1.Ioane 5:10 - Te B'aib'ara

¹⁰ Ane onimakina Natin te Atua ao e kawakini baike E a tia n taekin te Atua b'a a koaua. Ane aki ira nanon ana taeka te Atua ao e riki ngaia b'a te tia kewe, b'a kioina ngke e aki kakoaua ana kaotioti te Atua are E taekinna i bukin Natina.

1.Ioane 5:10 Iomraidhean Croise

Iobi 24:25

Iai ae kona ni kakewea aei? Iai ae kona ni kakoaua b'a e kewe au taeka?

Taian Areru 25:14

Te UEA bon raoraoia akana ongeaba i Rouna, Ao E karaoa ana boraraoi ma ngaiia.

Taeka n Rabakau 3:32

E aki tangiriia aomata te UEA aika a karaoa ae e buakaka, ma e karikiia aomata aika raoiroi b'a raaraona.

Itaia 53:1

Iai ae e a tia ni kakoauaira ke n noora korakoran m'aakan te UEA ni m'akuri?

Ieremia 15:18

I ikoaki kaakaiaki ao e aki tootoki marakiu. Ko nang kab'araa nanou kaanga te raanga n ran ae e a m'auteretere i nanon tain te aumaiaki ae e kabuebue?

Warekaia Iteraera 23:19

Tiaki aron te aomata te Atua! E aki kona ni kewe, ao E aki bibitaki naba nanona. E aki kona n ae E na aki kakoroa bukin Ana berita.”

Ioane 3:16

B'a E tangira aonnaba te Atua n te aro are E anga natina ae te rikitemanna iai, b'a e aonga n aki mate ane onimakinna, ma e na reke i rouna te maiu are aki toki.

Ioane 3:18

Ane onimakina Natina ao e aki motikaki taekana; ma ane aki onimakinna, ao e motikaki taekana i bukina b'a e aki onimakina aran Natin te Atua ae te rikitemanna.

Ioane 3:33

Ane butim'aea ana rongorongo ao e kaotia ae e kakoaua b'a E koaua te Atua.

Ioane 5:38

ao kam rawa ni butim'aea ana taeka, i bukina b'a kam aki onimakina Teuare E kanakomaia.

M'akuri 8:37

E taku Biribo nakon te iunaki, Ko na b'abetitoaki ngkana ko onimaki ma nanom ni koaua. Ao ngaia e taku, I kakoaua b'a Iesu Kristo bon Natin te Atua.

I-Rom 8:16

Ao te Tamnei aei E i buobuoki ma tamneira ni kaotiotira b'a natin te Atua ngaira;

I-Karatia 4:1

Ma I kan taekinna naba b'a i nanon ana tai n ataei te nati are na b'aib'ai i mwin tamana, ao e aki kakaokoro ma te toro, e boni ngae ngke ngaia ae na b'aini b'aai ni kabane.

I-Karatia 4:6

Ao ngkai naati ngkami, ao te Atua E kanakoa Tamnein Natina nako nanora, are E tataro ni kaangai, “Aaba, Tamara.”

I-Korote 3:3

B'a kanga ai aron ae kam a tia ni mate, ao a karabaki maiumi ma Kristo i nanon te Atua.

Ebera 3:12

Kam na tarataraingkami, taari, b'a e na aki mena iroun temanna i buakomi, te nano ae buakaka ae aki onimaki, ae te kani kitana te Atua ae maiu.

2.Betero 1:19

Ma ngaia ae ti aki nanokokoraki riki n te rongorongo are a taekinna burabeti. E raoiroi iroumi b'a kam na ongo iai, i bukina b'a ai aron te taura ae ura n te tabo ae roo ni karokoa ae e nang oti taai ao e oota te itoi ni ngaina i nanomi.

1.Ioane 1:10

Ngkana ti taku b'a ti tuai ni bure, ao ti arana te Atua b'a te tia kewe, ao e aki mena i nanora ana taeka.

1.Ioane 5:1

Aomata nako aika kakoaua b'a Iesu bon te Kristo a bungiaki mairoun te Atua; ao aomata nako aika tangira Teuare karikiia, ao a tangira naba Teuare a bungiaki mai Rouna.

Te Kaotioti 12:17

Ao e un te rakon nakon te aine arei, ao e nako b'a e na buakaniia natin neierei ake tabem'aang, ake a kakawakin ana tua te Atua, ma n teimatoa n taua te koaua are E kaotiotia Iesu.

Te Kaotioti 2:17

“Ane iai taningana n ongo ao ke e ongo ana taeka te Tamnei are Raoiroi nakoia ekaretia. “Ane tokanikai ao I a anganna te maana are raba, ao N na anganna te atibu ae mainaina ma te ara ae boou ae koreaki i aona, ae te ara ae akea temanna ae ataia b'a ti ane anganaki.

Te Kaotioti 2:28

ao N na anganna te itoi ni ngaina.