1.Ioane 3:12 - Te B'aib'ara

¹² ao ti na aki katotonga aroni Kain are mairoun teuare buakaka, ngke e kamatea tarina. Ao e aera ngke e kamatea? B'a kioina ngke a bubuaka ana m'akuri, ao a raraoi ana m'akuri tarina.

1.Ioane 3:12 Iomraidhean Croise

Karikani B'aai 4:25

Ao e a manga riki natiia Atam ma Nei Ewa temanna te mm'aane. Ao e taku Nei Ewa, “E a tia n anganai natiu te mm'aane te Atua b'a oneani mwiin Abera, are e tiringnga ngkoa Kain.” Ma ngaia are, e arana te nati te mm'aane arei b'a Teeta.

2.Tamuera 13:22

Ao e bon karaoa naba ae e raoiroi Abetarom nakon Amnon kaanga akea te b'ai ae e riki, ma e bon rangi n ribaa Amnon n te b'ai are e karaoia nakon m'anena are Nei Tam'aa.

Taian Areru 37:12

E iangoaki kam'aruaan te aomata ae e raoiroi iroun ane buakaka; ao e kangengei wina nakoina.

Taian Areru 38:20

A riki b'a aiau akana kaboa te raoiroi n te buakaka, I bukin au kekeiaki ni kani karaoa ae eti.

Taeka n Rabakau 27:4

E kamaamate te aomata ae e un, ma e a rangi ni kamaamate riki te aomata ae e babakantang.

Taeka n Rabakau 29:10

E riiribaia aomata aika a raoiroi aika a maiuakina te eti te tia tiritiri.

Taeka n Rabakau 29:27

A kairiribai i marenaia aomata aika a raoiroi ma aomata aika taani bure.

Mataio 13:19

Ngkana e ongo taekan Uean te Atua te aomata ao e aki ata nanona, ao e roko iai teuare buakaka n anaa are e a tia n unikaki i nanona; aei te koraa are unikaki ri rarikin te kawai.

Mataio 13:38

Nnen aroka bon te aonnaba; ao uaa ake a raraoi bon aomata aika kaain Uean te Atua; titania bon te koraki ake ana aomata teuare buakaka,

Mataio 23:35

Anne bukin ae kam na bukinaki iai i bukini mateia aomata ake a raoiroi i aon te aba, mairoun Abera ni karokoa natini Barakia are Tekaria, are tiringaki i roumi i marenan te um'antabu ma te baonikarea.

Mataio 27:23

Ao ngaia e taku, “Ao? B'a tera ae buakaka ae E karaoia?” Ao a kanenei riki b'anaaia n takarua ni kangai, “E na kamateaki n te kaibangaki!”

Mataio 5:37

Ma are kam na taekinna, e na ti kangai, ‘Eng’ ke ‘Tiaki,’ ma ngkana a raka am taeka i aon aikai ao a nako mairoun teuare buakaka.

Ruka 11:51

Man te tai are e b'aka iai raraan Abera nakoni b'akan raraan Takaaria, are mate i marenan te baonikarea ma te um'antabu. Eng, I tuangngkami, b'a ane na tangiraki boona mairouia kaain te roro aei.

Ioane 10:32

E taku Iesu nakoia, “I a tia ni kaoti nakoimi m'akuri aika bati aika raraoi mairoun te Tama; e nga i buakoia ae kam na karebanai iai i bukina?”

Ioane 8:40

Ma ae kam ukoukora naba kamateau, Ngai ae te aomata ae I tuangngkami te koaua are I ongo mairoun te Atua; e aki karaoa aei Aberaam.

Ioane 8:41

Kam karaoa are e karaoia tamami.” A taku nakoina, “Tiaki natintam'a ngaira; ti temanna Tamara, b'a te Atua.”

M'akuri 7:52

Antai i buakoia burabeti ae aki b'ainikirinaki irouia ami bakatibu? Boni ngaiia ake a tiringiia uake a kaman tataekina rokon Teuare Raoiroi, are Ngaia are kam a tia ngkai ni kam'anea ao kam tiringnga.

1.I-Tetaronike 2:14

Taari, kam riki ni katotongiia ana ekaretia te Atua i Iutaia, aika ana aomata Kristo Iesu, i bukina b'a kam a tia ni b'ainikirinaki naba irouia ami aomata ni baika ti te bo aroia ma ake a b'ainikirinaki iai irouia I-Iutaia;

Ebera 11:4

I bukin ana onimaki Abera, ao e angan te Atua te karea ae raoiroi riki nakon ana karea Kain; ao i bukin ana onimaki ao E kukurei te Atua i rouna ngkai e karaoa nanona; ao e boni ngae ni mate Abera, ma e teimatoa n taetae ana onimaki i bukina.

Ebera 12:24

Ao kam kaania Iesu, are Ngaia ae e reke mai Rouna te boraraoi ae boou, n raraana are katimtim'aki, are kaota te bae raoiroi riki nakon are e taekinna Abera.

1.Betero 4:4

A mimi ngkai kam aki raoniia n aroia ni kabatia te maiu-buaka n aron are a kakaraoia; ao a taetaebuakaingkami.

1.Ioane 3:8

ane karaoa ae bure ao boni mairoun te riaboro, b'a e a kamani bubure te riaboro ma ngke a moa n riki b'aai. E karokoaki Natin te Atua i bukin aei, b'a E aonga n uru ana m'akuri nako te riaboro.

Iuta 1:11

A na reke kaiia! B'a a karaoa te baere e karaoia Kain, ao a kataua karaoan te kaairua are e karaoia B'araam i bukini kani karekeani boon aia m'akuri. A rawa ni kan tautaekanaki n ai aroni Kora, ao a mate.

Te Kaotioti 17:6

Ao I nora te aine arei b'a e manging n raraaia aomata ake a itiaki, ma raraaia ake a kamateaki i bukin onimakinan Iesu. Ngke I nora neierei, ao I rangi ni mimi.