1.Ioane 4:16 - Te B'aib'ara

¹⁶ Ao ti ata te tangira are E tangirira iai te Atua, ao ti kakoauaa. Te Atua bon te tangira; ao ane b'ab'aina te tangira, ao e nim ma te Atua, ao te Atua E nim ma ngaia.

1.Ioane 4:16 Iomraidhean Croise

Taian Areru 31:19

Ai kamimiira baika raraoi ake Ko kakawakin i bukiia ake a karineko! A bane aomata nako n ataiko b'a Ko raoiroi, Ao a ataa naba ae a mano raoi i Roum akana onimakiniko.

Itaia 64:4

Bon ti ngkoe te Atua ae e tuai man nooraki ke n ongongo taekana ae e karaoi taiani kakai i bukiia taani ri mwiina.

Ioane 6:69

Ti kakoauako ao ti ataiko b'a Teuare Moan te Raoiroi Ngkoe, are Natin te Atua.”

Ioane 9:3

E kaekaia Iesu ao E taku, “E aki bungiaki ni mataki i bukin ana bure ke aia bure ana karo, ma e mataki b'a a aonga ni kaotaki ana m'akuri te Atua i rouna.

1.I-Korinto 2:9

Ma e a tia taekana n ai aron are koreaki ni kangai: “Baike e tuai n nori te mata, ao e tuai n ongo te taninga, ao e tuai n reke n ana iango te aomata, boni ngaai baike E katauraoi te Atua i bukiia ake a tangiria!”

1.Ioane 3:1

Nora aroni m'aitin te tangira are E tangirira iai te Atua, b'a ti aonga n atongaki b'a natin te Atua: ao bon natina ngaira. Ma ngaia ae a aki ataira kaain aon te aba, i bukina b'a a aki ata te Atua.

1.Ioane 3:16

Ti ata te tangira n aei, ngke E anga maiuna i bukira; ma ngaia ae e riai b'a ti na anga maiura i bukiia taari.

1.Ioane 3:24

Ao ane tau ana tua ao e nim ma te Atua, ao te Atua E nim ma ngaia. Ao ti ataia b'a E nim ma ngaira n aei, i bukin te Tamnei are Raoiroi are E anganira.

1.Ioane 4:7

Ngkami aika kam tangiraki, ti na i tangitangiri: b'a mairoun te Atua te tangira; ao ane iai te tangira i rouna, ao e bungiaki mairoun te Atua, ao e ata te Atua.