1.Betero 5:12 - Te B'aib'ara

¹² E korea te reta ae kimototo Tirouano i buku, ae te tari ae I taku b'a e kakaonimaki. I kani kaungaingkami ma ni kaotiota te akoi aei b'a te akoi ni koaua ae mairoun te Atua: kam na teimatoa iai.

1.Betero 5:12 Iomraidhean Croise

Ioane 21:21

Ma ngaia are, ngke e noria Betero, ao e taku nakon Iesu, “Te Uea, e kanga aron teuaei?”

M'akuri 11:23

Ngke e roko ao e nora aron ana akoi te Atua nakoia, ao e kim'areirei; ao e kaungai nanoia ni kabane b'a a na nim ma te UEA ma nanoia ni koaua.

M'akuri 15:22

E tara n raoiroi nakoia taan tuatua ma unimm'aane ma kaain te ekaretia ni kabane b'a a na kanakoia aomata aika rineaki mai buakoia nako Antioka, b'a raoni B'auro ma B'arenaba. A rinea ngkanne Tira ao Iuta are arana teuana Baretaba, aika aomata aika rangi n onimakinaki i buakoia taari.

M'akuri 20:24

Ma I kakeaa kakawakini maiu nako iu, b'a I aonga ni katia te baere I waaki iai, ma nakoau are E anganai te UEA are Iesu, are te tataekina te euangkerio are taekan ana akoi te Atua.

I-Rom 5:2

are E a tia ni karekea angara n te onimaki b'a ti na roko i nanon te akoaki aei, ae ti mena iai ngkai; ao ti kakatonga ni kaantaningan te neboaki ma te Atua.

1.I-Korinto 15:1

Taari, I a manga tuangngkami te euangkerio are I taekinna nako imi, are kam kaki naba i nanomi, are kam tei naba iai,

2.I-Korinto 1:19

B'a Natin te Atua, are Iesu Kristo, are tataekinaki nako imi i roura i rou ma Tirouano ma Timoteo, E aki nano tiotio i marenan te “Eng” ao te “Tiaki”, ma bon ti te “Eng” i Rouna.

2.I-Korinto 1:24

Tiaki nanora b'a ti kan tautaekaningkami, n tuangngkami aromi n onimaki; ma bon raao ngaira ni m'akuri i bukin ami kim'areirei, ngkai kam teimatoa n te onimaki.

I-Ebeto 3:3

b'a e kaotaki nako iu te baere raba n te kaotioti, n ai aron are I a tia ni korea taekana ni kauarerekea nakoimi;

I-Ebeto 6:21

Tukiko, ae te tari ae tangiraki, ae te tia m'akuri ae kakaonimaki i bukin te UEA, e na kaongoraingkami b'aai ni kabane, b'a kam aonga naba n atai taekau ma arou b'a I uara:

I-Korote 1:7

N ai aron are kam reireiaki iai iroun Eb'abera are raora ni m'akuri ae tangiraki, ae ana tia m'akuri Kristo ae kakaonimaki, ae onei mwira ni m'akuri.

I-Korote 4:7

E na kaongoraingkami n arou nako Tukiko, ae te tari ae tangiraki, ae te tia m'akuri ae kakaonimaki, ae raou naba n toro iroun te UEA.

I-Korote 4:9

Raona ni m'ananga bon Onetimo, ae te tari ae kakaonimaki ae tangiraki, ae bon raomi. A na kaongoraingkami b'aai ni kabane aika karaoaki ikai.

1.I-Tetaronike 1:1

Mairouni B'auro, ma Tirouano, ma Timoteo, nakoia kaain te ekaretia i Tetaronike, aika ana b'ai te Atua ae te Tama ma te UEA are Iesu Kristo: ami b'ai te akoaki ma te raoi.

2.I-Tetaronike 1:1

Mairouni B'auro, ma Tirouano, ma Timoteo, nakoia kaain te ekaretia i Tetaronike aika ana b'ai te Atua ae Tamara ma te Uea are Iesu Kristo;

Ebera 13:22

Taari, I a tia ni korea te reta ae kimototo aei i bukini kakorakoraan nanomi, ao I butingkami b'a kam na ongora ma te taotaonaki n nano n te baere I a tia n taekinna iai.

1.Betero 1:13

Ma ngaia ae kam na tatauraoi n ami iango nako; kam na kamarurungngkami, ao kam na teimatoa ni kaantaninga te akoi are na uotaki nakoimi ngkana E a manga oki Iesu Kristo.

1.Betero 4:10

Ngkai kam anganaki b'aai n tituaraoi n tatabemaningkami nako, ao kam na kamanenai i bukin temanna ma temanna, n ai aroia touati aika raraoi n ana b'ai n akoi aika kakaokoro te Atua:

2.Betero 1:12

Ma ngaia ae iai nanou b'a N na kauringngkami n taai nako ni baikai, e boni ngae ngkana kam a kaman atai ao kam nene ni matoa n te koaua ane e a tia n reke iroumi.

2.Betero 2:15

a kitana te kawai ae eti, ao a tiotio nako, ao a karaoa are e karaoia B'araam are natini Beora, are tangira boon te m'akuri ae kairua are e karaoia;

3.Ioane 1:12

E tataekinaki ni kamoamoaki Temeterio irouia aomata ni kabaneia, ao ni maiuna ni b'ab'aina te koaua; ao e tataekinaki naba ni kamoamoaki iroura; ao ko ata ara kaotioti b'a e boni koaua.

Iuta 1:3

Ngkami aika kam tangiraki, ngke e korakora nanou ni kani koroboki nako imi n taekina te maiu ae bon ara b'ai ma ngkami, ao I taku b'a e bon riai b'a N na koroboki nako imi ni butingkami b'a kam na kakorakoraingkami i bukin te onimaki are a anganaki ake a itiaki n te tai ae ti teuana ao akea riki.