1.Ioane 2:16 - Te B'aib'ara

¹⁶ B'a b'aai ni kabane aika mena i aonnaba, ae kaib'ab'arun te rab'ata, ma aia kaib'ab'aru maata, ma kainikatongan te maiu aei, a aki riki mairoun te Tama, ma a riki man te aonnaba ae bubure.

1.Ioane 2:16 Iomraidhean Croise

Karikani B'aai 3:6

Ao e noora te kai arei te aine b'a e tamaroa taraana, ao e rangi n raoiroi uaana n te kanaki, ao e a anaaki riki nanona ngke e na wanawana iai. Ma ngaia are, e anai uaana ao e kang. Ao i mwiina, e a manga angan teuare buuna, ao e kanna naba teuarei.

Karikani B'aai 6:2

ao iai tabeman natiia kaaini karawa aika mm'aane ake a noriia ataeinaine aika tikiraoi aikai, ao a karekei buia i buakoia.

Iobi 31:1

I a tia ni karaoa te berita ae matoa b'a N na aki manga taratara te ataei n aine ma te kaitataan.

Taian Areru 73:6

E riki te kainikatonga b'a kanga ai aron m'aen roroaia; ao te kakam'arua b'a kunnikaia;

Taian Areru 78:18

A aki manrerei ngke a kataa te Atua ngke a tua b'a e na karekeaki kanaia are a tangiria.

Taian Areru 78:30

Ma i m'ain ae a rauaki, ngke a bon tabe naba n am'arake,

Taeka n Rabakau 27:20

A aki konaa n rauaki te mate ma te ruanimate, ao ai bon ti te arona naba ma ngaira.

Taeka n Rabakau 6:25

E na aki anaaki nanom n ana kab'akab'aka ke ni maata aika a kan tangiraki mairoun temanna ae ai aron anne.

Taniera 4:30

ao e taku, “Nooria, ai korakorara B'aburon. I kateia b'a au kaawa ae atuun au tautaeka b'a kaotan korakorau ma m'aakau, ma mimitongiu, ao kakannatou.”

Warekaia Iteraera 11:34

Ao ngke a tia n taunaki rab'ataia koraki ake a rangi n nanonrang n te kuere, ao a arana te tabo arei b'a “Ruanimateia Nanonrang.”

Warekaia Iteraera 11:4

Ao n te tai teuana, ao a taonaki n te baki tabeman iruwa ake a maeka i buakoia Iteraera, ao bon Iteraera naba a tang ao a kaangai, “Ai bon akea tannara!

Mataio 4:8

Ao e a manga kairia te riaboro nakon te maunga ae moan te rietaata, ao e kaoti nako Ina aaba ni kabane ma tamaroaia;

Mataio 5:28

Ao Ngai I taku nako imi b'a ane tarataraa te aine n iango i nanona b'a e na wene ni botaki ma ngaia, ao e a tia ni wene ni bure ma ngaia i nanona.

Ruka 4:5

Ao te riaboro e kaira rake Iesu nakon te tabo ae rietaata, ao e kaoti nako Ina n te tai ae waekoa aaba nako n te aonnaba,

I-Rom 13:14

Ma kam na anai ana b'ai ni buaka nako te UEA are Iesu Kristo, ao tai karekei aia tai rab'atami aika bubure b'a a na iri nanoia ni kaib'ab'aru.

1.I-Korinto 10:6

Ao baikai a riki b'a b'aai n reirei nako ira, b'a ti na aki rii iai, n ai aroia.

I-Karatia 5:17

B'a e bati ni kan eekaanako te Tamnei te rab'ata, ao E bati ni kan eekaanako te rab'ata te Tamnei; b'a a i kairiribai, b'a kam aonga n aki karaoi baika kam kani karaoi.

I-Karatia 5:24

Ao akana ana aomata Kristo Iesu a taura te maiu n rab'ata ma nanona ni kammaira ma ni kaib'ab'aru n te kaibangaki.

I-Ebeto 2:3

ake boni ngaira naba ngkoa i buakoia ngke ti bane ni kaoti arora ni maiura b'a ti iri nanoni kaib'ab'arun rab'atara ma nanora; bon aomata ngaira aika e mena i aora unin te Atua, ao ti te bo arora ma aomata ni kabaneia.

Tito 2:12

Te akoi anne are reireira b'a ti na rawa nakon te maiu are akea karinean te Atua iai ma te maiu n tangiri b'ain aon te aba, ao ti na b'aina te maiu n iango raoi, ae te maiu ae karaoa nanon te Atua ma n i raorao ma Ngaia n te aonnaba aei,

Tito 3:3

B'a ti bon nanobaba naba ngaira ngkoa, ao ti aki ongeaba; ti burebureaki ao ti toronaki n naano nako ni kaib'ab'aru ma baika ti na kakukureiaki iai ni kabane ara bongi ni maiu, ni karaoan te buakaka ma b'ainan te bakantang; ao ti ribaki irouia aomata, ao ngaira ti ribaia aomata.

Iakobo 3:15

Te aeka n rabakau aei e aki ruo mai eta, ma boni b'ain aon te aba, ae b'ain te rab'ata, ao aia b'ai taimonio.

Iakobo 4:16

Ma ngkai, kam kamoamoaingkami n ami kainikatonga. Kamoamoa ni kabane aika ai aron aikai a bane ni bubuaka.

Iotua 7:21

I noora niiniiran B'aburon ae e rangi n tamaroa i buakon taian b'ai ni kuri, ao I noora naba nimaua te rawawata te tirewa, ao te m'akoro ni koora ae nakon teuana te b'auna rawawatana. I rangi ni mataai iai ao I a anai naba ni karabai. Ao I tauni i aan au auti n rianna, ao I kamenaa te tirewa n te kabanea mai nano.”

1.Betero 1:14

Ngkai naati aika ongeaba ngkami, ao a na tai kairaki maiumi n iangoan nanomi aika bubuaka ake iai iroumi ngkoa ngke kam roo n nano;

1.Betero 2:11

Ngkami akana kam tangiraki, I butingkami ngkai kanga iruwa ngkami ao kanga aomata aika maeka n aki maan n te aonnaba aei, b'a a na aki tauaki aromi n iangoan nanomi aika bubuaka aika aki toki ni buakana te maiu are kam anganaki.

2.Betero 2:10

ai moara riki te koraki ake a iri nanon rab'ataia ni karaoi m'akuri ni kaib'ab'aru aika kam'ara, ma n rawa n tauaki aroia: te koraki n ninikoria aika kainikatonga, aika aki maku n taetaebuakaia akana neboaki.

2.Betero 2:18

B'a ngke a atongi taeka ni kainikatonga aika ria nako aika akea manenaia, ao a kamanena ni kabatiai kaib'ab'arun te rab'ata b'a kanga abeaia i bukini kam'aneaia akana moanna ni butaki nako mai buakoia akana maeka i buakon te buakaka.