1.Betero 4:8 - Te B'aib'ara

⁸ Ma e a moamoa i aoni b'aai ni kabane b'a kam na kabatia te i-tangitangiri; b'a e rabuni buure aika rangi ni bati te tangira.

1.Betero 4:8 Iomraidhean Croise

Taeka n Rabakau 10:12

E karikirakea te kiriwe te riribai; ao e aki noora te kaairua ae a karaoia tabem'aang te tangira.

Taeka n Rabakau 12:16

Bon te aro n nanobaba te aki konaa n taotaona unim; ao te aro ni wanawana aki tabeakinan te kamaamaaeaki.

Taeka n Rabakau 17:9

Kam kateimatoa ami iraorao ma raoraom nako ngkana kam kab'ara aia bure, ma kam kakeaa raoraom ngkana kam teimatoa n taetaekina te kaairua ae a tia ni karaoia.

Taeka n Rabakau 18:13

Bon te waaki n nanobaba ni kamamaa te anga te kaeka i m'aain ae e ongora moa.

1.I-Korinto 13:1

I kaota nako imi te aro ae moan te raoiroi riki: ngkana iai i rou te kona n taetae n taetaen aaba nako ma aia taetae anera, ma ngkana akea te tangira i rou, ao I riki n ai aron te b'ai ni katangitang ae te buraati ae e karongoa tangina, ma te b'ai ni katangitang ae te timbara ae e karongoa naba tangina.

1.I-Korinto 13:4

E taotaona nanona te tangira ao e atataiaomata; e aki babakantang te tangira; e aki tataetae ni karakaraka te tangira, ao e aki kainikatonga;

I-Korote 3:14

Ao kam na b'aina te tangira i aoni baikai ni kabane, b'a ngaia ae boti ni kabaei b'aai ni kabane.

1.I-Tetaronike 3:12

ao te Uea E na kabatia ni karakaa ami i-tangitangiri ma tangiraia aomata ni kabaneia i roumi, n ai aron arora nako imi;

2.I-Tetaronike 1:3

Taari, ti bon riai ni katituaraoa te Atua n taai nako i bukimi, ngkae e riki rake ni matoatoa ami onimaki, ao e kabatiaki ami i-tangitangiri ni kabaneingkami.

1.Timoteo 1:5

Te kaantaninga i bukin te bae ti tuangko iai, b'a e na reke i rouia te tangira ae bwebwerake man te nano ae itiaki ao mani mataniwin te nano ae e raoiroi ma te onimaki ni koaua.

Ebera 13:1

Ke e teimatoa aroia n i tangitangiri taari.

Iakobo 5:12

Tariu, te bae moan te kakawaki i aoni b'aai ni kabane bon aei: kam na tai m'anewea arani karawa ke aon te aba ke te b'ai riki teuana ngkana kam tuea; ma e na atongaki ami eng b'a bon eng, ao ami tiaki b'a bon tiaki; b'a aonga n aki motikaki taekami ni kabuakakaki.

Iakobo 5:20

ao e na ataia, b'a ane kaoka te tia bure man arona are kaairua iai, ao e na kamaiua maiun te tia bure anne man te mate, ao a na kamaunaki ana bure aika bati.

1.Betero 1:22

Ngkai kam a tia ni kaitiaki maiumi n ami ongeaba nakon te koaua, ao kam a tia ni b'aina te tangira ni koaua i bukiia raomi ni Kristian, ao kam na kakorakoraingkami n i tangitangiri ma nanomi ni koaua.

3.Ioane 1:2

Ngkoe ae ko tangiraki, bon au kaantaninga b'a ko na kab'aia ni b'aai ni kabane, ao ko na marurung raoi, n ai aron aomatam ni koaua ngkae e a kab'aia.