1.Ioane 4:12 - Te B'aib'ara

¹² Akea te aomata ae a tia n nora te Atua; ngkana ti i tangitangiri, ao E nim ma ngaira te Atua, ao e kakoroaki raoi tangirana i nanora.

1.Ioane 4:12 Iomraidhean Croise

Karikani B'aai 32:30

Ao e taku Iakob'a, “I a bon tia n noora te Atua n itaramata raoi ma Ngaia, ao I boni maiu naba.” Ma ngaia are, e arana te tabo arei b'a Beniera.

Te Otinako 33:20

ma N na bon aki kariaia b'a ko na noora matau, i bukina b'a e na bon mate ane e noora matau,

Warekaia Iteraera 12:8

E norai, ao n i taramata ma ngai, ao b'aai ni kabane ake I tuangnga a teretere raoi. Ao bon akea riaimi ni ngureakina Au tia m'akuri ae Moote.”

Ioane 1:18

Bon akea temanna ae e a tia n nora te Atua; te Nati are te rikitemanna, are memena i rarikin te Tama, boni Ngaia ae kaota raoi te Atua nakoia aomata.

1.I-Korinto 13:13

Ma ngkai a tiku n teimatoa baika tenua aikai, ae te onimaki, ma te kaantaninga, ma te tangira, ma e kakannato riki te tangira i buakoia.

1.Timoteo 1:17

Ana b'ai te Uea ae akea tokina, ae aki mamate, ae aki nonoraki, ae te Atua ae ti temanna, te karineaki ma te neboaki n aki totoki. Amen.

1.Timoteo 6:16

ae ti Ngaia ae aki mamate, ae maeka n te oota are aki konaaki ni kawaraki; akea te aomata ae e a tia n noria, ao akea ae kona n noria. Ana b'ai te karineaki ma te m'aaka ae aki totoki. Amen.

Ebera 11:27

I bukin ana onimaki Moote, ao e kitana Aikubita n aki maka unin te uea. E kanene n arona aei b'a kanga ai aron ae e nora te Atua ae aki nonoraki.

1.Ioane 2:5

ma ane taua ana taeka, ao nanona b'a iai kororaoin tangiran te Atua i nanona. Ao n te aro aei, ti a ataia raoi iai b'a ti nim ma Ngaia.

1.Ioane 3:24

Ao ane tau ana tua ao e nim ma te Atua, ao te Atua E nim ma ngaia. Ao ti ataia b'a E nim ma ngaira n aei, i bukin te Tamnei are Raoiroi are E anganira.

1.Ioane 4:16

Ao ti ata te tangira are E tangirira iai te Atua, ao ti kakoauaa. Te Atua bon te tangira; ao ane b'ab'aina te tangira, ao e nim ma te Atua, ao te Atua E nim ma ngaia.

1.Ioane 4:20

Ngkana e kangai temanna, I tangira te Atua, ao ngkana e ribaa tarina, ao bon te tia kewe ngaia; b'a ane aki tangira tarina ae e a tia n noria, ao e aki kona n tangira te Atua ae e tuai noria.

1.Ioane 4:6

Mairoun te Atua ngaira: ane ata te Atua ao e ongo i roura; ane tiaki mairoun te Atua, ao e aki ongo i roura. Ti kona n ata te kaokoro i marenan tamnein te koaua ao tamnein te m'am'ana te aba.