1.Ioane 2:3 - Te B'aib'ara

³ Ao aio te aro ae ti ataira iai b'a ti bon ata te Atua: ngkai ti tauu ana tua nako.

1.Ioane 2:3 Iomraidhean Croise

Taian Areru 119:32

N na kakorakoraai n tou mwin am Tua, Buokai ni karabaaba riki ootan nanou.

Taian Areru 119:6

Iaiangoan am Tua irou bon tukau mani karaoan te b'ai ae N na kamaamaaeaki iai.

Itaia 53:11

Ti na karekea raoi nanon te ongotaeka iroun te UEA i nanon rawaawatan te tia m'akuri. E ngae ngke akea ana bure, ma e na bon anaa naba tuaaia taani bure tem'angina, b'a a aonga ni m'aiti mai buakoia aika a na b'ara aia bure.

Ruka 6:46

“E aera ngkai kam atoatonga ae kangai nako Iu: ‘Te Uea, te Uea,’ ao kam aki ira nanon te bae I tuangngkami?

Ioane 14:15

“Ngkana kam tangirai, ao kam na tou mwin au tua.

Ioane 15:10

Ngkana kam ongeaba nakon au tua nako, ao e na bon aki bua mairou tangirami; n ai arou ngkai I ongeaba nakon ana tua nako Tamau, ao e aki bua tangirau i rouna.

Ioane 15:14

Raou ngkami, ngkana kam karaoi baika I tuangngkami.

Ioane 17:3

Ao aio aron reken te maiu are aki toki: bon te ataiko b'a ti Ngkoe ae te Atua ni koaua, ao te ata Iesu Kristo, ae Ko kanakomaia.

2.I-Korinto 4:6

B'a bon te Atua, are kangai, “E na oota te oota mai buakon te roo!” Bon te Atua naba aei are kaota ana oota i nanora, b'a ti na ata mimitongin te Atua b'a e oota man ubun Iesu.

Ebera 5:9

ao ngke E a bobonga raoi arona, ao E riki iai b'a te tia karika te maiu are aki toki nakoia ni kabaneia aika ira nanona;

1.Ioane 2:13

Taama, I koroboki nako imi, ngkai kam ata Teuare bon iai ma ngke a tuai ni karikaki b'aai. Rorobuaka, I koroboki nako imi, ngkai kam a tia n tokanikai i aon teuare buakaka.

1.Ioane 3:14

Ti ataira b'a ti a tia ni butaki nako man te mate nako nanon te maiu, ngkai ti tangiriia taari. Ane akea te tangira i rouna, ao e maeka n te mate.

1.Ioane 3:19

Ane ti na kona n ataira iai b'a ana b'ai te koaua ngaira, ao b'a a na reke raun nanora ngkana ti tei i matana;

1.Ioane 3:6

Ane nim ma Ngaia ao e aki bure; ane bure ao e tuai n oota raoi n aroni Kristo, ke e tuai n ataia.

1.Ioane 4:13

Ti ataia b'a ti nim ma Ngaia ao Ngaia E nim ma ngaira, n aei, b'a kioina ngkae E a tia n anganira Tamneina.

1.Ioane 4:7

Ngkami aika kam tangiraki, ti na i tangitangiri: b'a mairoun te Atua te tangira; ao ane iai te tangira i rouna, ao e bungiaki mairoun te Atua, ao e ata te Atua.

1.Ioane 5:19

Ti ataira b'a mairoun te Atua ngaira, ao aomata aika aomatan te aonnaba ae bubure a mena i aani m'aakan teuare buakaka.

1.Ioane 5:2

Ti ataira b'a ti tangiriia natin te Atua, n aei, ngkana ti tangira te Atua, ma n tauu ana tua.

1.Ioane 5:3

B'a bon tangiran te Atua te baei, ae tauan ana tua i roura; ao a aki kanganga aroia n tauaki.

Te Kaotioti 12:17

Ao e un te rakon nakon te aine arei, ao e nako b'a e na buakaniia natin neierei ake tabem'aang, ake a kakawakin ana tua te Atua, ma n teimatoa n taua te koaua are E kaotiotia Iesu.

Te Kaotioti 14:12

Aei te nanom'aaka ae kaantaningaki mairouia ake a itiaki, ake a tauu ana tua te Atua, ma ni kakaonimaki nakon Iesu.

Te Kaotioti 22:14

A a kab'aia akana teboki aia kunnikai aika m'arairai, b'a e na reke nakoia te kona n roko n te kai ni maiu, ao te kona n rin nako i nanoni mataroan te kaawa, b'a a aonga n rin n te kaawa.