1.Betero 5:3 - Te B'aib'ara

³ ao tai tau-taekaniia akana mena i aan ami tararua, ma kam na riki b'a banna ni kakairi nakon te nanai.

1.Betero 5:3 Iomraidhean Croise

Taian Areru 33:12

E a kab'aia te botannaomata ae Atuana te UEA; A kab'aia aomata akana E rineia b'a ana b'ai.

Taian Areru 74:2

Ururinga am Bootaki n aomata, ae Ko rineia ngkoa i bukim, Ae Ko kainaomataia man te tautoronaki b'a a na riki b'a am Aomata. Ururinga te maunga are Tion, are nem ni maeka.

Etekiera 34:4

Kam aki roko n te kaawakiniia aika a mamaara ke ni kamaiuia aika a aoraki ke ni bauti ikoakiia aika a ikoaki. Kam kairiia mani katiotionakoia ao kam aki roko n te kakaaia aika a m'arua. Kam iowawa ao kam aki raoiroi nakoia Au tiibu.

Mika 7:14

Te UEA, Ko na riki b'a te tia kaawakin tiibu nakoia Am aomata, Am aomata ake Ko rineia. E ngae ngke a maeka ni kaokoro n te rereua, ma boni iai aaba aika a maiu aika a katobibiia. Kariaia b'a a na nako am tiibu n am'arake n uteuten Batian ao Kireata aika a maiureirei, n ai aron are a kakaraoia n taai ake ngkoa.

Warekaia Iteraera 18:7

Ma bon ti ngkoe ma natim mm'aane ae kam kona ni karaoa te m'akuri n ibonga n te baonikarea i nanon te Tabo are Moan te Tabu. Bon au b'aintangira nako imi te m'akuri n ibonga. Ao ake a kataia ni karaoa te m'akuri n ibonga, a na bon tiringaki.

Ioane 13:15

B'a I anganingkami te banna ni kakairi, b'a kam na katotonga ae I a tia ni karaoia nakoimi.

M'akuri 20:28

Kam na tarataraingkami ao tararuaia aomata ni kabaneia ake kam kateaki i buakoia iroun te Tamnei are Raoiroi b'a taan tararuaia: kam na tararua ana ekaretia te Atua, are E reke i rouna b'a ana b'ai n raraan Natina.

1.I-Korinto 11:11

E boni ngae n anne, ma n te maiu n i raorao i nanon te Uea, ao e bon riai iroun te mm'aane b'a e na iai te aine i rarikina, ao iroun te aine b'a e na iai te mm'aane i rarikina.

1.I-Korinto 3:5

B'a tera aron Aboro? Ao tera aroni B'auro? Bon taan i buobuoki ngaira, aika kam riki n onimaki i roura; ao ti karaoa ara m'akuri ni kaeti ma tib'angara are E anganira te UEA.

1.I-Korinto 3:9

Aboro ao ngai, bon raao ni m'akuri i bukin te Atua; ao ngkami ana o n aroka te Atua. Ao ana auti naba ni maeka ngkoe.

2.I-Korinto 1:24

Tiaki nanora b'a ti kan tautaekaningkami, n tuangngkami aromi n onimaki; ma bon raao ngaira ni m'akuri i bukin ami kim'areirei, ngkai kam teimatoa n te onimaki.

2.I-Korinto 4:5

B'a ti aki taekinira, ma ti taekina Kristo Iesu b'a te UEA, ao ngaira b'a ami toro i bukin Iesu.

Te Tua-Kaua 32:9

ma E kaawakina Iteraera te UEA.

I-Biribi 3:17

Taari, kam na kakairi i rou, ao kam na kam'atau taraaia te koraki ake a karaoa are ti karaoia i bukimi b'a te banna ni kakairi.

I-Biribi 4:9

Kam na karaoi baike kam reireiaki iai i rou, ake kam anganaki, ao ake kam ongo ma n noori i rou; ao E na mena iroumi te Atua are e reke te rau mai Rouna.

1.I-Tetaronike 1:7

ao i bukin aromi aei ao kam riki b'a te banna ni kakairi nakoia ni kabaneia ake a onimaki i M'aketonia ao i Akaia.

2.I-Tetaronike 3:9

Ti karaoa aei, tiaki i bukina b'a akea ara riai n tuangngkami buokara, ma i bukina b'a ti kan riki b'a te banna ni kakairi nako imi ae kam na katotongnga.

1.Timoteo 4:12

E na tai kakeaa bonganam temanna ngkai te rorobuaka n ataei ngkoe; ma ko na riki b'a te banna ni kakairi nakoia aika onimaki, n am taeka, n te bae ko karaoia, n arom n tangira, n am onimaki, ma te aro ni maiu ae itiaki.

Tito 2:7

Ko na kaotiko ni b'aai ni kabane b'a te banna ni kakairi n arom ni m'akuri aika raoiroi; ko na b'aina te eti ma te nano ni koaua ngkana ko anga reirei,

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.