1.Ioane 2:11 - Te B'aib'ara

¹¹ Ma ane riba tarina ao e mena n te roo, ao e nakonako n te roo n aki ataa ike e nako iai, b'a e kamatakii matana te roo.

1.Ioane 2:11 Iomraidhean Croise

2.Tamuera 13:22

Ao e bon karaoa naba ae e raoiroi Abetarom nakon Amnon kaanga akea te b'ai ae e riki, ma e bon rangi n ribaa Amnon n te b'ai are e karaoia nakon m'anena are Nei Tam'aa.

Taeka n Rabakau 4:19

Katein maiuia aomata aika a buakaka kaanga ai aron te rotongitong ae e korakora, ao a na bon aki konaa n ataia b'a tera ae e toki waeia iai.

Te Minita 2:14

Maata aika uoua aika a raraoi kaanga ai aron te wanawana; ao te nanobaba e katikuko i nanon te roo. Te wanawana ke te nanobaba, ma ti te bo tokira.

Nakoaia Ibonga 19:17

Tai tab'ara ni karaoa te kaetieti ae bon riai. E ngae n anne, ao e bure ngkana e aki kaetaki te aomata ane e bon tangira kaetana.

Ioane 12:35

E taku ngkanne Iesu nakoia, “E na aki rangi ni maan ana tai te oota ni mena i buakomi. Ma ngaia are, kam na nakonako ngkai iai te oota, b'a e kaawa n taoningkami te roo; ane nakonako n te roo, ao e aki ata ike e nako iai.

Ioane 12:40

“E kamataki mataia te Atua, ao E kamatoai nanoia; b'a a kaawa n noraba ni mataia ao n atatai n nanoia, ma n rairaki nako iu b'a N na kamaiuia.”

2.I-Korinto 3:14

Ma a kamatoatoaki nanoia; b'a man te tai arei ni karokoa te bong aei, ao e tuai meni mauna te rabuna ni mata ngkana a wareka te Boraraoi Nikawai, b'a ti Kristo ae mauna i Rouna.

2.I-Korinto 4:4

b'a a a tia n rabunaki nanoia aomata aika tiaki taan onimaki iroun atuan te aonnaba aei, b'a a na aki nora ootan euangkerioni mimitongini Kristo, are katotongan te Atua.

Tito 3:3

B'a ti bon nanobaba naba ngaira ngkoa, ao ti aki ongeaba; ti burebureaki ao ti toronaki n naano nako ni kaib'ab'aru ma baika ti na kakukureiaki iai ni kabane ara bongi ni maiu, ni karaoan te buakaka ma b'ainan te bakantang; ao ti ribaki irouia aomata, ao ngaira ti ribaia aomata.

2.Betero 1:9

Ma ane akea i rouna baikai, ao e reme ana taratara n te aro are e aki kona n nora ae raroa, ao e m'aninga are e a tia ni kaitiakaki man ana bure ake nikawai.

1.Ioane 1:6

Ngkana ti taku b'a ti i raorao ma Ngaia, ao ngkana ti bon nakonako n te roo, ao ti kewe iai, ao ti aki karaoa ae koaua;

1.Ioane 2:10

Ane tangira tarina ao e maeka n te oota, ao akea te bae e na reke waena iai n tata nako.

1.Ioane 2:9

Ane taku b'a e mena n te oota, ma e ribaa tarina, ao e mena n te roo ni karokoa ngkai.

1.Ioane 3:15

Ane riba tarina ao ai aron te tia tiri aomata; ao kam ataia b'a bon akea te tia tiri aomata ae reke i rouna te maiu are aki toki.

1.Ioane 4:20

Ngkana e kangai temanna, I tangira te Atua, ao ngkana e ribaa tarina, ao bon te tia kewe ngaia; b'a ane aki tangira tarina ae e a tia n noria, ao e aki kona n tangira te Atua ae e tuai noria.

Te Kaotioti 3:17

Ngkai ko kaangai: I kaub'ai, ao a kabatiaki au b'ai, ao I aki kainano n te b'ai teuana; ao ko aki ataiko b'a te aomata ae e kai nanona ngkoe, ao ko kananoanga; ko aki kaub'ai, ko mataki, ao akea karabaam.