1.Ioane 3:16 - Te B'aib'ara

¹⁶ Ti ata te tangira n aei, ngke E anga maiuna i bukira; ma ngaia ae e riai b'a ti na anga maiura i bukiia taari.

1.Ioane 3:16 Iomraidhean Croise

Mataio 20:28

B'a aron Natin te Aomata ngkae E aki roko b'a E na tautoronaki te aba i Rouna, ma E roko b'a E na toro irouia aomata, ao b'a E na anga maiuna b'a b'aini kainaomataia aomata aika bati.

Ioane 10:11

Ngai te tia kawakin tiibu ae e raoiroi. E anga maiuna te tia kawakin tiibu ae e raoiroi i bukiia tiibu.

Ioane 10:15

n ai aron te Tama ngkae E ataai, ao Ngai I ataa te Tama; ao I anga nanou b'a N na mate i bukiia tiibu.

Ioane 13:34

I anganingkami te tua ae boou: kam na i tangitangiri; n ai arou ngke I tangiringkami, b'a kam aonga n i tangitangiri.

Ioane 3:16

B'a E tangira aonnaba te Atua n te aro are E anga natina ae te rikitemanna iai, b'a e aonga n aki mate ane onimakinna, ma e na reke i rouna te maiu are aki toki.

M'akuri 20:28

Kam na tarataraingkami ao tararuaia aomata ni kabaneia ake kam kateaki i buakoia iroun te Tamnei are Raoiroi b'a taan tararuaia: kam na tararua ana ekaretia te Atua, are E reke i rouna b'a ana b'ai n raraan Natina.

I-Rom 16:4

ake a kuri ni kabuanib'ai ngke a anga maiuia i buku. I rangi ni kaitau nakoia; ma tiaki ti ngai, b'a a kaitauaki naba irouia ekaretia ake tiaki I-Iutaia kaaina.

I-Rom 5:8

Ma te Atua, E kaota oin ana tangira nako ira n aei: b'a ngke bon taani bure ngaira, ao E mate Kristo i bukira.

2.I-Korinto 4:12

Ma ngaia ae e m'am'akuri te mate i nanora, ma te maiu i nanomi.

I-Ebeto 5:2

ao kam na b'aina te maiu n tangira, n ai aroni Kristo ngkae E tangirira naba, ao E anga Ngaia b'a E na mate i bukira b'a te karea nakon te Atua, ae te karea ae boiarara ae kamateaki.

I-Ebeto 5:25

Mm'aanenum'a, kam na tangiriia buumi, n ai aron naba Kristo ngkae E tangira te ekaretia, ao E anga Ngaia b'a E na mate i bukina.

I-Biribi 2:17

Ami onimaki ma ami m'akuri aika kam karaoi b'a kanga ibonga ai aron te karea nakon te Atua; ao tao N na kamateaki, ao n te aro aei N na riki b'a ai aron te karea are te raraa are kab'aroaki i aon te karea. Ngkana arona b'a e riki aei, ao N na boni kim'areirei, ao N na kim'areirei ma ngkami;

I-Biribi 2:30

b'a e kaania matena i bukin ana m'akuri Kristo n aki mutiakina maiuna, b'a e aonga n anganai buokau n aron are aki kona n reke mai roumi.

1.I-Tetaronike 2:8

Ma ngaia ae ngkai ti rangi n tangiringkami, ao ti aki kan anganingkami ti ana euangkerio te Atua, ma ti kan anganingkami naba maiura, ngkai kam a riki ni bati n tangiraki i roura.

Tito 2:13

ngkai ti tataninga te bongi ni kab'aia are ti kaantaningaia b'a e na roko ngkana e kaoti mimitongin Atuara ae kakannato ma te Tia Kamaiu are Iesu Kristo.

1.Betero 1:18

Kam ataingkami b'a kam aki kainaomataki ni baika kai mauna, ae te tirewa ma te koora, man aromi nikawai ae akea manenana, ae kam anganaki mairouia ami bakatibu;

1.Betero 2:24

Ao E uoti ara bure n rab'atana i aon te kai, b'a ti na mate nakon ara bure ni kitan, ao ti na kabane maiura i bukini karaoan nanon te Atua. Ao kam kamaiuaki n oreana.

1.Betero 3:18

B'a e mate Kristo i bukini buure ti te taina ao akea riki, te aomata ae e raoiroi i bukiia aika buakaka, b'a E aonga ni kairingkami nakon te Atua. E boni kamateaki n te aro n rab'ata, ma E kamaiuaki n te aro n tamnei;

1.Ioane 2:6

Ane taku b'a E nim te Atua ma ngaia, ao e riai n nakonako n te aro are E nakonako naba iai Kristo.

1.Ioane 2:9

Ane taku b'a e mena n te oota, ma e ribaa tarina, ao e mena n te roo ni karokoa ngkai.

Te Kaotioti 1:5

ao ami b'ai naba te akoi ma te raoi mairoun Iesu Kristo, are kakaonimaki, are te moa ni kamaiuaki mai buakoia maate are E manga uti mai buakoia maate, ao are aia Mataniwi uea i aonnaba. E tangirira, ao E kainaomataira man ara bure ni matena;

Te Kaotioti 5:9

Ao a anene n te anene ae boou, ao a anene ni kaangai, “Ko riai n anaa te niira ni boki ma ni kanakoi b'aini kanim'ana ake kanikina. B'a Ko kamateaki; ao Ko kamaiuia aomata n raraam b'a ana b'ai te Atua mai buakoia baronga nako, ma reeti n aomata nako, ma aomata nako aika a kakaokoro aia taetae,