1.Ioane 2:17 - Te B'aib'ara

¹⁷ E tabe ngkai ni mauna te aonnaba ae bubure ma kaib'ab'aruna; ma ane kakaraoa nanon te Atua, ao e na maiu n aki toki.

1.Ioane 2:17 Iomraidhean Croise

Taian Areru 102:26

A na bane ni mauna, ma Ko teimatoa; ane a na mangaingai kanga te kunnikai. Ko onikia kanga ai aron te kunnikai, ao ane a na bane n akea rab'ataia.

Taian Areru 143:10

Bon Atuau Ngkoe; reireiai karaoan nanom. E na kairiirai Tamneim ae e raoiroi n te kawai ae aoraoi.

Taian Areru 39:6

kaanga ai aron te nuu. Baika a karaoi, bon akea nanona; e na kaikoi kaub'aina, ao n aki ataia b'a antai ae e na b'ain i mwiina.

Taian Areru 90:9

A kai mauna nako maiura i bukin unim; A waekoa ni kai toki n ai aron te ike ae ti te ikena.

Taeka n Rabakau 10:25

A na mauna nako aomata aika a buakaka aikai a ngkana e roko te angibuaka n oroia, ma e na kaawakiniia ni kabane aika a ongotaeka i rouna te Atua.

Mataio 21:31

Antai ae toua mwin ana taeka tamana irouia uake uoman? A taku nako Ina, “Te karimoa.” E taku Iesu nako ia, E koaua ae I a tuangngkami b'a a ri moami taan anai taekiti ma aine aika kabekaau nako nanon Uean te Atua.

Mataio 24:35

A na mauna karawa ma aonnaba, ma a na aki kona ni mauna au taeka.

Mataio 7:21

A aki bane n rin n Uean te Atua akana aki toki n atoatongai b'a te Uea Ngai, ma e na rin iai ane karaoa nanon Tamau are i karawa.

Mareko 3:35

B'a te aomata ane karaoa nanon te Atua boni ngaia tariu, ao m'aneu, ao tinau.”

Ioane 4:14

ma ane moi n te ran ae N na anganna, ao e na bon aki manga taka. B'a te ran ae N na anganna, e na riki b'a te m'anib'a n ran i nanona are na koburake ao e na anganna te maiu are aki toki.”

Ioane 6:58

Aei te am'arake are ruo mai karawa; tiaki aron te am'arake are a kanna ami bakatibu, ao a mate i mwina. Te aomata ane kana te am'arake aei, ao e na maiu n aki toki.”

Ioane 7:17

Ane kukurei ni karaoa nanon te Atua, ao e na ataia iai b'a te b'ai ae I anga b'a au reirei e nako mairoun te Atua, ke e nako boni man au iango.

I-Rom 12:2

Tai katotonga aroni katein te maiu aei; ma a na bitaki tein ami iango man are kam tataneiai iai, b'a kam aonga n ata raoi aroni karaoan te bae e raoiroi ma ni kakukurei nakon te Atua.

1.I-Korinto 7:31

ao ake a tabe ma b'ain te aonnaba aei, b'a aongkoa a aki kabanebuakai aia tai iai. B'a te aonnaba aei, n arona ae ngkai, e na aki maan ao e na mauna.

I-Korote 1:9

Ma ngaia ae ti aki toki naba n tataro i bukimi, man te tai are ti ongo iai taekami, ao ti aki toki ni butia te Atua b'a kam na kaonaki n ataakin nanona, ao n te rabakau ma te ataib'ai ni kabanea are mairoun te Tamnei,

I-Korote 4:12

E kamauringkami Eb'abera, ae raomi, ae ana toro Kristo Iesu, ae e aki toki ni kakorakora n tatataro i bukimi b'a kam aonga n ata raoi te bae E tangiringkami iai te Atua b'a kam na karaoia, ao b'a kam na kabanea ni karaoia.

1.I-Tetaronike 4:3

B'a aio nanon te Atua i bukini katabuani maiumi b'a ana b'ai: kam na rawa nakon te wene ni bure;

1.I-Tetaronike 5:18

kam na katituaraoi ni b'aai ni kabane. B'a bon aei nanon te Atua i bukimi ngkai kam reitaki ma Kristo Iesu.

Ebera 10:36

E riai b'a kam na nanom'aka, b'a kam aonga ni karaoa nanon te Atua ao e na reke i roumi iai te baere e taekinaki n te taeka n akoi.

Iakobo 4:14

Ao kam bon aki ataia b'a tera aroni maiumi ningabong. B'a kanga ai aron te mabubu ngkami, ae kaoti teutana ao rimwi e mauna.

1.Betero 1:5

ngkami aika kam kawakinaki ni m'aakan te Atua n te onimaki, i bukin te kamaiuaki ae e tauraoi ni kaotaki n te kabanea n tai.

1.Betero 4:2

B'a kam na aki kabane ami bongi ni maiu n rab'atami n iri nanoni iango n aomata aika naano ni kaib'ab'aru, ma kam na ira nanon te Atua.