1.Betero 4:4 - Te B'aib'ara

⁴ A mimi ngkai kam aki raoniia n aroia ni kabatia te maiu-buaka n aron are a kakaraoia; ao a taetaebuakaingkami.

1.Betero 4:4 Iomraidhean Croise

Mataio 23:25

A na reke kaimi, taani koroboki ma B'aritaio, aika taani m'am'ana-te-aba! B'a kam kaitiaka akuun te m'angko ma te raurau, ma a on nanoia n am'arake ma ninima aika reke n te aro n iowawa ma ni kani b'aib'ai.

Ruka 15:13

I mwini boong tabeua, ao e kabane tib'ana teuare te karimwi n rairi nakon te m'ane, ao e kitana mwengana n nako n te aba ae raroa, ao e kabanei iai n te aro ni maiu ni bakatae.

M'akuri 13:45

Ma ngke a nooriia aomata aika bati I-Iutaia, ao a rangi ni bakantang; a kakewei taeka ake a atongaki irouni B'auro, ao a kabuakaka B'auro.

M'akuri 18:6

Ma a ekianako ao a taetaebuakaia, ao ngaia e ioioa ana kunnikai, ao e taku nakoia, “Kam na boni bukintaeka n ami bure! Akea au bure iroumi! I mwini ngkai ao I a nakoia aomata aika tiaki I-Iutaia.”

I-Rom 13:13

Ti na b'aina te aro ae riai ni maiura n ai aroia aomata aika maeka n ootan te ngaina; ti na aki b'aina te maiu are iai i nanona te momooi manging, ma te wene ni bure, ma aaro ni kammaira nako, ma te unun, ma te bakantang.

I-Ebeto 5:18

Kam na tai manging, b'a ngaia ae na urua arom, ma kam na kaonaki n te Tamnei are Raoiroi.

1.Betero 2:12

A na raoiroi aroaromi i buakoia aomata aika tiaki I-Iutaia; b'a ngkana a bukiningkami b'a kam karaoa ae buakaka, ao a noori ami m'akuri b'a a raraoi, ao a na neboa te Atua iai n te bong are E na roko iai.

1.Betero 3:16

ma kam na kaeka ma te nimamannei ao te maku; kawakini mataniwin nanomi b'a a na itiaki; ao n te aro aei a na mamaa iai te koraki ake a taetae ni kabuakakai aroaromi aika raraoi ngkai kam reitaki ma Kristo.

2.Betero 2:12

Ma te koraki aei, aika kanga maan aika aki wanawana, aika bungiaki b'a a na tauaki ni kamateaki, a taetaebuakai baika a aki atai. A na boni kamateaki n ai aroia maan aika aki wanawana;

2.Betero 2:22

E a kaotaki n te baere riki nakoia b'a a koaua iai taeka n rabakau aika kaangai: “E a manga okira mumutana te kamea” ao “Te beeki ae e a tia n tebokaki, e a manga okira rabinobinona i nanon te bokaboka.”

Iuta 1:10

Ao te koraki aei a taetaebuakai baika a aki atai aroia; ao baika a atai n aia namakin aika ai aron aia namakin maan aika aki wanawana, a kamateaki iai.