1.Betero 4:3 - Te B'aib'ara

³ Kam riai n aki manga karaoi baika kam karaoi ngkoa ngke kam iri nanoia aomata ake tiaki Kristian, ni maiu ni kaitataan ma ni kaib'ab'aru, ma ni manging, ma ni bobotaki ni manging ni kukurei ni kammaira, ma n iri taromauriani bouananti aika taromauri aika bati n ribaki.

1.Betero 4:3 Iomraidhean Croise

2.Tamuera 13:28

Ma e tuangiia ana taan m'akuri b'a a na kaaki mataia i aon Amnon. Ngkana e a reke angina teuana n te wain ma ni kukurei, ao N na anga te kanikina. Ao ngkami, kam a tiringnga naba! Boni Ngai ae I tuangkami b'a kam na karaoia, ma ngaia are, kam na aki maaku. Kam na korakora ao kam na ninikoria.”

1.Uea 21:26

E anuanna n te anua ae moan te buakaka, ae te taromaurii bouananti, ae te anua ae a anuanna naba ngkoa Amoraite, ao a teweaki nako iroun te UEA mai m'aaia Iteraera.

2.Rongorongo 15:8

Ao Ata, ngke e ongo naba ngkekei ana taeka Ataria are te burabeti, ao e anga ana taeka i bukin taian bouannanti ni kabane ake i Iuta ao Beniamin b'a a na uruakaki, n ikotaki ma ake n te kaawa ake a tia n reke i rouna n te aba are Eberaim. E bon manga onob'aia naba ana baonikarea te UEA are e mena i matan kamanin te Tembora.

Itaia 28:7

A bebe waeia ibonga ma burabeti b'a a koro ni manging. A rangi ni mangaongao aia iango n te aro are a aki konaa ni butim'aea ana rongorongo te Atua ke n anga babaaire aika a raoiroi.

Itaia 5:11

Kam a reke n te kaangaanga! Kam utim'aaka n te kaarangaina ni mooi, ao kam toki ni b'akanakon te tai n te tairiki.

Itaia 65:4

A kakangainaa ni karabaia i nanon taian nangananga are nneia maate; a kang irikon taian beeki, aika a kuukanaki i nanon tioti aika a kam'araa n te kanaki.

Ieremia 16:11

Ao i mwiina, ko na tuangiia te b'ai ae I a tia n taekinna: Kaain Iuta, a tannako ngkoa ami bakatibu ma i Rou, a katinanikui Au tua ao Au reirei ao a manga moana taromaurian anti tabem'aang.

Ieremia 16:18

N na kataboroa tuaami i bukin ami bure i bukina ngkai kam a tia ni kabuakaka te aba. Kam a tia ni kaonna n taian bouannanti aika a aki maiu kaanga maate.

Etekiera 44:6

Ko na kaangai nakoia Iteraera aika taani kamangao: Bon te UEA ae te Atua Ngai ae I tuangkami b'a kam na katoki taiani m'akuri aika a buakaka!

Etekiera 45:9

E taku te UEA ae te Atua: Kam a tia ngkami aika taan tautaeka i Iteraera, e a bati n tau kimoaia ma keweia Au aomata! I tangiringkami b'a kam na katoka karaoan te bure ao kam na moana karaoan te raoiroi ma te eti. Kam na aki manga oki ni kanakoia Au aomata ma te kairoro man oin abaia. Bon aei Au taeka Ngai ae te UEA.

Mareko 7:22

ao e na mataai ni kani b'aib'ai, ao e na karaoi nako baika buakaka; e na b'aina te kewe, ma te maiu ae aki kani kaetaki, ma te bakantang, ma te taekin taeka ake e na kabuakakaki iai te aomata, ma te kainikatonga; ao e na karaoi baika e na atongaki iai b'a e baba.

M'akuri 17:30

Ma ngaia ae E aki bairei taekaia aomata te Atua i nanon tain te babanga arei; ma E tuangiia aomata ngkai ni kabaneia n taabo nako b'a a na rairi nanoia,

I-Rom 13:13

Ti na b'aina te aro ae riai ni maiura n ai aroia aomata aika maeka n ootan te ngaina; ti na aki b'aina te maiu are iai i nanona te momooi manging, ma te wene ni bure, ma aaro ni kammaira nako, ma te unun, ma te bakantang.

1.I-Korinto 12:2

Kam ataingkami b'a ngke beekan ngkami ngkoa, ao kam kairaki nakoni bouannanti aika aki kona n taetae.

1.I-Korinto 6:11

Ao akanne anuani maiuia ngkoa tem'angina i buakomi. Ma kam a tia n tebokaki; kam a katabuaki b'a ana b'ai te Atua, ao a tia ni kaetaki aromi n reitaki ma te Atua n aran ara UEA are Iesu, ao iroun naba Tamnein Atuara.

2.I-Korinto 12:21

Ao I maaku naba, b'a I kawa ngkana I roko riki ao N na karinanoaki iroun Atuau i matami, ao N na katumaua te tang i bukiia te koraki ake a tia ni bure ao a tuai man rairi nanoia man te kammaira, ma te wene ni bure, ma te tam'are.

I-Karatia 5:19

A bon ataaki ana m'akuri nako te rab'ata, b'a te wene ni bure, te kammaira, te kaitataan,

I-Karatia 5:21

taiani bakantang, te momooi manging, taiani bobotaki ni kukurei ni kammaira, ma baika ai aroni baikai; ao I a manga tuangngkami ngkai, n ai arou naba ngke I tuangngkami ngkoa, b'a a aki kona ni karekea uean te Atua akana karaoi baikai.

I-Ebeto 5:18

Kam na tai manging, b'a ngaia ae na urua arom, ma kam na kaonaki n te Tamnei are Raoiroi.

1.I-Tetaronike 4:5

ma tiaki n te aro ni kaitataan ni kaib'ab'aru n ai aron ae noraki irouia aomata aika tiaki I-Iutaia aika aki ata te Atua.

Tito 3:3

B'a ti bon nanobaba naba ngaira ngkoa, ao ti aki ongeaba; ti burebureaki ao ti toronaki n naano nako ni kaib'ab'aru ma baika ti na kakukureiaki iai ni kabane ara bongi ni maiu, ni karaoan te buakaka ma b'ainan te bakantang; ao ti ribaki irouia aomata, ao ngaira ti ribaia aomata.

1.Betero 1:14

Ngkai naati aika ongeaba ngkami, ao a na tai kairaki maiumi n iangoan nanomi aika bubuaka ake iai iroumi ngkoa ngke kam roo n nano;

Iuta 1:4

B'a a karabaia n rin n te ekaretia aomata tabem'aang aika kaburea taekinan ana akoi te Atua b'a a aonga n reke aonaia iai n aroia n tam'are, ao a kakeaa te Toka are ti temanna are ara Uea, are Iesu Kristo. A kaman taekinaki te koraki aei ngkoangkoa b'a a na motikaki taekaia ni kabuakakaki i bukin aroia aei.