1.Ioane 3:17 - Te B'aib'ara

¹⁷ Ma ane iai ana b'ai aika b'ain te maiu aei, ao ngkana e nora tarina b'a iai kain nanona, ma e aki nanoangaia, ao e na kanga n taku b'a e mena i nanona tangiran te Atua?

1.Ioane 3:17 Iomraidhean Croise

Taeka n Rabakau 12:10

A akoi aomata aika a raoiroi nakoia aia man, ma e iowawa te aomata ae e buakaka.

Taeka n Rabakau 14:31

Ngkana kam karaoa ae e aki riai nakon te aomata ae e maiu ni kainano, ao kam bon kamamaaea iai te Tia Karikib'ai; ma ngkana kam akoia, ao kam bon kaota iai karineana.

Taeka n Rabakau 19:17

Tararuaakin te kainano bon te angab'ai nakon te UEA, ao ane kam na manga kabooaki raoi.

Taeka n Rabakau 21:13

Ngkana kam aki buoka te aomata ae e maiu ni kainano, tai iangoia b'a a na ongo b'anaam aomata ngkana kam tang ni buubuti buokami.

Taeka n Rabakau 28:9

E aki konaa ni kukurei te Atua n ongora aia tataro aika a aki ongotaeka nakon ana Tua.

Ruka 3:11

E kaekaia ni kangai, “Ane iai i rouna uoua ana kabaraki, ao ke e anga teuana nakon ane akea ana kabaraki; ao ane iai kanana, ao ke e karaoa naba are e karaoia teuare uoua ana kabaraki.”

2.I-Korinto 8:9

B'a kam ata ana akoi ara UEA are Iesu Kristo, b'a ngke E kaub'ai, ao E riki n aki kaub'ai i bukimi, b'a kam aonga ni kaub'ai n ana aki kaub'ai.

Ebera 13:16

Ao kam na tai m'aninga te kakaraoa ae raoiroi ma te i buokanib'ai; b'a aikai karea aika E kukurei iai te Atua.

Iakobo 2:15

Ngkana akea ana kunnikai tarimi temanna ke m'anemi temanna, ao ngkana akea kanaia n te bong ae koraki,

Iakobo 2:16

ao e kaangai nakoia temanna iroumi, “Kam na nako ma te rau, kam na kunnikaingkami raoi b'a kam aonga n aki mariri, ao kam na nuai;” ao ngkana kam aki anganiia baika a tau nakon rab'ataia, ao tera manenan ami taeka?

1.Ioane 4:20

Ngkana e kangai temanna, I tangira te Atua, ao ngkana e ribaa tarina, ao bon te tia kewe ngaia; b'a ane aki tangira tarina ae e a tia n noria, ao e aki kona n tangira te Atua ae e tuai noria.

1.Ioane 5:1

Aomata nako aika kakoaua b'a Iesu bon te Kristo a bungiaki mairoun te Atua; ao aomata nako aika tangira Teuare karikiia, ao a tangira naba Teuare a bungiaki mai Rouna.