1.Betero 5:10 - Te B'aib'ara

¹⁰ Ao te Atua are mai Rouna te akoi ni kabane, ae weteingkami nakon neboakina ae aki toki ngkai kam reitaki ma Kristo, E na karaoingkami b'a a na nako raoi aromi i mwini marakimi n te tai ae aki maan, ao E na kateimatoaingkami ma ni kakorakoraingkami ma ni kamatoatoaingkami

1.Betero 5:10 Iomraidhean Croise

Taian Areru 119:28

I taonaki n te nanokawaki ae moan te bati: Ko na kakorakoraai, n ai aron am Taeka.

Taian Areru 138:7

Ngkana a otab'aniniai taiani kaangaanga, ao Ko boni kakaawakinai. Ko ekianako nako taan ribaai ngkana a un, ao Ko kamaiuai ni m'aakam.

Taian Areru 86:15

Ma Ngkoe, te UEA, bon te Atua n nanoanga ma n tangira; Ko aki kakai un, ao Ko b'ab'aina te te ataataiaomata ma te koaua.

Taian Areru 86:5

Te UEA, Ko raoiroi ao Ko kab'ab'arai buure; E bati am Tangira nakoia akana tataro nakoim ni kabaneia.

Tekaria 10:12

N na kakorakoraia Au aomata i bukina ngkai bon te UEA Ngai, ao a na irai. Bon aei Au taeka Ngai ae te UEA!

Tekaria 10:6

N na kakorakoraa te abanuea are Iuta ao Iteraera. Ao N na kaota te akoi i bukina b'a bon te UEA Ngai ae Atuaia. N na kaekai aia tataro ma ni kaokiia nakon mwengaia. Ao e na taraa n ae I tuai man katinanikuia.

Ruka 22:32

Ma I a tia n tataro i bukim b'a e na aki bua am onimaki; ao ngkana ko a manga rairaki, ao ko na kateimatoaia tarim.”

I-Rom 15:13

Ao te Atua are e riki mai Rouna te kaantaninga, E na kaon nanomi n te kim'areirei ni kabanea ma te rau i bukina ngkai kam onimakinna, b'a e aonga n teimatoa ami kaantaninga ni m'aakan te Tamnei are Raoiroi.

I-Rom 15:5

Ao te Atua are e riki mai Rouna taotaonan te nano ma kabebetean te nano, E na anganingkami te nano ni bonnano are e reke ni katotongan aroni Kristo Iesu,

I-Rom 16:25

Ti na neboa te Atua! B'a E kona ni kateimatoaingkami n te euangkerio are I tataekinna, are rongorongon Iesu Kristo, ao ni kaotiotan te baere raba are karabaki ma ngkoa i nanon rooro ma rooro;

I-Rom 9:11

B'a ngke a tuai ni bungiaki natina, ngke a tuai ni karaoa ae e raoiroi ke ae buakaka, ao e kaangai te taeka nakoina, “E na toro te karimoa iroun te karimwi.” E taekina aei b'a e na kaotaki iai arona n rinea te nati ae temanna b'a e nako man oin ana kaantaninga;

I-Rom 9:24

B'a I-Iutaia ngaira ke tiaki, ma boni ngaira te koraki ake a weteaki;

1.I-Korinto 1:10

I bubutingkami, taari, n aran ara UEA are Iesu Kristo, b'a kam na kaboraoi nanomi. A na akea te i kakaiwi i marenami, ma kam na reitaki n te nano ae ti te arona, ao n te kaantaninga ae ti te arona.

1.I-Korinto 1:9

E bon riai n onimakinaki te Atua, are Ngaia ae weteingkami b'a kam na i raorao ma Natina are Iesu Kristo are ara UEA.

2.I-Korinto 13:11

Te kabanea, taari, kam na kakatonga, kam na kanako raoi aromi, kam na karau nanomi, kam na b'aina te nano ae ti te arona, kam na raoi; ao E na mena i roumi te Atua are e reke mai Rouna te tangira ma te raoi.

2.I-Korinto 4:17

B'a rawawatara ngkai ae bebete e na uotiira nakon te mimitong ae e raka arona ae e aki totoki ae akea aroni kabotauana.

I-Biribi 4:13

I konai b'aai ni kabane ni kaitarai iroun Teuare kakorakoraai.

I-Korote 2:7

A na nene wakaami i Rouna, ao karikia b'a aani maiumi. Kam na kateimatoaki n ami onimaki, n te aro are kam reireiaki iai, ao kam na kabatia te katituaraoi.

1.I-Tetaronike 2:12

Ni kaungaingkami, ma ni kabebeteingkami, ma n tuatuangkami b'a kam na b'aina te maiu ae boraoi ma nanon te Atua, ae weteingkami nako nanon ueana ma neboakina.

2.I-Tetaronike 2:14

E weteingkami nakon aei te Atua n te euangkerio are ti taekinna, b'a kam aonga ni buokanib'ai ma ara Uea are Iesu Kristo n neboakina.

2.I-Tetaronike 2:17

E na kaninikoriai ma ni kateimatoai nanomi ni m'akuri ni kabane aika raraoi, ma taeka nako aika raraoi.

2.I-Tetaronike 3:3

Ma E kakaonimaki te Uea; E na kateimatoaingkami ma ni kawakiningkami mairoun teuare buakaka.

1.Timoteo 6:12

Ko na kekeiaki m'aaka n te kabo birim'aaka ae b'ain te onimaki, ao karekea te maiu are aki toki b'a kaniwangam; b'a ngaia aei te maiu are E weteiko nako iai te Atua ngke ko moa ni kaota iai am onimaki i mataia taani kakoaua aika bati.

2.Timoteo 1:9

are kamaiura ao E weteira b'a ti na riki b'a ana aomata, tiaki i bukini baika ti a tia ni karaoi, ma i bukin oin ana kaantaninga ma ana akoi, are ti anganaki ngkai ti reitaki ma Kristo Iesu; ao te akoi aei e a kaman tauraoi i bukira ngke a tuai ni karikaki b'aai;

2.Timoteo 2:10

Ma ngaia ae I taona nanou nakoni b'aai ni kabane i bukiia ake a rineaki, b'a a aonga naba ni karekea te kamaiuaki ma te neboaki ae aki toki mairouni Kristo Iesu.

Ebera 9:15

I bukin aei ngkanne, ao Kristo boni Ngaia ae buoka reken te boraraoi ae boou, are a kona iai te koraki ake a weteaki iroun te Atua ni kab'aib'aiaki n te kab'aia ae akea tokina, are E a tia te Atua n taekinna n ana taeka n akoi. E kona ni karaoaki aei i bukina b'a iai te mate are kainaomataia aomata man taiani bure ake a karaoi ngke bon iai te moa ni boraraoi.

1.Betero 1:15

ma kam na itiaki n aroaromi ni maeka ni kabane i matan te Atua, ni kakairi iroun Teuare itiaki are weteingkami.

1.Betero 4:10

Ngkai kam anganaki b'aai n tituaraoi n tatabemaningkami nako, ao kam na kamanenai i bukin temanna ma temanna, n ai aroia touati aika raraoi n ana b'ai n akoi aika kakaokoro te Atua:

1.Betero 4:11

ngkana e taetae temanna, ao e na taetae n atong ana taeka te Atua; ngkana e akoa te aba temanna, ao e na karaoi n ai aron te konaa ae E anganna te Atua; b'a E aonga n neboaki te Atua ni b'aai ni kabane i bukin Iesu Kristo, are ana b'ai te neboaki ma te tautaeka n aki toki. Amen.

2.Betero 1:3

E a tia te Atua n oini m'aakana n anganira b'aai ni kabane i bukin te maiu ni Kristian, n ataakin Teuare weteira b'a ti na buokanib'ai ma Ngaia n arona ma kateina ae e raoiroi;

1.Ioane 2:25

Ao aio te taeka n akoi are E tuangiira: b'a ti na maiu n aki toki.

Iuta 1:24

Ao ana b'ai Teuare kona ni kawakiningkami b'a kam na aki b'aka, are kona naba ni kaakingkami i matana ni mimitongina b'a aomata aika itiaki ma ni kim'areirei,