mate iai, ao e na tataro i bukina, ao te Atua E na angan teuare e bure te maiu. E a kaeti aei nakoia ake a bure n te bure ae a na aki mate iai. Bon iai te bure ae e mate te aba iai: I aki taku b'a e na tataro i bukin aei.

1.Ioane 5:16 Iomraidhean Croise

Karikani B'aai 20:17

Ao te UEA, E karaoia ainen ana bareti te uea b'a a na aki kakariki i bukin te b'ai are e riki nakon Nei Taara are buun Aberaam.

Karikani B'aai 20:7

Ma ngkai, ko na kaoka te aine anne nakon buuna. Bon te burabeti teuarei, ao boni ngaia ae na tataro i bukim b'a ko na aki mate. Ma ngkana ko aki kaokia, ao I kauringko ngkai b'a ko na bon mate ma am aomata ni kabane.”

Taian Areru 106:23

Ngke E taku b'a E na kamaunaia ana Aomata, Ao e tei ana toro are E rineia, are Moote, n taetae ma te Atua i bukiia b'a E na aki kamaunaia n unna.

Te Otinako 34:9

Ao e tataro ni kaangai, “Te UEA, ngkana arona b'a Ko bon kukurei irou, ao I tataro b'a Ko na iriira. E bon koaua ae bon taani bure aomata aikai ao taani kamangao, ma Ko na kab'arai ara bure ao karikiira b'a am aomata.”

Ieremia 11:14

Ieremia, ko na aki tataro i bukiia aomata aikai ke ni buubutiai kamaiuia. Ngkana ko buubutiai i bukiia ao N na bon aki kan ongo, ao N na bon aki naba kan ongo ngkana a tataro!

Ieremia 14:11

E taku te UEA, “Ieremia, ko na aki buubutiai b'a N na buokiia aomata aikai.

Ieremia 7:16

Ieremia, ko na aki tataro i bukiia aomata aikai! N na aki kan ongo Ngai ae te UEA.

Etekiera 22:30

I tarataraa temanna are e na tei i bukin te kaawa ma ni kamanoa man uniu, ao ai uana naba ma katokan uruakana Irou. Ma bon akea temanna ae e reke.

Warekaia Iteraera 12:13

Ao e tataro Moote ni kaangai, “Te UEA ae te Atua, taiaoka kamaiua neiei.”

Warekaia Iteraera 15:30

Ma ngkana bon iai ae karaoa te bure ni bon nanona, b'a tao te Iteraera ke te iruwa ae maeka i buakomi, ao e na bon reke n te bure b'a e a tia n aki ongeaba n urui taian tua.

Ruka 12:10

Ane atonga ae buakaka nakon Natin te Aomata, ao e na kab'araki ana bure; ma ane taetaebuaka te Tamnei are Raoiroi, ao e na aki kab'araaki ana bure.

Ioane 17:9

“I tataro i bukiia; I aki tataro i bukin te aba, ma I tataro i bukiia aika Ko anganai, b'a am b'ai ngaiia.

2.Timoteo 4:14

Arekantero are te tia karaoi b'aai man te buraati e karaoi baika bubuaka aika bati nako iu. Ane e na kaboaki mwin ana m'akuri aika buakaka iroun te Uea n ai aroni baike e karaoi.

1.Ioane 5:17

Te karaoi m'akuri ni kabane aika buakaka bon te bure; ao bon iai te bure ae e aki mate te aba iai.

1.Tamuera 12:19

Ao a taku nakon Tamuera, “Taiaoka ma tataro i bukira nakon te UEA ae Atuam. Ti aki kan mate. A m'aiti ara bure nako Ina n taai aika nako, ao ti bon rangi ni bure naba ngke ti a manga tangira te uea.”

1.Tamuera 2:25

Ngkana kam kaikoaka te aomata temanna, ao E kona te Atua ni manga kaeti b'aai i marenami ni kauoman. Ma ngkana kam karaoa te bure nakon te UEA, ao bon akea ae kona ni buokingkami!” Ma te UEA e a kaman iangoi tiringakiia. Ngaiare e kamatoai nanoia n aki kan ongo b'anaan tamaia.